1/30/2023
Today from Hiiraan Online:  _
Wararka Maanta- Isniin, Mar 11, 2013
Ra’iisul Wasaaraha Somalia iyo wafdigii uu Horkacayay oo Gellintii Dambe ee Maanta Gaaray Gaalkacyo (SAWIRRO)


Isniin, Maarso 11, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa gellinkii dambe ee maanta gaaray magaalada Gaalkacyo ee xarunta gobolka Mudug, gaar ahaan deegaannada uu ka taliyo maamulka Galmudug.

Wafdiga Ra’iisul wasaaraha Somalia ayaa waxaa kusoo dhaweeyay garoonka diyaaradaha ee Gaalkacyo kusoo dhaweeyay mas’uuliyiinta uu horkacayay madaxweynaha Galmudug, Jen. Cabdi Xasan Cawaale (Qeydiid) iyo qeybaha kala duwan ee bulshada ku dhaqan magaalada Gaalkacyo.

Sidoo kale, waxaa soo dhaweeyay dadweyne fara badan oo watay calanka Soomaaliya iyo sawirrada ra’iisul wasaaraha, kuwaasoo dhoobnaa jidadka Koonfurta Gaalkacyo oo uu ka taliyo maamulka Galmudug.

“Maanta aad ayaan ugu faraxsannahay inay Galmudug noogu ymaadaan wafdi uu hoggaaminayo ra’iisul wasaaraha xukuumadda Soomaaliya, shacabka iyo maamulka Galmudug ay had iyo goor waxay garab taagan yihiin dowladda federaalka Soomaaliya,” ayuu yiri Jen. Qaybdiid oo la hadlya warbaahinta.

Sidoo kale, ra’iisul waasare Saacid oo isaguna saxaafadda la hadlay ayaa sheegay inuu ku faraxsan yahay inuu yimaado Galmudug. Isagoo ka mahad-celiyay sida wanaagsan ee loogu soo dhaweeyay.

"Dhan ahaan waxaad tihiin shacab aad daacad u ah, una ooman dowladnimada, sida shucuurtiina ka muuqata, waana ka cudur daaraneynaa xoogaagii aan idinka soo dib dhacnay, howlo Qaran owgood," ayuu yiri ra'iisul wasaaraha oo xusay in isaga iyo wafdigiisu ay u yimaadeen degaanada maamulka Galmudug, sidii ay ugala qeyb qaadan lahaayeen dadweynaha horumarinta Galmudug, maadaama ay yihiin shacab isku tashaday bilow wanaagsana muujiyay.

Ra’iisul wasaaraha iyo wafdigiisa ayaa saddexdii maalmood ee lasoo dhaafay waxay socdaal shaqo ku joogeen magaalada magaalada Garoowe ee xarunta Puntland, iyagoo ugu dambeyn maanta heshiis iskaashi la saxiiday Puntland kaasoo dhigayay in dowladda iyo Puntland ay wadashaqeeyaan.








|






Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/11/2013 7:32 PM EST
Monday, March 11, 2013(HOL): Munaasabad lagu maamuusayey isbedelka cusub ee dalka Soomaaliya kaddib markii kumeelgaarnimada laga baxay, isla markaana ay soo muuqatay yididiillada nabadeed ayaa lagu qabtay Magaalada London ee dalka Britain, iyadoo munaasabaddanna ay soo qabanqaabisay Dhalinyarada Kacdoonka Kasoo horjeedka qabyaaladsa (Anti Tribalism Movement).

3/11/2013 1:39 PM EST
Isniin, Maarso 11, 2013 (HOL) — Dhawaan ayay ahayd markii guddiga daneeyayaasha caafimaadka ee golaha wakiillada Somaliland ay kormeer xaqiiqo raadis ah ku yimaadeen magaalada Booarme ee xarunta gobolka gobolka Awdal, halkaasoo ay kulan kula qaateen qaar ka mid bulshada rayidka.

