2/7/2023
Today from Hiiraan Online:  _
Wararka Maanta- Sabti, Mar 9 , 2013
Fartuun Cabdisalaan oo ka mid noqotay Sagaal Haween ah oo Mareykanku uu Guddoonsiisay Abaalmarino (SAWIRRO)

Sabti, Maarso 09, 2013 (HOL) — Fartuun Cabdisalaam Xaaji Aadan oo ah madaxa hay’adda Elman Peace ayaa ka mid noqotay sagaal haween ah oo dowladda Mareykanka ay ku abaalmarisay shalay oo Jimco ahayd doorka ay ka qaateen ilaalinta xuquuqda haweenka iyo caruurta.

Xaflad lagu qabtay magaalada Washington oo loogu dabbaal-degayay 102-sano guuradii kasoo wareegtay maalinta haweenka adduunka ee 08-da Maarso ayaa haweenkan lagu guuddoonsiiyay abaalmarinnada, waxaana ka mid ahaa haweenka abaalmarinta la guddoonsiiyay gabar u dhalatay dalka Hindiya oo u dhimatay kufsi ay u geysteen rag fara badan.

“Dumarkan waxay u istaageen sidii ay wax uga qaban lahaayeen falalka ka baxsan bani’aadamnimada ee lagula karo dumarka, kuwaasoo dalalkooda ay iska indho-tirayeen si ay xuquuqda haweenka u dhowri lahaayeen,” ayay tiri marwada koowaad ee dalka Mareykanka Michael Obama. Iyadoo haweenka kale ee dunida ugu baaqday inay ku daydaan haweenka abaalmarinta la siinayo.

Haweenka ay dowladad Mareykanka abaal-marinta guddoonsiisay ayaa u kala dhashay dalalka Soomaaliya, Hunduras, Afgaanistaan, Nigeria, Siiriya,  Ruushka, Shiinaha, Fiyetnam iyo Hindiya. Waxaana goobta abaalarinta lagu bixiyay ka maqnaa shan haween ah.

Xoghayaha arrimaha dibadda ee Mareykanka John Kerry oo munaasabadda ka hadlay ayaa sheegay in haweenka abaalarinta la guddoonsiiyay ay ka mid tahay gabar u dhalatay dalka Hindiya oo u dhimatay kufsi fool xun oo lagula kacay, haweeney xabsi ku jirta, mid kale oo xabsi guri ku xukuna iyo gabar uu sheegay inay magaceeda u qariyeen sababo ammaankeeda la xiriira.

Sidoo kale, Kerry wuxuu sheegay in maamulka Barack Obama uu ku daray waxyaabaha udub dhexaadka u ah siyaasaddiisa dibadda sidii loo difaaci lahaa xuquuqda haweenka, isagoo xusay in safaaradaha Mareykanka ee ku firirsan caalamka ay billaabeen barnaamijyo lagu difaacayo xuquuqda dumarka.

Mar uu ka hadlayay waxyaabaha ay ku xusheen in Fartuun Cabdisalaan ay ka mid noqto haweenka abaalmarinta ay siinayaan ayuu sheegay in muddo dheer ay kala shaqeynaysay seygeedii sidii ay caruurta Soomaaliyeed u heli lahaayeen nabad iyo waxbarasho wanaagsan, balse seygeedii Elman ayaa la dilay sannadkii 1996-kii.

“Fartuun muddo ayay kala shaqeynaysay seygeedii geeriyooday nabadda iyo waxbarashada, waxaana markii seygeeda lagu dilay shirqool ay maleegeen hoggaamiye kooxeedyo; waxay saddexdeeda gabdhood ula carartay dalka Kanada halkaasoo ay kusoo korsatay, balse sannadkii 1997-kii oo ay colaado badan jireen waxay ku laabatay Muqdisho si ay howshii samafalka ahaa u sii waddo, kuwaas iyo kuwo kale oo badan ayay ku mutaysatay abaalmarinta,” ayuu yiri Kerry.

Haweenkan ayaa waxay safarro ku kala bixin doonaan guud ahaan gobollada dalka Mareykanka, iyagoo ugu dambeyn isugu tegi doona magaalada San Diego ee gobolka California si ay isku dhaafsadaan waxyaabaha ay soo arkeen ayna uga hadli lahaayeen sidii ay uga wadashaqeyn lahaayeen horumarinta haweenka iyo gabdhaha caalamka.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/9/2013 12:05 PM EST
Sabti, Maarso 09, 2013 (HOL) — Xukuumadda Soomaaliya ayaa soo dhaweysay guushii uu madaxweynaha cusub ee Kenay, Uhuru Kenyatta ka gaaray doorashadii madaxnimo ee dalkaas, waxayna ballanqaaday inay xoojin doonto wadashaqeynta kala dhexeysa Kenya.

3/9/2013 11:53 AM EST
Sabti, Maarso 09, 2013 (HOL) — Kooxo hubeysan ayaa ku toogtay degmada Kaaraan ee gobolka Banaadir saakay aroortii hore laba qof oo la sheegay in ay ka tirsanaayeen ciidamada nabadsugidda dowladda Soomaaliya.

