3/29/2024
Today from Hiiraan Online:  _
Wararka Maanta- Khamiis, Mar 28, 2013
Xildhibaanno kasoo jeeda Beelaha Digil & Mirifle oo Sharcidarro ku Tilmaamay Maamulka Cusub ee Gobolka Bay (SAWIRRO)


Khamiis, Maarso 28, 2013 (HOL) — Waxaa lagu qabtay magaalada Muqdisho Maanta oo Khamiis ah kulan balaaran oo ay iskugu yimaadeen xildhibaanno kasoo jeeda beelaha Digil iyo Mirifle kuwaasoo maamulka loo sameeyay gobolka Bay ku tilmaamay mid kasoo horjeestay dastuurka dalka.

Xildhibaannada ay ka mid ahaayeen; Aadan Maxamed Nuur (Saransoor), Cismaan Libaax iyo qaar kale ayaa waxay soo saareen war saxaafadaeed uu saxaafadda u aqriyey xildhibaan Xasan Macallin Xuseen wuxuuna u qornaa  sidan:

‘Soomaaliya waxay ka gudubtay xiligii KMG-ka ahaa,  waxayna yeelatay dastuur Qaran oo federaal ah kaasoo qeexaya qaab-dhismeedka dowliga ah iyo awoodaha dhammaan hay’adaha Qaranka Soomaaliyeed.

Sida uu qeexayo qodobka 48-aad faqradiisa koowaad, ka sokow dowladda dhexe ee federaalka ah, dalku wuxuu yeelanayaa dowlad goboleedyo xubno ka ah dowladda federaalka ah ee jamhuuriyada Soomaaliya.

Sida aad la socotaan 26-kii bishii Juun 2006-dii dowladdii KMG-ka ahayd ee lagu dhisay Mbaghati, dalka Kenya waxay sameysay sharciga dhismaha maamullada gobollada iyo degmooyinka dalka, kaaasoo kaalinta kaliya ee dowladda dhexe ku lahayd uu ahaa mid ku kooban abaabulka iyo isu-keenidda si ay dadka deegaanka u soo xushaan xubnaha golaha deegaanka oo dooranaya madaxda maamulka heer degmo iyo heer gobol.

Haddaba, dadka Soomaaliyeed waxaan si buuxda ugu caddeyneynaa in maamulkii ka dhisnaa gobolka Bay uu ahaa mid ku yimid nidamka doorasho golaha deegaanka sida ku cad sharciga dhismaha maamullada gobollada iyo degmooyinka ee aanu soo xusnay.

Sidaa awgeed; dowlada Soomaaliya waxay qaadatay tallaabooyin khatar ah oo aan sharciga meelna ka waafaqsaneyn, nabadgelyada iyo wadajirka dadka ku nool gobollada dalka dhibaatooyin hor leh u soo kordhinaysa.

Sidaad og-tihiin 04-tii Febraayo 2013 wareegto kasoo baxday madaxda sare ee dowladda oo lagu magacaabay guddoomiyaha gobolka Bay iyo xubnaha waxay kasoo horjeedaa qodobbada 46-aad farqooyinkiisa koowaad, labaad iyo saddexaad iyo qodobka 51-aad faqradiisa afaraad.

Maamulkaas sharci-darrada ah ee wareegtada loogu magacaabay gobolka Bay wuxuu khatar ku yahay bulshada deegaanka maadaama uu meesha ka saarayo maamulkii sida sharciga ah horay loogu soo doortay.

Ugu dambeyn waxay xildhibaannadu ku yiraahdeen warsaxaafadeedkooda ayay ku yiraahdeen, annagoo ah qaar ka mid ah xildhibaanada beesha Digil iyo Mirifle waxaan madaxda sare ee dalka si sharaf leh uga codsaneynaa inay sharciga dhowraan ummaddana ku ilaaliyaan ku dhaqanka dastuurka iyo shuruucda dalka u yaalla’.

Maamulka ay xildhibaanadan sheegeen inuusan ahayn mid sharci ah ayaa waxaa si buuxda loogu dhaariyay dhawaan xilalkooda kaddib markii halkaas tagay guddoomiyaha baarlamaanka Prof. Maxamed Cismaan Sheekh Jawaari si uu soo dhameeyo khilaaf ka taagnaa maamulka.






Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/28/2013 11:54 AM EST
Khamiis, Maarso 28, 2013 (HOL) — Roobab muddo saacado ah socdey isla markaana watey dabeylo aad u xooggan, ayaa 24-kii saac ee lasoo dhaafay ka da’ay galbeedka degmada Buurtinle ee gobolka Nugaal.

3/28/2013 11:26 AM EST
Khamiis, March 28, 2013(HOL): Ururka Somaliska Ungdomsnätverket (SUN) ayaa wuxuu u shalay u dabaal-degay sanadguuradiisii shanaad iyadoo sanadkan uu ururka ku xusay guriga looga arrimo degmada Eskilstuna ee dalka Sweden.

3/28/2013 11:08 AM EST
Khamiis, Maarso 28, 2013 (HOL) — Wasiiradda wasaaradda horumarinta iyo adeegga bulshada xukuumadda Soomaaliya, Maryan Qaasim Axmed oo uu wehliyo dajiraha Jamacadda Carabta u fadhiya Soomaaliya iyo madaxda waaxda waxbarashada ee wasaaradda horumarinta adeegga bulshada ayaa maanta dhagax-dhigtay dugsiyada 21-ka Oktoobar iyo dugsiga sare ee Howl-wadaag oo ka mid ah shan dugsi oo ay Jamacadda Carabta ka gacan siinayso dawladda Soomaaliya dib u dhiska Iskuullada.

