3/28/2024
Today from Hiiraan Online:  _
Wararka Maanta- Isniin, Mar 25, 2013
Guddoomiyaha Baarlamaanka oo Baydhabo kula kulmay Saraakiisha ciidanka Itoobiya, Xildhibaanno iyo Waxgarad

Isniin, Maarso 25, 2013 (HOL) — Guddoomiyaha baarlamaanka Soomaaliya, Prof. Maxamed Sh. Cismaan (Jawaari) ayaa maanta kula kulmay magaalada Baydhabo ee gobolka Bay saraakiisha ciidamada Itoobiya, waxgarad iyo xildhibaannadii halkaas horay ugu sugnaa.

Kulamadan oo ka dhacay hoteelka Bakiin oo uu deggen yahay Prof. Jawaari ayaa waxay ahaayeen kuwo ay albaabbadu u xiran yihiin, iyaodo markii ay soo dhamaadeen saxaafadda looga warbixiyay waxyaabihii kasoo baxay.

Prof. Jawaari ayaa la sheegay inuu saraakiisha Itoobiya ka dalbaday inay ka shaqeeyaan sidii Al-shabaab looga saari lahaa deegannada ay kaga sugan tahay gobollada Bay iyo Bakool, isagoo sidoo kale ku boorriyay inaysan ka bixin deegaannada ay ku sugan yihiin laga bedelayo.

Sidoo kale, guddoomiyaha baarlamaanka ayaa warbixinno ka dhageystay xildhibaannada baarlamaanka ee kaga horreeyay degmadaas, kuwaasoo u sheegay inay wax badan uga qabsoomeen howlihii ay halkaas u yimaadeen oo ay ka mid ahaayeen inay xal ka gaaraan muranka dhinaca maamulka ah ee ka jiray degmadaas.

Guddoomiyaha baarlamaanka iyo wafdi uu horkacayo ayaa gaaray Baydhabo Axaddii shalay; halkaasoo ay ku sugnaan doonaan laba maalmood ee soo socota, waxaana safarkooda uu salka ku hayaan xal u helidda khilaafyo dhinaca maamulka ah oo degmdaas ka taagnaa bilihii lasoo dhaafay.

Dhinaca kale, guddoomiyaha baarlamaanka wuxuu kulan la yeeshay qaar ka mid ah waxgaradka degmada Baydhabo, isagoo kala hadlay xalaadda ka jirta degmadaas tan iyo markii Al-shabaab laga saaray horraantii sannadkii hore.

Waxgaradka ayaa waxay guddoomiyaha baarlamaanka ku amaaneen sida uu howsha baarlamaanka u wado, waxayna sidoo kale waxgaradka ammaan u soo jeediyeen madaxda dowladda oo ay ku sheegeen kuwo u heellan inay ka shaqeeyaan danta guud ee dalka iyo dadka Soomaaliyeed.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/25/2013 2:39 PM EST
Isniin, Maarso 25, 2013 (HOL) — Taliyaha ciidamada Booliska Somaliland Sareeyo guute, Cabdilaahi Fadal Iimaan, ayaa sheegay in sharciga la marinayo saddex askari oo loo qabtay dilka wiil dhalinyaro ah oo dhowaan lagu dilay magaaladda Hargeysa.

3/25/2013 1:25 PM EST
Isniin, Maarso 25, 2013 (HOL) — Arday wax ku baranaysay dugsi ood ka sameysan oo ku yaalla deegaanka Manaas ayaa la fasaxay kaddib markii roobab mahiigaan ah ay waxyeello u geysteen dugsigooda, waxana ay ka cawdeen macallimiinta gusigaas inaysan helin kaalmooyin ay dugsiga ku dhisaan.

3/25/2013 12:42 PM EST
Isniin, Maarso 25, 2013 (HOL) — Wasiirka gaashaandhigga Soomaaliya, Cabdixakiin Maxamuud Xaaji Fiqi ayaa galabta booqday xerooyin ciidan oo ku yaalla magaalada Kismaayo ee xarunta gobolka Jubbada Hoose, waxaana kormeerkiisan ku wehliyay sarkaalka ugu sareeya ciidammada Kenya ee qeybta ka ah AMISOM iyo saraakiisha ugu sarreysa ciidammada Xoogga dalka ee Kismaayo ku sugan.

3/25/2013 10:09 AM EST
Maxkamada sare ee dalka Kenya ayaa maantay ka fariisatay go'aan ka gaarista murankii ka dhashay doorashadii dalka ka dhacday 4-tii bishii March ee lasoo dhaafay.

3/25/2013 9:36 AM EST
Isniin, Maarso 25, 2013 (HOL) — Iyadoo sii kordhayaan tirada dadka uu soo ridanayo cudurka shuban biyoodka magaalada Baladweyne, ayaa haddana dhinaca kale waxaa socda gurmadka caafimaad ee loo sameynayo dadka la ildaran cudurka oo ku jira xarumo gaar ah oo laga sameeyay dulleedka magaalada Baladweyne.

3/25/2013 8:37 AM EST
Isniin, Maarso 25, 2013 (HOL) — Kaddib markii uu agaasimihii hay’adda nabadsugidda Qaranka, Axmed Macallin Fiqi uu ku dhawaaqay inuu xilkaas iska casilay maanta ayaa waxaa madaxweynuhu uu goor dhow agaasime KMG ah u magacaabay haya’adda, kaasoo magaciisa uu kusoo gaabiyay Cabdikariin.

3/25/2013 8:18 AM EST
Isniin, Maarso 25, 2013 (HOL) — Munaasabad lagu xusayay maalinta loo asteeyey la-dagaalanka cudurka Qaaxada (TB) ayaa shalay lagu qabtay isbitaalka guud magaalada Laascaanood ee gobolka Sool.

3/25/2013 7:13 AM EST
Isniin, Maarso 25, 2013 (HOL) — Taliyihii hay’adda nabadsugidda Qaranka Soomaaliyeed, Axmed Macallin Fiqi ayaa ku dhawaaqay maanta inuu xilkiisii iska casilay, isagoo sheegay inuu go’aanka is casilaaddiisa uu yahay mid uu isagu gaaray.

3/25/2013 3:01 AM EST
Isniin, Maarso 25, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa maanta oo Isniin ah ku wajahan magaalada Kismaayo ee xarunta gobolka Jubbada Hoose oo lagu wado inuu ka furmo shirka maamul u sameynta gobollada Jubbooyinka.

3/25/2013 2:53 AM EST
Isniin, Maarso 25, 2013 (HOL) — Safaaradda Soomaaliya ee dalka Koonfur Afrika ayaa casuumaad ugu sameysay gudaha dhismaha Safaaradda dublamaasiyiinta ka tirsan wasaaradda arrimaha dibadda iyo iskaashiga caalamiga ee Soomaaliya oo ku tababaranaya dugsiga sare ee akadeemiyada dublamaasiyadda ee wasaaradda xiriirka caalamiga iyo iskaashiga ee Koonfur Afrika.

3/25/2013 2:45 AM EST
Isniin, Maarso 25, 2013 (HOL) — Kooxo hubeysan ayaa xalay ku dilay xaafadda Towfiiq ee degmada Yaaqshiid gabar wariye ahayd oo lagu magacaabi jiray, Raxmo Cabdulqaadir, iyadoo aan la ogeyn kooxaha dilkeeda ka dambeeya.