2/7/2023
Today from Hiiraan Online:  _
Wararka Maanta- Jimco, Mar 8 , 2013
Wasaaradda Horumarinta Adeegga Bulshada oo xaflad lagu xusayey Maalinta Haweenka ku qabatay Muqdisho (SAWIRRO)

Jimco, Maarso 08, 2013 (HOL) — Munasaabad ballaaran oo lagu xusayay maalinta haweenka dunida ee 8-da Maarso oo maanta ku beegan ayaa lagu qabtay hoteelka Oriental ee magaalada Muqdisho, taasoo qabanqaabadeeda ay lahayd wasaarada horumarinta adeegga bulshada ee xukuumadda Soomaaliya

Xafladdaas oo ahayd mid si weyn looga soo shaqeeyay ayaa waxaa ka qayb-galay mas’uuliyiin ka socotay wasaaradda horumarinta adeegga bulshada, xildhibaanno, haween ka socday degmooyinka gobolka Banaadir, ururrada bulshada, fannaaniin iyo marti sharaf kale.

Fannaaniin kooxda IFTIN ee wasaaradda waxbarashada ayaa xafladda kusoo bandhigay, heeso, ruwaayado goos-goos ah, gabayo, buraanburro iyo murti kale, kuwaasoo dhammaantood ka tarjumayay qiimaha ay leedahay maalinta haweenka adduunka.

Xildhibaanno ka tirsan baarlamanka ayaa khudbado ku furay munaasabadda kuwaasoo ay kala ahaa: xildhibaanad Maryan Macallin iyo xidhibanad Sareedo kuwasoo ku boorriyay haweenka Soomaaliyeed inay midnimadooda ilaashadaan.

Sidoo kale, waxaa hadal ka jeediyay munaasabadda wasiir ku xigeenada wasaaradda horumarinta adeegga bulshada, Maxamed Macallin Axmed iyo Bashiir Maxamed Nuur (Goobe) oo hambalyada 8-da Maarso ka sokow sheegay in wasaaraddu ay door muhiim ah kaga jirto horumarinta haweenka Soomaliyeed, iyagoo xusay inay wadaan qorshe wax lagu barayo sannadkan illaa hal milyan oo caruur ah Soomaaliyeed ah.

Ugu dambeyn, waxaa munaasabadda khudbad ka jeediyey wasiir-u-dowlaha wasaarada horumarinta adeega bulshada oo marka hore hambalyo ku aaddan maalinta haweenka u diray haweenka caalamka, gaar ahaan kuwa Soomaaliyeed meel kasta oo ay joogaan, isagoo haweenkii munaasabaddaas ka qaybgalay gaarsiiyay salaan uu uga siday, madaxweynaha Soomaaliya Xasan Sheekh Maxamuud iyo wasiiradda wasaarada horumarinta iyo adeegga bulshada, Maryan Qaasim oo uu sheegay inay safar shaqo ugu maqan tahay dalka dibaddiisa.

Dhinaca kale, wasiirku wuxuu sheegay in xukuumadda ra’iisul wasaare Saacid ay tixgelin buuxda siisay haweenka, isagoo sheegay in dowladdu aysan u dul-qaadaneyn tacadiyada lagula kaco haweenka Soomaaliyeed, wuxuuna tilmaamay in halku-dhegga sanadkan ee munaasabadda 8-da Maarso ay tahay (JOOJI KU XAD-GUDUBKA HAWEENKA).

“Wasaaradda horumarinta adeegga bulshada iyadoo ka duuleysa kaalinta kaga aaddan horumrainta haweenka Soomaaliyeed waxay waddaa qorshayaal arrintaas ku saabsan, kuwaasoo isugu jira caafimaadka, waxbarashada iyo arrimaha bulshada,” ayuu yiri wasiir-u-dowlaha; isagoo haweenka Soomaaliyeed u rajeeyay inay sanadkan kiisa kale ku garaan nabad, horumar iyo barwaaqo.

Xafladan ayaa qeyb ka ahayd xaflado lagu maamuusayo maalinta haweenka adduunka ee 8-da Maarso oo siyaabo kala duwan loogu qabto gudaha dalka iyo dibaddiisa, waxaana wax la iska weydiiyaa dhibaatooyinka haweenka haysta iyo sidii wax looga qaban lahaa.










Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/8/2013 2:12 PM EST
Jimco, Maarso 08, 2013 (HOL) — Dekedda weyn ee Muqdisho ayaa waxaa maanta markii labaad laga dhoofiyo xoolo nool, iyadoo ra’iisul wasaaraha Soomaaliya, Cabdi Faarax Shirdoon (Saacid) uu xariga ka jaray mar kale dhoofint xoolaha nool ee dekedda Muqdisho.

3/8/2013 12:31 PM EST
Jimco, Maarso 08, 2013 (HOL) — Madaxweynaha Soomaaliya, Xasan Sheekh Maxamuud oo galabta shir jaraa’id ku qabtay Muqdisho ayaa ka hadlay hoos u dhaca ku yimid sarifka lacagaha iyo qiime kororka maciishadda, isagoo ku sheegay arrintaas inay ku timid doollarka oo batay iyo shillinka oo yaraaday wuxuuna xusay in dowladda Soomaaliya ay ku dadaalayso sidii arrintaasi xal kama dambeys ah loogu heli lahaa.

3/8/2013 12:08 PM EST
Jimco, Maarso 08, 2013 (HOL) — Munaasabad lagu maamuusayay Maalinta Haweenka Adduunka ee 8-da Maarso ayaa maanta lagu qabtay Degmada Jowhar ee xarunta Gobolka Shabellada dhexe, iyadoo haweenkii kulankaas ka qaybgalay ay wateen boorar ay ku qoran yihiin erayo ay uga soo horjeedaan dhibaatooyinka haweenka loo geysto.

3/8/2013 12:01 PM EST
Jimco, Maarso 08, 2013 (HOL) — Guddoonka baarlamaanka Soomaaliya ayaa warsaxaafadeed ay maanta soo saareen ku sheegay in xildhibaannada baarlamaanka ay si rasmi ah u daah-furayaan maalinta berri ah dib u eegis lagu sameeyo dastuurka dalka, kaasoo ay horay si KMG ah ugu ansixiyeen ergo lasoo xulay.

3/8/2013 10:52 AM EST
Jimco, Maarso 08, 2013 (HOL) — Nin la sheegay inuu maskaxdda ka xanuunsanayo ayaa saaka subaxii tooray qudha kaga jaray xaaskiisi iyo laba caruur ah oo uu dhalay, dhaawacna soo gaadhsiiyey naftiisa.

3/8/2013 10:51 AM EST
Jimco, Maarso 08, 2013 (HOL) — Ciidamadda Militariga iyo ciidamadda gaarka u tobabaran ee loo yaqaan (RRU), ayaa hawlgalo balaadhan oo lagu qabqabanayo maleeshiyo lagu tuhunsanyahay inay degaanka xariirad ka geysten falal ammaandarro, ayaa la sheegay inay ku soo qabqabteen ku dhawaad 12 xubnood oo isugu jira madax dhaqameed, xildhibaanno iyo maleesiyo beeleedyo kale.

3/8/2013 1:30 AM EST
Jimco, Maarso 08, 2013 (HOL) — Xaafadda isku raranka ah ee State House loo yaqaan ee magaaladda Hargeysa, ayaa shalay galab waxa ku gubtay guryo badan ka dib markii dab aan la garan waxa uu ka dhashay ka qarxay xaafadasi kaas oo geystay khasaare hantiyeed.

3/8/2013 1:14 AM EST
Jimco, Maarso 08, 2013 (HOL) — Jamhuuriyada Kuuriyada Waqooyi ayaa ku dhawaaqday inay goyneyso dhammaan heshiisyadii kala dhaxeeyay dalka Kuuriyada Koonfureed, taasoo ay kaga jawaabayso cunno-qabateynta cusub ee Qaramada Midoobay ay ku soo rogtay dalkaas oo muddo dheer go’doon ahaa.

3/8/2013 12:34 AM EST
Jimco, Maarso 08, 2013 (HOL) — Ra’iisul wasaar ku xigeenkii dalka Kenya, Uhuru Kenyatta ayaa weli hoggaaminaya natiijooyinka hordhaca ah ee doorashada dalka Kenya, iyadoo tirinta codadkuna ay weli ka socoto Bomas goobta loogu talogalay in doorashada lagu tiriyo.