3/29/2024
Today from Hiiraan Online:  _
Wararka Maanta- Sabti, May 11, 2013
Shirkii Wada-tashiga ee AMISOM iyo qurba joogta Soomaaliyeed ee London oo la soo gabagabeeyey (SAWIRO)


Sabti, May 11, 2013(HOL)—Waxaa maalintii labaad ka socda xarunta International Coffee Organization shir looga hadlayo hawlaha ay AMISOM ka waddo Soomaaliya iyo sida ay qurbo-joogta soomaaliyeed uga faa'ideysan karaan fursadaha shaqo iyo sidii ay dalkooda wax ugu qaban lahaayeen.

 

Soo dhaweyntii qabanqaabiyaasha kaddib, waxaa si wanaagsan u sharraxay baahida dalka iyo dawladaba Nafisa Geeddi Santuur, iyadoo qeexday sida ugu habboon ee loo abuuri karo hawlaha dowladeed iyo hawlwadeeno karti leh.

 

Nafiso Geeddi Santuur waxay aad u dul istaagtay sida loogu baahan yahay in qurbajoogta gaar ahaan dhallinyaradu uga faa'ideysan lahaayeen mashruucan.

 

Waxaa isna halkaa ka hadlay Mr. Frantz Celestin oo ka socday IOM oo soo bandhigay mashruuca Quest MIDA ee qurbo-joogta soomaaliyeed dib loogu celinayo Soomaaliya si ay ula shaqeeyaan hay'adaha kala duwan. Wuxuu sharraxay sida ay u shaqaaleeyaan qurbo-joogta iyo shuruudaha ku xiran ruuxii shaqadaas doonaya.

 

Waxaa isna ka hadlay Mr. Amadu Kamara oo ka socay UNSOA oo isna ka hadlay fursadaha shaqo oo ay UN-tu siiso qurba joogta soomaaliyeed oo ay u aragto in ay tahay mid aad muhiim u ah. Waxaa su'aalo la weydiiyey xubnahaas, iyadoo laga dooday tusaalooyin badanna halkaa laga soo jeediyey.

 

Waxaa ugu dambeyntii shirka soo xiray wakiilka xoghayaha gaar ah ee midowga Afrika ahna madaxa AMISOM Mahamat Saleh Annadif oo u mahadnaqay ka soo qeyb galayaashii shirka kuna booriyey  qurba joogta in ay qayb-ka qaataan dib u dhiska Soomaaliya.

 

Waa markii ugu horeysay oo ay AMISOM shir noocaan oo kale ah u qabato Soomaalida ku nool dalka dibaddiisa. James Gadin oo ah madaxa qabanqaabiyaha kulankan ayaa u xaqiijiyey HOL in uu shirkaan mid la mid ah ay AMISOM u qabandoonto Soomaalida ku nool dalka dibadiisa.















Axmed Gure, Hiiraan Online

[email protected]

London, UK













Click here
5/11/2013 2:27 PM EST
Magaalada Minneapolis ee dalka Mareykanka ayaa waxaa lagu qabtay dood aad u xiisa badneyd ee lagu falanqeynayey arrimaha la xiriira Federalka Soomaaliya. Doodaada ayaa waxaa ka qayb-galay: Prof. Axmed I Samatar, Dr. Abdinur Sheekh Mohamed iyo Dr. Hodan Ciise

5/11/2013 12:21 PM EST
Sabti, May 11, 2013 (HOL) — Xarunta SWDC (Somali Women Developments Center ayaa waxay maanta ku wareejisay deeq isugu jirta qalab waxbarasho iyo mid caafimaad ku wareejisay maanta oo Sabti ah wasaarada adeegga bulshada xukuumadda Soomaaliya, waxaa deeqdan ay ka mid timid dadka Mareykanka, taasoo ay ugu talogaleen inay ku caawiyaan Soomaaliya.

5/11/2013 8:49 AM EST
Sabti, May 11, 2013 (HOL) — Taliyaha cusub ee ciidanka booliiska Somalia Jen. C/kariin Daahir Siciid (Saacid) oo toddobaad ka hor loo magacaabay xilkan ayaa si rasmi ah maanta ula wareegay xilkiisa, waxaana xafladdii lagu wareejinayay xilka ka qaybgalay ra’iisal wasaaraha Somalia, Cabdi Faarax Shirdoon (Saacid), guddoomiya maxkamadda sare, Avv. Caydiid Cabdullaahi Ilka-xanaf iyo wasiirka arrimaha guddaha iyo ammaanka Qaranka, C/kariin Xuseen Guuleed.

5/11/2013 8:34 AM EST
Jimco, May 10, 2013 (HOL) — Hay’adda UN-OCHA oo isku-dubaridka gargaarka bani’aadamnimo u qaabilsan Qaramada Midoobay ayaa sheegtay in daad ka dhashay roobab mahiigaan ah oo ka da’ay Koonfurta Soomaaliya ay dileen toddoba caruur ah, 50,000 oo kalena ku qasbay inay guryahooda ka barakaac, sidoo kalena ay u baaba’een daadadkaas 6,400 oo hektar oo dhul-beereed ah.

5/11/2013 8:28 AM EST
Sabti, May 11, 2013 (HOL) — Wsaaradda Boosaha iyo isgaadhsiinta Somaliland ayaa sheegtay inay ogolaatay lambaradda fureyaasha cusub ee shirkadda TELESOM ku soo kordhisay Mobile-keeda gacanta.

5/11/2013 2:26 AM EST
Sabti, May 11, 2013 (HOL) — Gaadiidleyda ka shaqeysa degmooyinka gobolka Shabeellada Hoose ayaa saakay ku dhaqaaqay shaqo-joojin, kaddib markii ay sheegeen in isbaarooyin fara badan lasoo dhigtay waddooyinka isku xira degmooyinka gobolka.

5/11/2013 2:04 AM EST
Sabti, May 11, 2013 (HOL) — Askari ka tirsan ciidamada dowladda Somalia iyo laba qof oo rayid ah ayaa xalay ku dhintay xaafadda suuqa xoolaha ee degmada Huriwaa, kaddib shaqaaqooyin is-daba socday oo xaafaddaas ka dhacay.

5/11/2013 2:01 AM EST
Sabti, May 11, 2013 (HOL) — Ugu yaraan 10-qof ayaa ku dhintay tiro intaas ka badanna way ku dhaawacmeen dagaal u dhexeeya laba beelood oo shalay ka dhacay deegaanka Raamo oo ku dhow degmada Mandheera ee gobolka Waqooyi-bari dalka Kenya.