3/28/2024
Today from Hiiraan Online:  _
Wararka Maanta- Talaado, July 2 , 2013
Ururka SYAO oo qabtay kulan looga hadlayay sidii Dhallinyarada Somaliland ay ku heli lahaayeen Shaqooyin (SAWIRRO)


Talaado, July 02, 2013 (HOL) — Ururka dhallinyarada SYAO ayaa Muqdisho kula qabtay kulan lagu taageerayay sidii dhallinyarada Somaliland kasoo jeeda ee Muqdisho ku sugan ay fursado shaqo uga heli lahaayeen hay’adaha dowladda Soomaaliya iyo kuwa gaarka ah, iyadoo kulankan lagu soo beegay shalay oo ahayd maalintii xoriyadda Soomaaliya.

Kulankan ayaa waxaa ka qaybgalay ku dhawaad 200 oo dhallinyaro ah oo ka kala yimid gobollada maamulka Somaliland, kuwaasoo labadii sano ee ugu dambeysay ku sugnaa magaalada Muqdisho si ay fursado shaqo uga helaan dowaldda Soomaaliya iyo hay’adaha gaarka ah, iyadoo intooda badan aysan weli heli wax shaqooyin ah.

Dhallinyaradan oo intooda badan ka yimid magaalada Hargeysa ayaa xusay inay kasoo baxeen jaamacado iyo dugsiyo sare, laakin fursadaha shaqo oo ka jira deegaannada Somaliland aysan ku filnayn, sidaa daraadeedna ay u yimaadeen Muqdisho.

Suldaan Kamaal Xasan oo ka mid ah ugaasyada reer Somaliland kana mid ahaa salaadiintii soo xulay xildhibaannadi gobollada Waqooyi ee ka midka ah  baarlamaanka Soomaaliya oo ka qayb-galay barnaamijka loogu magac daray “Kulanka taageerada dhallinyarada Somaliland, ayaa sheegay inuu si aad ah ugu faraxsan yahay in dhallinyarada Somaliland ay yimaadaan Muqdisho si ay fursado shaqo uga raadsadaan.

“Dowladda waxaan uga baaqayaa in dhallinyarada Soomaalinimada ay la weyn tahay ee Xamar u soo shaqo raadsaday la tixgaliyo oo fursadaha shaqo ee dowladda si siman loo wadaago,” ayuu yiri Suldaan Kamaal oo sidoo kale mahad u celiyay hay’adda SYAO oo soo abaabushay kulankan.

Sidoo kale, kulanka ayaa waxaa hadallo kala duwan ka jeediyay Cali Timo-jilic oo ka mid ah mas’uuliyiinti axsaabta dalka, Ugaas Bashiir, xubno ka socday ururrada bulshada rayidka iyo madaxda xafiiska SYAO Muqdisho.

Ururka SYAO ayaa tan iyo bilowgii sannadkan wuxuu sameynayay daraasad ku saabsan dhallinyarada Somaliland ee shaqada u soo raadsada magaalada Muqdisho,  iyagoo mas’uuliyiinta ururka ay sheegeen in daraasaddan ay goor dhow shaacin doonaan.

Kulankan oo isugu jiray dabaal-degga maalmaaha xorriyadda iyo kulan lagu taageerayo in dhallinyarada Somaliland fursado shaqo ay ka helaan xarunta Soomaaliya ee Muqdisho ayaa kusoo beegmaya iyadoo madaxweynaha Somaliland uu ka furay Hargeysa shir Qaran oo looga hadlayo sidii ay shaqo ku heli lahaayeen dhallinyarada Somaliland.









Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/2/2013 2:37 PM EST
Soomaali lagu qiyaasay kumanaan kun ayaa habaynkii xalay ahaa isugu soo baxay fagaare ku yaalla xaafada Islii ee Soomaalida ay ka daggantahay magaalada Nairobi.

7/2/2013 12:01 PM EST
Talaado, July 02, 2013 (HOL) — Wasiirka Arrimaha gudaha Somalia, C/kariin Xuseen Guuleed oo ka hadlay xaaladda Sheekh Xasan Daahir ayaa sheegay inuu ku jiro gacanta dowladda Soomaaliya uuna caafimaad qabo, isagoo wax aan jirin ku tilmaamay wararka sheegaya in lagu wareejiyay dad ajnabi ah.

7/2/2013 11:07 AM EST
Talaado, July 02, 2013 (HOL) — Qaar kamid ah dadkii ku dhaawacmay dagaalladii ka dhacay magaalada Kismaayo - dhowrkii maalmood ee lasoo dhaafay- ayaa maanta lasoo gaarsiiyey magaalada Gaalkacayo ee xarunta gobolka Mudug.

7/2/2013 11:02 AM EST
Talaado, July 02, 2013 (HOL) — Ururka hormarinta midowgga dhalinyarrada gobolka Hiiraan oo kashanaya qaar ka mid ah guddiyada xaafaddaha magaalada Baladweyne ayaa bilaaway dib u dayactir lagu sameynayo jidadka muhiim u ah isku xirka magaalada iyo deegaannada ku dhaw dhaw oo ay dhibaato ku qabeen gadiidleyda iyo dadka kale ee isticmaala.

7/2/2013 10:15 AM EST
Talaado, July 02, 2013 (HOL) — Madaxtooyada Puntland ee Garoowe waxaa maanta kulan ku yeeshay wefdi ka socda dowlad deegaanka Soomaalida ee Itoobiya (DDSI) oo shalay Garoowe soo gaarey iyo mas'uuliyiinta ugu sareysa maamulka Puntland.

7/2/2013 8:43 AM EST
Talaado, July 02, 2013 (HOL) — Madaxweynaha Soomaaliya, Xasan Sheekh Maxamud ayaa maanta waraaqihii aqoonsiga danjirenimo kala guddoomay danjiraha cusub ee Britain ay u soo magacowday Soomaaliya, Neil Wigan.

7/2/2013 4:02 AM EST
Talaado, July 02, 2013 (HOL) — Madaxweyne ku xigeenka Puntland, C/samad Cali Shire ayaa dowladda Soomaaliya ku eedeeyay inay kasoo horjeeddo maamulka Jubbaland iyo joogitaanka ciidamada Kenya ee qaybta ka ah howgalka Midowga Afrika ee AMISOM.

7/2/2013 4:01 AM EST
Talaado, July 02, 2013 (HOL) — Xildhibaannada baarlamaanka Somalia ayaa lagu wadaa inay maanta yeeshaan kulan ka duwan kuwii hore oo soconaya muddo bil ah, kaddib markii uu dhawaan sidaas ka codsaday madaxweynaha dowladda Soomaaliya, Xasan Sheekh Maxamuud.

7/2/2013 3:59 AM EST
Talaado, July 02, 2013 (HOL) — Duqa magaalada Laascaanood ee xarunta gobolka Sool, Cabdiqaadir Jaamac Saalax ayaa shir lagu qabtay xafiiska ay leeyihiin barakacayaasha gobolka Sool ayaa ugu baaqay dhamaan hay’adaha samafalka ee ka hawlgala magaalada inay qayb ka qaataan caawinta dadka barakacayaasha ah ee ku sugan magaaladaas iyo qaybaha kale ee gobolka.