3/29/2024
Today from Hiiraan Online:  _
Wararka Maanta- Sabti, Mar 23, 2013
Barakacayaashii ku jiray Xeryaha Baydhabo oo Deeegaannadoodii ku Laabtay si ay beerahooda u beertaan (SAWIRRO)


Sabti, Maarso 23, 2013 (HOL) — Barakacyaashii ku noolaa Baydhabo ayaa billaabay inay dib ugu laabtaan tuulooyinkii ay markii hore ka yimaadeen kaddib markii ay waayeen cid taakuleysa ama dib u dejin u samaysa.

Xerooyinkii ay ku noolaayeen dadkaas ayaa noqday kuwo faaruq ah, kaddib markii ay deegaannadooda ka curteen roobabkii gu’ga, iyagoo bilaabay inay dib u abuurtaan beerahoodii beeraleydii, iyadoo aad arkeysid in abuur ay isa siinayaa beeraleyda gudahooda .

Waxay ka cabanayaa ha’yadaha samafalka inasn inaysan siin wax taakuleyn ah, iyagoo iska indho-tiraya xilliga ay jirto baahida, waxayna sheegeen inay kusoo aadinayaan abuurka xilliga ay beerahooda abuurtaan.

“Inta badan hay’aduhu waxay abuurka keenaan marka ay beerahooda miro ku beeraan, taasna waa caadada ha’yadaha samafalka,” ayuu yiri C/llaahi Aadan Guudoow oo ka mid ah dadkii ka baxay xeryaha barkacayaasha ee ku laabtay deeggaannadooda.

Gobolka Bay ayaa ka mid yahay gobollada ugu wax-soo-saarka badan dalka, iyadoo dhowrkii sano ee lasoo dhaafay ay ka jireen abaaro daran, inkastoo ay roobab lixaad leh ka da’ayeen dhowrkii casho ee lasoo dhaafay.



Hiiraan Online, Baydhabo 













Click here
3/23/2013 2:12 PM EST
Sabti, Maarso 23, 2013 (HOL) — Labo arday oo dhiganayay dugsi Qur’aan ayaa ku dhintay saddex kalena way ku dhaawacmeen kaddib markii ay ku qaraxday walax ay garaaceen sida uu sheegay guddoomiyaha deegaanka Xeraale, Bashiir Daahir Yuusuf.

3/23/2013 1:22 PM EST
Sabti, Maarso 23, 2013 (HOL) — Roobab mahiigaan ah ayaa maanta ka da'ay degaanno badan oo ka tirsan gobolka Sool iyo degaanno ku dhow-dhow oo ay ka mid tahay magaalada Buuhoodle iyo kuwo kale oo hoos yimaada deegaanka Cayn oo ay dhibaato biyo iyo la'aan ahi ay ka jirtay kaddib markii laba xili roobaad ay baaqdeen.

3/23/2013 8:24 AM EST
Sabti, Maarso 23, 2013 (HOL) — Wafdigan oo ka koobanaa sagaal xubnood ayaa waxaa ku soo dhaweeyay garoonka diyaaradaha magaalada Baladweyne mas’uuliyiinta ka tirsan maamulka gobollka Hiiraan.

3/23/2013 8:24 AM EST
Sabti, Maarso 23, 2013 (HOL) — Madaxweynaha Somaliland Axmed Maxamed Maxamuud Siillaanyo iyo wefti balaadhan oo uu hoggaaminayo ayaa maanta u ambabaxay dalka imaaraadka Carabta, kaddib markii ay mas'uuliyiinta dalka ka heleen casuumaad rasmi ah.

3/23/2013 8:23 AM EST
Sabti, 23 Maarso, 2013(HOL) - Ciidamada nabadsugidda degmada Kismaayo ayaa maanta soo bandhigay Walxaha qarxa oo ay saaka kasoo bixiyeen mid kamid ah wadooyinka waaweyn ee magaalada Kismaayo.

3/23/2013 8:18 AM EST
Sabti, Maarso 23, 2013 (HOL) — Dowladda Mareykanka ayaa ka bixitaanka ciidamada Itoobiya ee gobollada Bay iyo Bakool ku tilmaantay tallaabo aan loo baahnayn xilligan, iyagoo ku boorriyay ciidamada dowladda iyo kuwa AMISOM inay buuxiyaan goobaha ay banneeyeen ciidamada Itoobiya.

3/23/2013 7:47 AM EST
Sabti, 23 Maarso, 2013(HOL) - Wafdi uu horkacayo gudoomiyaha maamulka KMG ee degmada Kismaayo Sheekh Axmed Max’ed Islaam (Axmed Madoobe) ayaa maanta soo gaaray magaalada Kismaayo iyagoona kasoo kicitimay magaalada Nairobi ee dalka Kenya.

3/23/2013 3:26 AM EST
Sabti, Maarso 23, 2013 (HOL) — Kooxo hubeysan ayaa saakay ku toogtay xaafadda Celdheere ee degmada Dharkeynley haweeney ka mid ahayd shaqaalaha garoonka diyaaradaha Muqdisho, gaa rahaan waaxda socdaalka, iyadoo la toogtay xilli ay u socotay shaqadeeda, waxaana mana jirto sabab la ogyahay oo loo dilay iyo cidda dilkeeda ka dambeysay.

3/23/2013 3:24 AM EST
Sabti, Maarso 23, 2013 (HOL) — Wariye Maxamuud Cabdiraxmaan Beene-Beene oo ka mid ahaa wariyeyaashii ka howlgeli jiray warbaahinta dalka, balse sannadihii ugu dambeeyay ku noolaa dalka Kenya ayaa xanuun awgiis xalay ugu geeriyooday magaalada Gaarisa ee xarunta gobolka Waqooyi-bari ee dalka Kenya.

3/23/2013 3:23 AM EST
Sabti, Maarso 23, 2013 (HOL) — Xaalad cabsi leh ayaa saakay ka taagan degmada Marko ee xarunta gobolka Shabeellada Hoose, kaddib markii uu shalay halkaas ku dhexmaray dagaal khasaare geystay askar kawada tirsan ciidamada dowladda Soomaaliya; iyadoo saakay ay degmadaas aadeen saraakiil ka tirsan kuwa dowladda.