3/11/2013 1:10 PM EST
Isniin, Maarso 11, 2013 (HOL) — Taliska ciidanka Asluubta Soomaaliyeed ayaa sheegay in cudurka shuban biyoodka uu ka dilaacay xabsiga dhexe ee magaalada Muqdisho iyadoo uu u geeriyooday maxbuus ka mid ah kuwa ku jira xabsiga dhexe iyo kuwo kale oo la il-daran cudurkan.

3/11/2013 11:18 AM EST
Isniin, Maarso 11, 2013 (HOL) — Dowladda Soomaaliya iyo Puntland ayaa heshiis iskaashi ku kala saxiixday magaalada Garoowe ee xarunta Puntland oo uu ra’iisul wasaare, Cabdi Faarax Shirdoon iyo wafdi uu hoggaaminayo ay saddexdii maalmood ee lasoo dhaafay booqasho ku joogeen.

3/11/2013 10:54 AM EST
Isniin, Maarso 11, 2013 (HOL) — Dowladda Soomaaliya ayaa sheegtay inay dalka keenayso lacago cusub oo wax looga bedelayo shillin Soomaaliga oo aan qiimo badan lahayn, sida uu saxaafadda u sheegay maanta wasiir ku xigeenka wasaaradda maaliyadda iyo qorsheynta, Maxamed Xasan Aadan.

3/11/2013 10:13 AM EST
Isniin, Maarso 11, 2013 (HOL) — Jaamacadda Hope ayaa maanta 19-arday guddoonsiisay shahaadada Master-ka ah, kuwaasoo sagaal ka mid ah ay ku suganayeen magaaladaMuqdisho, halka 10-ka kalena ay joogeen magaalada Hargeysa ee xarunta Somaliland, iyadoo munaasabaddii Muqdisho ay kasoo qaybgaleen mas’uuliyiin uu ka mid ahaa guddoomiyaha baarlamaanka Soomaaliya, Prof. Maxamed Cismaan Jawaari.

3/11/2013 8:08 AM EST
Isniin, Maarso 11, 2013 (HOL) — Ra'iisal wasaaraha Soomaaliya , Cabdi Faarax Shirdoon Saacid iyo wafdigii uu hoggaaminayay oo labadii maalmood ee lasoo dhaafay ku sugnaa Puntland ayaa saaka booqday xerada 54-aad ee ciidamada xooga Puntland, halkaasoo ahayd xarun ciidan malateriga dowladdii dhexe ee Soomaaliya.

3/11/2013 7:44 AM EST
Isniin, Maarso 11, 2013 (HOL) — Waxaa maanta sheybaarka dugsiga sare ee degmada Badhan ee xarunta gobolka Sanaag ku sumoobey 6-gabdhood oo kamid ah ardeyda wax ka barta fasalka 3-aad ee dugsiga sare ee Badhan.

3/11/2013 7:26 AM EST
Isniin, Maarso 11, 2013 (HOL) — Kulankaan oo loogu magacdaray fagaaraha ayaa bishiiba mar lagu qabtaa gobolka Minnesota, iyadoo lagu marti-gelinayo dad ehel u ah ama xog-buuxda ka haysta mamduuca lagu jeex-jeexayo oo inta badan loo xusho mid markaasi taagan ama si dhab ah u taabanaya nolosha bulshada Soomaaliyeed ee ku dhaqan wadamada qurbaha ama gudaha dalka.

3/11/2013 7:16 AM EST
Isniin, Maarso 11, 2013 (HOL) — Wararka naga soo gaaray deegaannka Halgan ee gobollka Hiiraan ayaa sheegaya in xarakada Al-shabaab xabsiga ka sii deysay ilaa sideed macalin dugsi Qur’aan oo todobaad ka hor ay ku xiraan deegaannka.

3/11/2013 12:27 AM EST
Isniin, Maarso 11, 2013 (HOL) — Guddoomiyaha gobolka Gedo, Maxamed Cabdi Kaliil ayaa ka hadlay boqollaal ciidammo oo dhawaan gaaray degmada Kismaayo ee xarunta gobolka Jubbada Hoose, kuwaasoo cabsi badan ka dhaliyay degmadaas.