1/28/2023
Today from Hiiraan Online:  _
Wararka Maanta- Jimco, Mar 8 , 2013
Dekedda Muqdisho oo Mar kale laga dhoofiyay Xoolo Nool iyo Ra’iisul Wasaare Saacid oo Mashruucan Furay (SAWIRRO)


Jimco, Maarso 08, 2013 (HOL) — Dekedda weyn ee Muqdisho ayaa waxaa maanta markii labaad laga dhoofiyo xoolo nool, iyadoo ra’iisul wasaaraha Soomaaliya, Cabdi Faarax Shirdoon (Saacid) uu xariga ka jaray mar kale dhoofint xoolaha nool ee dekedda Muqdisho.

Munaasabadda uu mar kale ra’iisul wasaaraha Soomaaliya xariga ka jaray ayaa waxaa iyaguna goobjoog ka ahaa: wasiirro ka tirsan xukuumadda oo ay ka mid ahaayeen: wasiirka arrimaha gudaha iyo amniga, wasiirka warfaafinta, isgaarsiinta iyo gaadiidka, wasiirka kheyraadka dalka iyo wasirika ganacsiga iyo warshadaha, Sidoo kale, waxaa goobjoog ka ahaa guddoomiyaha gobolka Banaadir ahna duqa Muqdisho iyo mas’uuliyiinta dekedda.

Xoolaha nool ee maanta la dhoofiyay oo ahaa geel ayaa waxaa lahayd shirkad Soomaaliyeed oo xoolaha dhoofisa, waxaana la sheegay in loo iib-geynayay dalka Sucuudi Carabiya.

Xukuumaddu waxay fududeysay wax kasta oo ganacsatada Soomaaliyeed u sahli kara inay dhoofiyaan xoolaha nool si dib loogu soo celiyo sharaftii ay Soomaaliya ku lahayd iib-geyn badeecadaha iyo xoolaha nool,” ayuu ra’iisul wasaaraha Soomaaliya ku sheegay hadal uu jeediyay kaddib markii uu xariga ka jaray mashruuca dhoofinta xoolaha.

Ra’iisul waasaruhu wuxuu intaas ku daray in Alle uu dalkeenna ku manneystay khayraad fara badan oo dadkeenna looga baahan yahay inay ka faa’iideystaan; kuwaasoo ay ka mid yihiin beeraha, xoolaha nool iyo kuwo kale oo fara badan.

Guddoomiyaha rugta ganacsiga, Maxamuud Cabdikariim Gabeyre oo isaguna hadal ka jeediyay munaasabadda ayaa sheegay inay dadaal dheer u galeen sidii loo horumarin lahaa iib-geynta  xoolaha oo Soomaaliya ay caan ku tahay; isagoo dowladda uga mahad-celiyay dadaalka ay ku bixisay sidii ay xoolaha u dhoofi lahaayeen.

Dekedda Muqdisho ayaa waxaa bishii lasoo dhaafay 27-keedii laga dhoofiyay xoolo nool oo lo' ahaa, kuwaas oo ku socday dalka Cummaan, waxaana markaas xariga KMG ah uga furay dhoofinta xoolaha nool ee dekedda Muqdisho wasiir ku xigeenka wasaaradda ganacsiga iyo warshadaha.













Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/8/2013 12:31 PM EST
Jimco, Maarso 08, 2013 (HOL) — Madaxweynaha Soomaaliya, Xasan Sheekh Maxamuud oo galabta shir jaraa’id ku qabtay Muqdisho ayaa ka hadlay hoos u dhaca ku yimid sarifka lacagaha iyo qiime kororka maciishadda, isagoo ku sheegay arrintaas inay ku timid doollarka oo batay iyo shillinka oo yaraaday wuxuuna xusay in dowladda Soomaaliya ay ku dadaalayso sidii arrintaasi xal kama dambeys ah loogu heli lahaa.

3/8/2013 12:08 PM EST
Jimco, Maarso 08, 2013 (HOL) — Munaasabad lagu maamuusayay Maalinta Haweenka Adduunka ee 8-da Maarso ayaa maanta lagu qabtay Degmada Jowhar ee xarunta Gobolka Shabellada dhexe, iyadoo haweenkii kulankaas ka qaybgalay ay wateen boorar ay ku qoran yihiin erayo ay uga soo horjeedaan dhibaatooyinka haweenka loo geysto.

3/8/2013 12:01 PM EST
Jimco, Maarso 08, 2013 (HOL) — Guddoonka baarlamaanka Soomaaliya ayaa warsaxaafadeed ay maanta soo saareen ku sheegay in xildhibaannada baarlamaanka ay si rasmi ah u daah-furayaan maalinta berri ah dib u eegis lagu sameeyo dastuurka dalka, kaasoo ay horay si KMG ah ugu ansixiyeen ergo lasoo xulay.

3/8/2013 11:17 AM EST
Jimco, Maarso 08, 2013 (HOL) — Munasaabad ballaaran oo lagu xusayay maalinta haweenka dunida ee 8-da Maarso oo maanta ku beegan ayaa lagu qabtay hoteelka Oriental ee magaalada Muqdisho, taasoo qabanqaabadeeda ay lahayd wasaarada horumarinta adeegga bulshada ee xukuumadda Soomaaliya

3/8/2013 10:52 AM EST
Jimco, Maarso 08, 2013 (HOL) — Nin la sheegay inuu maskaxdda ka xanuunsanayo ayaa saaka subaxii tooray qudha kaga jaray xaaskiisi iyo laba caruur ah oo uu dhalay, dhaawacna soo gaadhsiiyey naftiisa.

3/8/2013 10:51 AM EST
Jimco, Maarso 08, 2013 (HOL) — Ciidamadda Militariga iyo ciidamadda gaarka u tobabaran ee loo yaqaan (RRU), ayaa hawlgalo balaadhan oo lagu qabqabanayo maleeshiyo lagu tuhunsanyahay inay degaanka xariirad ka geysten falal ammaandarro, ayaa la sheegay inay ku soo qabqabteen ku dhawaad 12 xubnood oo isugu jira madax dhaqameed, xildhibaanno iyo maleesiyo beeleedyo kale.

3/8/2013 1:30 AM EST
Jimco, Maarso 08, 2013 (HOL) — Xaafadda isku raranka ah ee State House loo yaqaan ee magaaladda Hargeysa, ayaa shalay galab waxa ku gubtay guryo badan ka dib markii dab aan la garan waxa uu ka dhashay ka qarxay xaafadasi kaas oo geystay khasaare hantiyeed.

3/8/2013 1:14 AM EST
Jimco, Maarso 08, 2013 (HOL) — Jamhuuriyada Kuuriyada Waqooyi ayaa ku dhawaaqday inay goyneyso dhammaan heshiisyadii kala dhaxeeyay dalka Kuuriyada Koonfureed, taasoo ay kaga jawaabayso cunno-qabateynta cusub ee Qaramada Midoobay ay ku soo rogtay dalkaas oo muddo dheer go’doon ahaa.

3/8/2013 12:34 AM EST
Jimco, Maarso 08, 2013 (HOL) — Ra’iisul wasaar ku xigeenkii dalka Kenya, Uhuru Kenyatta ayaa weli hoggaaminaya natiijooyinka hordhaca ah ee doorashada dalka Kenya, iyadoo tirinta codadkuna ay weli ka socoto Bomas goobta loogu talogalay in doorashada lagu tiriyo.