3/9/2013 11:07 AM EST
Sabti, Maarso 09, 2013 (HOL) — Ra'iisul wasaaraha dowladda Federaalka ah ee Soomaaliya Cabdi Faarax Shirdoon iyo wefdi ballaaran oo uu horkacayey ayaa maanta soo gaarey magaalada Garoowe ee xarunta maamulka Puntland.

3/9/2013 8:08 AM EST
Sabti, Maarso 09, 2013 (HOL) — Ciidamadii Soomaaliya ee dhawaan qatay degmada Ufurow ee gobolka Bay ayaa dib u soo laabtay Baydhabo, kaddib markay ku sugnaayeen labo maalmood, waxaa kaloo magaalada Baydhabo soo buux-dhaafiyey ciidamadii ku sugnaa jiidda hore ee dagaalka, gaar ahaan degmada Berdaale, Qansax-dheere iyo deegaanka Goof-gaduud Shabeelow.

3/9/2013 7:58 AM EST
Sabti, Maarso 09, 2013 (HOL) — Xildhibaannada baarlamaanka Soomaaliya ayaa waxaa maanta loo qaybiyay nuqullada dastuurka dalka kaasoo dib u eegis lagu sameynayo, iyadoo kulanka uu khudbad dheer ka jeediyay Prof. Maxamed Sheekh Cismaan (Jawaari) oo sheegay in baarlamaanku uu diyaar u yahay inuu ka shaqeeyo danta shacabka.

3/9/2013 7:13 AM EST
Sabti, Maarso 09, 2013 (HOL) — Mas’uuliyiinta maamulka Khaatumo ayaa markii ugu horreysay shaaca ka qaaday in aanay jirin khilaaf la sheegay inuu u dhexeeyo mas’uuliyiintaas, kaddib shir jaraa’id oo mas’uuliyiinta ay ku qabteen magaalada taariikhiga ah ee Taleex.

3/9/2013 6:55 AM EST
Sabti, March 09, 2013 (HOL) - Gudoomiyaha gudiga doorashada Dalka Kenya ayaa si rasmi ah, daqiiqado ka hor ugu dhawaaqay inuu ku guulaystay doorashadii Kenya, Uhuru Kenyatta oo noqonaya madaxweynihii afraad.

3/9/2013 6:53 AM EST
Sabti, Maarso 09, 2013 (HOL) — Munasaabad lagu xusayay sannadguuradii 10-aad ee kasoo wareegtay aasaaska Jaamacadda Banaadir ayaa shalay oo Jimco ahayd lagu qabtay hoteelka Safari ee magaalada Muqdisho, iyadoo munaasabaddaas ay kasoo muuqdeen ku dhowaad 100 arday oo xilligan ka qelin-jebisay kuliyadaha ay ka kooban tahay Jaamacaddaas.

3/9/2013 5:30 AM EST
Sabti, March 09, 2013(HOL):Munaasabad lagu weyneynayay maalinta haweenka adduunka ee 8-da Maarso ayaa lagu qabtay magaalada Stockholm ee caasimadda dalka Sweden, iyadoo munaasabaddanna ay ka qeybgaleen xildhibaanno iyo wasiir ka tirsan Dowladda Federaalka Soomaaliya.

3/9/2013 4:51 AM EST
Sabti, Maarso 09, 2013 (HOL) —Waxaa shalay gelinkii danbe garoonka caalamiga ah ee waamo Stadium ee magaalada Kismaayo lagu soo gabagabeeyay tartan kubadda cagta ah oo kooxaha Zera A-da ee magaalada Kismaayo, kaasoo lagu dhiirigelinayay nabadda iyo isdhaxgalka Bulshada.

3/9/2013 3:07 AM EST
Sabti, March 09, 2013 (HOL) - Ra’iisul wasaaraha dalka Kenya Raila Odinga oo ay u muuqato in looga guulaystay doorashadii ka dhacday dalka Kenya ayaa diidan inuu qirto arrinkaas xilli la tiriyay dhammaan codadkii la dhiibtay.

3/9/2013 1:36 AM EST
Sabti, Maarso 09, 2013 (HOL) — Sanad kasta 08-da bisha Maarso oo ku beegneyd maalintii shalay waxaa ay ku asteysan tahay maalinta haweenka aduunka, waxaana meelo badan oo caalam-ka ka tirsan looga dabaal-dagaa xuska maalinta haweenka.

3/9/2013 1:25 AM EST
Sabti, Maarso 09, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa maanta u dhoofay magaalada Garoowe ee xarunta Puntland, iyadoo booqashadan ay noqonayso tii ugu horreysy oo mas’uul ka tirsan dowladda Soomaaliya uu ku aado Puntland.

9/3/2013 12:10 PM EST
Sabti, Maarso 09, 2013 (HOL) — Guddoomiyaha isbahaysiga Jubilee ee dalka Kenya, isla marakana ahaa ra'iisul wasaare ku xigeenka xukuumaddii hore, Uhuru Muigai Kenyatta ayaa u muuqda inuu ku guuleystay doorshada madaxnimo ee dalka Kenya, kaddib markii helay codadkii loo baahnaa.