2/7/2023
Today from Hiiraan Online:  _
Wararka Maanta- Talaado, Mar 12, 2013
Ra'iisul Wasaaraha oo Kormeeray Dhismayaal ka socda Galmudug, Xariggana ka jaray Garoonka C/llaahi Ciise (SAWIRRO)


Talaado, Maarso 12, 2013 (HOL) — Ra'iisal wasaaraha Soomaaliya, Cabdi Faarax Shirdoon (Saacid) iyo wafdigii uu hoggaaminayay ayaa kormeeray saakay qaybo ka tirsan magaalada Gaalkacyo, wuxuuna xariga ka jaray garoon kubadda oo loogu magic-daray, Cabdullaahi Ciise Maxamuud.isaga oo dhanka kale kormeeray xabsi dhexe iyo garoon diyaaradeed kuwaasoo howlo dhismo ah ay ku soconayso.

Mudane Saacid ayaa hadal uu ka jeediyay garoonka oo ay ku sugnaayeen boqollaal dadweyne ah oo u badan arday iyo ciyaartooy, waxaana uu ugu hambalyeeyay maamulka Galmudug sida ay u horumarinayaan deegaanka. Isagoo dhanka kale ku ammaanay inay weli maankooda ku hayaan dadkii muwaadiniinta ahaa ee dalka iyo dadka taariikhda ku lahaa.

"Waxaan aad ugu faraxsanahay inaan xariga ka jaro garoon aad ugu magac darteen nin halyey ahaa, ummadda Soomaaliyeedna ay qadarin u hayaan, waana idiin kaga mahadcelineynaa," ayuu yiri ra'iisal wasaaraha oo xusay in dhismaha garoonkan uu qayb ka qaadan doono is-dhexgalka bulshada iyo nabadda.

Ra'iisal wasaaraha ayaa ballan-qaaday codsi uu soo jeediyay wasiirka isboortiga Galmudug, Saadaq Daahir, kaasoo ku aaddanaa kharashaad ka dhiman dhameystirka garoonka, wuxuuna ra'iisal rasaaruhu caddeeyay in dowladda federaalku bixineyso kharashka dhameystirka dhismaha garoonka.

Sidoo kale, ra'iisal wasaaraha iyo wafdigiisa ayaa waxaa kaloo ay kormeer  ku tageen dhismaha xabsi weyn oo laga hirgelinayo meel duleedka degmda Gaalkacyo ee gobolka Mudug.

Dhanka kale, Saacid ayaa kormeeray dhismaha garoon diyaaradeed kaasoo laga hirgelinayo duleedka Gaalkacyo, waxaana ka socday xilliga uu tagay garoonka dhismo ay wadeen cagaf-cagafyo, waxaana howlwadeen ka ah Xildhibaan Cismaan Xasan Cali (Caato) oo isagu si iskaa wax u qabso ah ugu deeqay qalabka.

Ra'iisal wasaaraha ayaa kula dardaarmay shacabka reer Gaalkacyo inay ku dadaalaan nabadda iyo horumarka, wuxuuna kula kaftamay [Reer Gaalkacyo dagaalka kaalinta aad ka qaadataan waa inaad nbaddana ka qaadataan, waxaana tusaale u ah inaad nabadda dhankeeda u weecateen horumarka iyo dhismayaasha aad ka sameyneysaan magaalada] isagoo ka dalbaday in wixii maanta ka dambeeya aysan dhicin in Gaalkacyo labo u qeybsanto, isla markaana shacabka labada maamul ay si xor ah oo nabad ah u maraan.











Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/12/2013 1:35 PM EST
Talaado, Maarso 12, 2013 (HOL) — Ra’iisal wasaaraha Soomaaliya, Cabdi Faarax Shirdoon (Saacid) oo maanta soo gaba-gabeeyay kormeer saddex maalmood qaatay oo uu kusoo maray maamul-goboleedyada Puntland iyo Galmudug ayaa ku tilmaamay socdaalkiisa guul dhanka arrimaha gudaha iyo amniga laga gaaray.

