3/28/2024
Today from Hiiraan Online:  _
Wararka Maanta- Sabti, May 11, 2013
Askari ka tirsan Ciidanka Dowladda Somalia iyo Dad Rayid ah oo ku dhintay Shaqaaqo ka dhacday Magaalada Muqdisho

Sabti, May 11, 2013 (HOL) — Askari ka tirsan ciidamada dowladda Somalia iyo laba qof oo rayid ah ayaa xalay ku dhintay xaafadda suuqa xoolaha ee degmada Huriwaa, kaddib shaqaaqooyin is-daba socday oo xaafaddaas ka dhacay.

Kooxo hubeysan oo ka tirsan Al-shabaab ayaa toogasho ku dilay askari ka tirsan ciidamada xoogga dalka oo wax ka iibsanayay dukaan ku yaalla xaafaddaas, taasoo keentay in ciidamada dowladdu ay markiiba howgallo ka billaabaan goobaha ku dhow halkii uu dilku ka dhacay.

“Dilka askariga wuxuu ka dhacay dukaan ku yaalla laamiga dheer ee dhex-mara degmada, kooxihii geystayna way baxsadeen. Ciidamadu waxay durba billaabeen howlgallo ay ku raadinayaan kooxihii dilka geystay, laakiinse bam ayaa lagu soo weeraray ciidamaduna rasaas ayay fureen,” ayuu yiri C/llaahi Xuseen oo ah taliyaha ciidamada dowladda ee degmada Huriwaa.

Goobjoogayaal ayaa sheegay in haweeney iyo ruux rag ah ay ku dhinteen rasaastii ay fureen ciidamada dowladda laba kalena ay ku dhaawacmeen, iyadoo sarkaalka u hadlay ciidamada dowladda uu sheegay inuu jiray nin ay ciidamadu dhaawaceen, kaddib markii uu diiday in gurigiisa la baaro.

Xaafadda Suuqa Xoolaha ayaa illaa saakay waxaa laga dareemayaa xaalad kacsanaan ah, iyadoo ciidammo fara badan ay ku sugan yihiin laamiga dheer iyo hareerihiisa, kuwaasoo la sheegay inay baaritaanno ku jiraan.

Degmada Huriwaa ayaa waxay ka mid tahay degmooyinka ay inta badan ka dhacaan falalka ammaan-darro ee ay geysanayaan xoogagga taabacsan Al-shabaab, waxaana xaafadda Suuqa Xoolaha ka dhacay dhowr jeer oo hore dilal loo geystay askar tirsan ciidamada dowladda.

Shaqaaqadan ayaa waxay imaanaysaa iyadoo weli ay waddooyinka Muqdisho u xiran yihiin sababo dhinaca ammaanka ah, iyadoo madaxda dowladdu ay sheegeen inay ka go’an tahay sugidda ammaanka caasimadda.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/11/2013 4:33 PM EST
Sabti, May 11, 2013(HOL)—Waxaa maalintii labaad ka socda xarunta International Coffee Organization shir looga hadlayo hawlaha ay AMISOM ka waddo Soomaaliya iyo sida ay qurba joogta soomaaliyeed uga faa,ideysan karaan fursadaha shaqo iyo sidii ay dalkooda wax ugu qaban lahaayeen.

5/11/2013 2:27 PM EST
Magaalada Minneapolis ee dalka Mareykanka ayaa waxaa lagu qabtay dood aad u xiisa badneyd ee lagu falanqeynayey arrimaha la xiriira Federalka Soomaaliya. Doodaada ayaa waxaa ka qayb-galay: Prof. Axmed I Samatar, Dr. Abdinur Sheekh Mohamed iyo Dr. Hodan Ciise

5/11/2013 12:21 PM EST
Sabti, May 11, 2013 (HOL) — Xarunta SWDC (Somali Women Developments Center ayaa waxay maanta ku wareejisay deeq isugu jirta qalab waxbarasho iyo mid caafimaad ku wareejisay maanta oo Sabti ah wasaarada adeegga bulshada xukuumadda Soomaaliya, waxaa deeqdan ay ka mid timid dadka Mareykanka, taasoo ay ugu talogaleen inay ku caawiyaan Soomaaliya.

5/11/2013 8:49 AM EST
Sabti, May 11, 2013 (HOL) — Taliyaha cusub ee ciidanka booliiska Somalia Jen. C/kariin Daahir Siciid (Saacid) oo toddobaad ka hor loo magacaabay xilkan ayaa si rasmi ah maanta ula wareegay xilkiisa, waxaana xafladdii lagu wareejinayay xilka ka qaybgalay ra’iisal wasaaraha Somalia, Cabdi Faarax Shirdoon (Saacid), guddoomiya maxkamadda sare, Avv. Caydiid Cabdullaahi Ilka-xanaf iyo wasiirka arrimaha guddaha iyo ammaanka Qaranka, C/kariin Xuseen Guuleed.

5/11/2013 8:34 AM EST
Jimco, May 10, 2013 (HOL) — Hay’adda UN-OCHA oo isku-dubaridka gargaarka bani’aadamnimo u qaabilsan Qaramada Midoobay ayaa sheegtay in daad ka dhashay roobab mahiigaan ah oo ka da’ay Koonfurta Soomaaliya ay dileen toddoba caruur ah, 50,000 oo kalena ku qasbay inay guryahooda ka barakaac, sidoo kalena ay u baaba’een daadadkaas 6,400 oo hektar oo dhul-beereed ah.

5/11/2013 8:28 AM EST
Sabti, May 11, 2013 (HOL) — Wsaaradda Boosaha iyo isgaadhsiinta Somaliland ayaa sheegtay inay ogolaatay lambaradda fureyaasha cusub ee shirkadda TELESOM ku soo kordhisay Mobile-keeda gacanta.

5/11/2013 2:26 AM EST
Sabti, May 11, 2013 (HOL) — Gaadiidleyda ka shaqeysa degmooyinka gobolka Shabeellada Hoose ayaa saakay ku dhaqaaqay shaqo-joojin, kaddib markii ay sheegeen in isbaarooyin fara badan lasoo dhigtay waddooyinka isku xira degmooyinka gobolka.

5/11/2013 2:01 AM EST
Sabti, May 11, 2013 (HOL) — Ugu yaraan 10-qof ayaa ku dhintay tiro intaas ka badanna way ku dhaawacmeen dagaal u dhexeeya laba beelood oo shalay ka dhacay deegaanka Raamo oo ku dhow degmada Mandheera ee gobolka Waqooyi-bari dalka Kenya.