3/29/2024
Today from Hiiraan Online:  _
Wararka Maanta- Axad, Mar 24, 2013
Madaxweynaha Somalia oo Ciidamada Dowladda ka Dalbaday in ay Xoojiyaan Ammaanka Caasimadda Soomaaliya (SAWIRRO)


Axad, Maarso 24, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kormeer ku tagay wasaaradda gaashaandhigga iyo xerada Villa Baydhabo isagoo halkaas kula hadlay ciidammo kulanana la qaatay saraakiisha kala duwan ee ciidamada xoogga dalka.

Wasaaradda gaashaandhigga ayuu kula kulmay in ka badan 500 askari oo dhawaan tababar kusoo qaatay dalka Uganda, isagoo kula dardaarmay inay ka shaqeeyaan sidii ammaanka caasimadda loo xoojin lahaa, sidoo kalena ay uga qaybqaadan lahaayeen dagaallada lagula jiro Al-shabaab.

“Waxaa la idinka doonayaa inaad qayb libaax ka qaadataan dagaalka lagula jiro Al-shabaab, idinkoo kaashanaya ciidamada Midowga Afrika,” ayuu yiri Xasan Sheekh oo ciidamadan ka dalbaday inay ogaadaan in sababtii loosoo tababaray ay ahayd inay xasilinta dalka qayb ka qaataan.

Ciidamadii uu madaxweynaha la hadlay ayaa soo bandhigay gaaddo-ka-ciyaar ay ku muujinayeen tababarkii ay soo qaateen, taasoo madaxweynaha uu aad ugu maqsuuday, wuxuuna sheegay in Soomaaliya ay ku socoto jidkii nabadda.

Intaas kaddib madaxweynuhu wuxuu socod ku maray jidka soddonka iyo tarabuunka, isagoo halkaas indho-indheyn ku sameeyay, wuxuuna tagay xerada Villa Baydhabo, halkasoo uu kula kulmay saraakiisha ciidamada xoogga dalka, isagoo ku boorriyay inay qayb ka qaataan xasilinta dalka, gaar ahaan Muqdisho.

“Waxaa jira askar tiro yar oo dhibaatooyin ku haya shacabka, una geysta boob, kufsi iyo dhibaatooyin kale, saraakiisha waxaa looga baahan yahay inay ka hortagaan askartaas,” ayuu yiri Xasan Sheekh oo sheegay in loo baahan yahay in la ogaado haddii askarigu xun yahay in sarkaalkuna uu xun yahay.

Ugu dambeyn, madaxweynuhu wuxuu sheegay in ammaanka caasimadda ay xoogga saarayaan, wuxuuna xusay in laga hortagayo kuwa nabadda kasoo horjeeda ee doonaya inay dhibaateeyaan shacabka Soomaaliyeed.






Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/24/2013 1:45 PM EST
Axad, Maarso 24, 2013 (HOL) — Wasiirka horumarinta iyo addeega bulshada ee xukuumadda Soomaliya, Drs. Maryan Qaasim Axmed ayaa maanta dalka dib ugu soo laabatay kaddib markii laba toddobaad socdaallo shaqo ay kusoo kala bixisay bixisay dalalka Denmark iyo Ingiriiska.

3/24/2013 12:39 PM EST
Axad, Maarso 24, 2013 (HOL) — Iyadoo ay sanad walba marka xilligan oo kale lasoo gaaro roobabka gugu ka curtaan gobollo badan oo ka tirsan dalka, ayaa waxay roobab lagu diirsaday ka da’een deegaano ka tirsan Puntland.

3/24/2013 12:35 PM EST
Axad, Maarso 24, 2013 (HOL) — Xarunta baarlamaanka Puntland ee magaalada Garoowe waxaa maanta ka furmay kulan aan caadi ahayn oo ay isugu yimaadeen xubnaha golaha wakiiladda. Kulankan oo uu si rasmi ah u furay madaxweynaha Puntland Cabdiraxmaan Faroole ayaa waxaa looga doodayaa qodobbo la xiriira doorashada goleyaasha deegaanka ee la fiyo in ay bilaha soo socda Puntland ka qabsoonto.