3/28/2013 9:35 AM EST
Khamiis, Maarso 28, 2013 (HOL) — Maxkamadda ciidamada qalabka sida ee dowladda Soomaaliya ayaa maanta xukun dil ah ku ridday, Aadan Sheekh Cabdi Sheekh Xuseen oo la sheegay in lagu helay inuu sannadkii hore ku dilay Muqdisho wariye Xasan Yuusuf Absuge oo ka tirsanaa Idaacada Maanta.

3/28/2013 9:26 AM EST
Khamiis, Maarso 28, 2013 (HOL) — Mas’uuliyiinta maamulka goballka Hiiraan, saraakiisha sar sare ee ciidamad Jabuuti oo uu ka mid yahay abaanduulaha guud ee ciidamada AMISOM Jen Cismaan Subaglle, waxgarad iyo odayaal dhaqmeed ayaa maanta ku soo dhaweeyay garoonka diyaaradaha Ugaas Khaliif ee magaalada Baladweyne diyaarad siday dawo uu ku deeqay madaxweynaha dalka Jabuuti Ismaaciil Cumar Geelle.

3/28/2013 9:05 AM EST
Khamiis, Maarso 28, 2013 (HOL) — Ciidamada AMSIOM ayaa la wareegay saakay saldhiggii ugu weyn ee madaxtooyada Baydhab oo ay ku sugnayeen Ciidamada Itoobiya; iyadoo ciidamada AMISOM ay horay ula wareegeen saldhigii garoonka diyaaradaha ee degmada Baydhabo oo ay ku sugnaan jireen ciidamada Itoobiya.

3/28/2013 8:26 AM EST
Khamiis, Maarso 28, 2013 (HOL) — Howlihii garoonka diyaaradaha Muqdisho ayaa hakad la geliyay maanta, kaddib markii uu soo baxay cabsi ammaan oo laga qaaday gaari ay leedahay shirkadda maamusha garoonka diyaaradaha ee SKA, sida uu sheegay maareeyay duulista hawada ee garoonka. Inj. Cali Maxamuud Ibraahim.

3/28/2013 7:57 AM EST
Khamiis, Maarso 28, 2013 (HOL) — Gudoomiyaha guddiga baadhista Xasuuqii dhacay, Khadar Axmed Like, ayaa ugu baaqay hay’ada Laanqayrta Cas (ICRC) inay ka caawiso siddii dadkii reer Somaliland ee lagu xasuuqay xeebta Jaziira ee magaalada Muqdisho qalfoofkooda dib loogu soo celin lahaa Somaliland, isla markaaana loogu aasi lahaa qaab waafaqsan shareecadda islaamka.

3/28/2013 7:44 AM EST
Khamiis, Maarso 28, 2013 (HOL) — Afhayeenka AMISOM, Col. Cali Aadan Xumad oo maanta shir jaraa’id ku qabtay Xalane ayaa ka hadlay arrimo ay ka mid yihiin halka la geynayo ciidamada ka imaaanaya dalka Sierra Leone, booliiska AMISOM oo ka howlgalaya gobollada dalka qaarkood iyo qorshe ay ku donayaan inay kula wareegaan deegaannada ay baneynayaan ciidamada Itoobiya.

3/28/2013 7:43 AM EST
Khamiis, 28 Maarso, 2013(HOL) :-Wafdigii uu horkacayay ra’isul wasaaraha xukuumadda Federaalka Soomaaliya Mudane Cabdi Faarax Shirdoon (Saacid) ayaa maanta booqasho ku soo maray marsadda caalamiga ah ee magaalada Kismaayo iyo weliba qaar katirsan xerooyinka ay daganyihiin ciidamada xoogga dalka.

3/28/2013 3:25 AM EST
Khamiis, Maarso 28, 2013 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) ayaa ugu baaqay shacabka ku nool magaalada Muqdisho inay ka hortagaan kooxaha kasoo horjeeda nabadda.

3/28/2013 3:23 AM EST
Khamiis, Maarso 28, 2013 (HOL) — Laamaha ammaanka ee magaalada Boosaaso ayaa shaaciyey magacyada 3 nin oo la rumeysan yahay in ay qayb ka yihiin dableydii shalay dhaca iyo dilka ka geystey xarunta xawaaladda KAAH ee magaalada Boosaaso.

3/28/2013 3:20 AM EST
Khamiis, Maarso 28, 2013 (HOL) — Xukuumada Soomaaliya ayaa magaalada Marko u dirtay wafdiyo ka socda wasaaradaha arrimaha gudaha iyo difaaca u dirtay degmada Marko ee xarunta gobolka Shabeellada hoose si ay xal uga gaaraan khilaafyo dagaallo sababay oo dhawaanahan ka dhacayay degmadaas.

3/28/2013 2:23 AM EST
Khamiis, Maarso 28, 2013 (HOL) — Madaxweynaha Soomaaliya, Xasan Sheekh maxamuud ayaa soo dhaweeyay warbixintii hay’adda xuquuqda aadanaha ee Human Rights Watch ay soo saartay ee lagu sheegay in xad-gudubyo loo geysto barakacayaasha ku jira xeryaha Muqdisho.

3/28/2013 1:46 AM EST
Khamiis, Maarso 28, 2013 (HOL) — Wasiirka arrimaha gudaha iyo amniga Qaranka, C/kariin Xuseen Guuleed oo ka mid ah wafdiga uu horkacayo ra’iisul wasaaraha Soomaaliya ee ku sugan magaalada Kismaayo ayaa ka warbixiyay kulammo ay la yeesheen mas’uuliyiin ka tirsan maamulka degmada iyo waxgaradka.