3/12/2013 1:10 PM EST
Talaado, Maarso 12, 2013 (HOL) — Wasiirka Arrimaha Gudaha iyo Ammaanka Qaranka ee xukuumadda Soomaaliya iyo wafdi uu hoggaaminayo ayaa maanta u dhoofay dalka Saudi Arabia halkaasoo uu kaga qaybgalayo shirweynihii 30-aad ee wasiirrada arrimaha gudaha ee dalalka Carabta.

3/12/2013 12:49 PM EST
Talaado, Maarso 12, 2013 (HOL) — Shirweynaha Qaran ee xiriirka urrurada shaqaalaha Soomaaliyeed ee FESTU oo saddexdii sannaba mar la qabto ayaa maanta ka furmay magaalada Muqdisho ee xarunta Soomaaliya.

3/12/2013 10:14 AM EST
Talaado, Maarso 12, 2013 (HOL) —Gudiga farsamada shirka maamul u sameynta Jubooyinka ayaa manta ka warbixiyay halka uu marayo shirka la doonayo in maamul loogu dhiso gobollada la isku yiraahdo Jubooyinka.

3/12/2013 9:30 AM EST
Talaado, Maarso 12, 2013 (HOL) — Madaxweyne ku xigeenka Somaliland oo ah ku simaha madaxweynaha Md:Cabdiraxmaa Cabdilaahi Ismaaciil Saylici, ayaa maanta kormeer ku tagay mashruuca biyo gelinta xaafaddo ka tirsan magaaladda Hargeysa oo ka socda tuuladda Xaraf ee duleedka galbeed ee magaaladda Hargeysa.

3/12/2013 9:14 AM EST
Talaado, Maarso 12, 2013 (HOL) — Dhibcihii u horreeyey ee roobabka Guga ayaa ka da'ay deegaanno ku yaalla Waqooyiga iyo Koonfurta gobolka Sool, iyadoo roobkan uu kusoo beegmayo xilli la sheegay in xaalad abaareed ay ka taagan tahay deegaanno balaaran oo gobolkaas ku yaalla.

3/12/2013 9:02 AM EST
Talaado, Maarso 12, 2013 (HOL) — Kulan dhexmaray ra’iisul wasaaraha Soomaaliya, Cabdi Faarax Shirdoon (Saacid) iyo maamulka Gaalkacyo oo ay goobjoog ka ahaayeen shacabka ku nool deegaannadaas ayaa saakay ka dhacay waqooyiga degmada Gaalkacyo ee Gobolka Mudug.

3/12/2013 8:07 AM EST
Talaado, Maarso 12, 2013 (HOL) — Guddoomiyaha Golaha dhexe ee xisbiga talladda haya ee KULMIYE Jaamac Ismaaciil Cigge (Jaamac Shabeel), ayaa iclaamiyay xiliga la qabanayo shirka golaha dhexe ee xisbigaasi.

3/12/2013 2:00 AM EST
Talaado, Maarso 12, 2013 (HOL) — Dab geystay khasaare hantiyadeed oo aad u xooggan ayaa ka kacay suuq ku yaalla degamada Ceelwaaq ee gobolka Gedo, kaasoo lagu magacaabo Suuq Buusaar, iyadoo aan la ogeyn waxa sababay dabkan.

3/12/2013 1:52 AM EST
Talaado, Maarso 12, 2013 (HOL) — Maydadka laba qof oo la toogtay ayaa xalay iyo saakay lagu arkay xaafado ka tirsan degmada Yaaqshiid ee gobolka Banaadir, iyadoo aan la ogeyn sababaha labadaas qof loo dilay iyo kooxaha ka dambeeya dilkooda.

3/12/2013 1:49 AM EST
Talaado, Maarso 12, 2013 (HOL) — Burcadbadeed Soomaaliyeed ayaa lacag madaxfurasho ah kusii daayay markab laga leeyahay dalka Giriigga iyo 26 shaqaale ah oo la socday, kaasoo ay afduub ahaan u haysteen muddo sanad ku dhow.