3/24/2013 9:44 AM EST
Axad, March 24, 2013 (HOL) - Aamina Maxamed oo haysata dhalashada dalka Kenya, asalkeeduna Soomaali yahay ayaa dawlada Kenya ay u sharraxday inay hogaamiso ururka ganacsiga aduunka ee la yiraahdo World Trade Organization (WTO)

3/24/2013 9:00 AM EST
Axad,24 Maarso, 2013(HOL):- Wafdi ka socda dowladda Federaalka Soomaaliya islamarkaasina isugu jiray Wasiirro, XIldhibaanno, iyo Saraakiil ayaa maanta kasoo dagay garoonka caalamiga ah ee magaalada Kismaayo, iyadoona ay halkaasi si diiran ugu soo dhaweeyeen masuuliyiin ka tirsan maamul KMG ee magaalada Kismaayo.

3/24/2013 7:54 AM EST
Axad, Maarso 24, 2013 (HOL) — Wafdi isugu jira xildhibaanno iyo wasiirro oo uu hoggaaminayo guddoomiyaha baarlamaanka Soomaaliya, Maxamed Sheekh Cismaan (Jawaari) ayaa maanta gaaray magaalada Baydhabo ee xarunta gobolka Bay.

3/24/2013 7:25 AM EST
Axad, Maarso 24, 2013 (HOL) — Dagaal u dhexeeya ciidamada dowladda oo gacan ka helaya kuwa Itoobiya iyo xooggga Al-shabaab ayaa maanta ka dhacay duleedka degmada Garbahaarey ee xarunta gobolka Gedo, kaasoo geystay khasaare aad u xooggan.

3/24/2013 4:48 AM EST
Axad, Maarso 24, 2013 (HOL) — Wasiirro iyo xildhibaanno xukuumadda ka tirsan ayaa maanta u ambabaxay magaalada Kismaayo ee xarunta gobolka Jubbada Hoose halkaasoo la filayo inuu ka furmo shirka maamul u sameynta gobollada Jubbooyinka, iyadoo la adkeeyay ammaanka guud ee Kismaayo.

3/24/2013 4:12 AM EST
Axad, Maarso 24, 2013 (HOL) — Hay’adda nabad-sugidda Qaranka ayaa soo bandhigtay magacyada laba ruux oo weeerarro ismiidaamin ah ka fuliyay toddobaadkii hore magaalada Muqdisho, kuwaasoo la sheegay inay kasoo jeedeen gobolka Galguduud.

3/24/2013 4:07 AM EST
Axad, Maarso 24, 2013 (HOL) — Qorshaha lagula wareegay degmada Xudur ee xarunta gobolka Bakool wuxuu marayaa meel gabo-gabo, sidaa ayuu ku sheegay wasiirka gaashaandhigga Soomaaliya, Cabdixakiin Maxamuud Xaaji Fiqi warsaxaafadeed uu maanta kasoo saaray xafiiskiisa Muqdisho.

3/24/2013 2:55 AM EST
Axad, Maarso 24, 2013 (HOL) — Mucaaradka dagaalka kula jira xukuumadda jamhuuriyadda Bartamaha Afrika ayaa sheegay inay gudaha u galeen qaybo ka mid ah xarunta dalkaas ee Bangui, iyagoo sheegay in go’aankoodu yahay inay ridaan xukuumadda uu hoggaaminayo madaxweyne, Francois Bozize.

3/24/2013 2:20 AM EST
Axad, Maarso 24, 2013 (HOL) — Wasiirka gudaha iyo ammaanka Qaranka dowladda Soomaaliya, C/kariin Xuseen Guuleedd ayaa sheegay inay dhiirri-gelinayaan sugidda amniga Muqdisho, kaddib kulan uu la yeeshay guddoomiyeyaasha degmooyinka gobolka Banaadir.