3/29/2024
Today from Hiiraan Online:  _
Wararka Maanta- Arbaco, May 1 , 2013
Dowladaha Britain iyo Imaaraadka Carabta oo Malaayiin Doollar ku Bixinaya ka hortagayo kufsiga Haweenka Soomaaliyeed


Arbaco, May 01, 2013 (HOL) — Dowladaha Britain iyo Imaaraadka Carabta ayaa ku dhawaaqay inay bixinayaan lacag gaaraysa laba milyan oo doollar si looga hortago kufsiga loo geysto haweenka Soomaaliyeed, iyadoo hadalkan lagu sheegay warbixin kasoo baxay wasaaradda arrimaha dibadda Britain.

Warbixinta ayaa lagu xusay in dalka walba uu bixinayo hal milyan oo doollar sida ay sheegeen xoghayaha arrimaha dibadda ee Britain, William Hague iyo wasiirka arrimaha dibadda Imaaraadka, Sheekh Cabdalla Bin Zayid Al-Nahyan.

Qoraalka kasoo baxay wasaaradda arrimaha dibadda Birtain ayaa sidoo kale lagu sheegay in labada dal ay ku heshiiyeen inay bixiyaan kaddib markii uu booqasho ku tagay Britain madaxweynaha Imaaraadka Carabta, Sheekh Khaliifa Bin Zayd Al-Nahyan.

Deeqdan lacageed ayaa noqonaysa tii ugu horreysay oo wax looga qabanayo kufsiga loo geysto haweenka Soomaaliyeed oo intooda badan lagu eedeeyo inay geystaan ciidamada ammaanka dowladda Soomaaliya iyo kooxo kale oo hubeysan.

Shirka Soomaaliya loogu qabanayo magaalada London 07-da bishan May ayaa la sheegay in qodobka ugu muhiimsan ee looga doodayo uu noqon doono kufsiga haweenka, iyadoo rajo ka muujisay in dambiga kufsiga gabi ahaan la joojiyo.

Warbixinta ayaa lagu sheegay in dowladda Soomaaliya ay si cad u sheegtay inay ka go’an tahay ka hortagto kufsiga haweenka oo ah dambi aad u fool-xun ayna cadaaladda horkeeno kuwa geysta, iyadoo sidoo kalena dowladda ay ka go’an tahay inay horumariso nolosha haweenka Soomaaliya.

Ugu dambeyn, warbixinta ayaa lagu sheegay in lacagtan ay ka caainayso dowladda Soomaaliya, tababaridda ciidamada, awoodda oo la dhiso iyo talooyin ay kasoo bixiyaan koox Qaramada Midoobay ka socda oo booqanaya Soomaaliya dhamaadka sannadkan habka ugu habboon ee looga hortagayo kufsiga.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/1/2013 12:19 PM EST
Arbaco, May 01, 2013 (HOL) — Madaxweyne Soomaaliya, Xasan Sheekh Maxamuud ayaa maanta oo ku beegan maalinta shaqaalaha adduunka wuxuu booqday shirkad kaluumeysi oo xarunteedu tahay degmada Wardhiigley ee gobolka Banaadir, isagoo sheegay in kalluumeysigii sharci-darrada ahaa ee xeebaha Soomaaliya uu sii yaraanayo.

5/1/2013 12:05 PM EST
Arbaco, May 01, 2013 (HOL) — Wasiiradda arrimaha dibadda ee Soomaaliya, Fawsiya Yuusuf Xaaji Aadan ayaa maanta u dhooftay magaalada Addis Ababa ee dalka Itoobiya, halkaasoo ay uga qaybgalayso shir looga hadlayo amaanka dalalka Bariga Afirka oo ay soo diyaarisay IGAD.

5/1/2013 12:03 PM EST
Arbaco, May 01, 2013 (HOL) — Xoghayaha guud ee Qaramada Midoobay, Ban Ki-Moon ayaa cambaareeyay dilkii ku xigeenkii garyaqaanka guud ee dowladda Soomaaliya, Axmed Sheekh Nuur Macallin, isagoo sheegay inuu aad uga xun yahay weerarrada ka dhacaya Muqdisho ee lagu beegsanayo sharci-yaqaannada Soomaaliyeed.

5/1/2013 10:17 AM EST
Arbaco, 1 May, 2013(HOL) :- Ciidamada Kenya ee ilaalada ka haya xarunta Jaamacadda Kismaayo oo ah halka ay ku suganyihiin qaar kamid ah ergada ka qeybqaadaneeysa shirka maamul u sameynta Jubbaland ayaa waxaa maanta lagu qabtay haweeney la sheegay in ay sidatay walxaha qarxa.

5/1/2013 8:40 AM EST
Arbaco, May 01, 2013 (HOL) — Maxkamadda Degmadda Gabiley ayaa toddobaadkan magaaladda Wajaale ee xuduudda Somaliland iyo Itoobiya u dhexeeya ku xukuntay rag lagu eedeeyey inay tahriibiyaan dhalinyarta Somaliland, kuwaas oo lagu soo qabqabtay magaaladaasi.

5/1/2013 8:17 AM EST
Arbaco, May, 01, 2013 (HOL) Munaasabad siweyn loo soo agaasimay laguna qabtay xarunta ciidamada Lama-galaay ee magaalada Baladweyne ayaa maanta mudo 22 sano ah kadib waxaa markii ugu horeysay lacago gunno ah loogu qeybiyay ciidamada xoogga dalka ee maamulka gobollka Hiiraan.

5/1/2013 8:15 AM EST
Arbaco, May 01, 2013 (HOL) — Madaxwaynihii hore ee Soomaaliya, Shariif Sheekh Axmed ayaa socdaal ku maraya qaar ka tirsan magaalooyinka waa-weyn ee dalka Mareykanka, isagoo khudbado ka jeediyay magaalada Atlanta ee gobolka Georgia, West Virginia iyo North Carolina, wuxuuna khudbadaha ka jeediyay jaamacado ku yaalla gobollada uu maray, wuxuuna sidoo kale la qaatay kulamo mas’uuliyiin ay ku jiraan qaar xilal hore kasoo qabtay dalka Mareykanka iyo Soomaaliyeed ee ku nool magaalooyinkaasi.

5/1/2013 7:39 AM EST
Arbaco, May 01, 2013 (HOL) — Maanta oo ah maalinta shaqaalaha weynaha adduunka ayaa xiriirka ururada shaqaalaha Soomaaliyeed ee FESTU waxay u dabaal-degeen maalintan qiimaha weyn ku leh shaqaalah dunida oo dhan.

5/1/2013 1:33 AM EST
Arbaco, May 01, 2013 (HOL) — Xarakada Al-shabaab ayaa ku goodisay inay u aargudi doonto 13-kii qof ee shalay lagu dilay duleedka Boosaaso, iyadoo ku tilmaantay falkaas xasuuq loo geystay dad aan waxba galabsan oo la iska soo xirxiray.

5/1/2013 1:08 AM EST
Arbaco, May 01, 2013 (HOL) — Ammaanka magaalada Muqdisho ayaa si aad ah loo adkeeyay, waana maalintii labaad oo jidadka Muqdisho intooda badan ay xiran yihiin, waxaana ma’uuliyiinta maamulka gobolka Banaadir ay shegeen in laga baqdin qabo in Al-shabaab ay falal argagaxiso ka geysato Muqdisho.