12/9/2022
Today from Hiiraan Online:  _
Wararka Maanta- Isniin, Jan 7 , 2013
Mas'uuliyiin ka tirsan Xisbiga DADKA (People Party) oo socdaallo kala duwan ku maraya Deegaannoo ka tirsan Gobolka Bay
Isniin, Jannaayo 07, 2013 (HOL) —  Xubnaha sarsare xisbiga DADKA oo ka mid ah xisbiyada siyaasdeed ee dalka ka jira ayaa booqasho ku tagay deegaanno ka tirsan gobolka Bay, iyagoo dhawaan xafiis ka sameystay degmada Baydhabo ee xaruna gobolkaas.


Socdaalkan ayay sheegeen saraakiishu xisbiga inuu yahay mid ay dadka wacyi-gelin ugu sameynayaan si ay u helaan taageero ballaaran oo dhinaca shacabka ah, iyadoo guddoomiyaha xisbigan Siciid Ciise Maxamuud uu ka mid ahaa murashaxiintii u tartamay xilkii madaxnimo ee Soomaaliya.

"Deegaannada booqashooyinka aan ku marayno waxaa ka mid ah degmada: Baydhabo, Qansax-dheere iyo Bardaal, oo ay gacanta ku hayaan ciidamada dowladda Soomaaliya," ayuu yiri sarkaal sare oo u hadlay xisbiga, isagoo sheegay inay kulammo la qaadanayaan dadka shacabka ah iyo cuqaashada deegaannadaas.

Sidoo kale, saraakiisha xisbiga DADKA waxay sheegeen in qorshahoodu uu yahay inay caawiyaan shacabka dhibaateysan ee ku nool deegaannadaas, iyagoo xusay inay si waad ah ugu farxeen soo dhaweynta loo sameeyay.

Xisbigan oo sannadkii lasoo dahafay la dhisay ayaa noqonaya xisbiga keliya ee ugu jira dadaalka sidii uu shacabka Soomaaliyeed taageero uga heli lahaa taageero, iyadoo xisbigan uu ka mid ahaa xisbiyadii ku tartamay doorashadii madaxnimo ee ka dhacday dalka sannadkii hore.

Si kasta ha ahaateen xisbiga DADKA ayaa noqonaya xisbigii ugu horreeyay oo xafiis ka sameysa deegaan ka baxsan Muqdisho, iyadoo dalka uu u muuqdo inay si aad ah ugu soo kordhayaan xisbiyada siyasaadeed ee ku tartamaya hoggaanka dalka.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
1/7/2013 11:02 AM EST
Isniin, Jannaayo 07, 2013 (HOL) — Golaha wakiillada Puntland ayaa maanta cod aqlabiyad leh ku meel mariyey miisaaniyadda dowladda ee sanadkan cusub ee 2013 oo ay maalmihii u danbeeyey ka doodayeen.

1/7/2013 10:58 AM EST
Isniin, Jannaayo 07, 2013 (HOL) —Jaamacad cusub oo loogu magic-daray Jaamacada caalamiga ah ee Soomaaliya (Somali International University) ayaa maanta lagu furay Muqdisho, iyadoo xarunta Jaamacadan laga dhigay dugsigii hoose/dhexe ee Muuse Galaal oo ku yaalla degmada Howl-wadaag.

1/7/2013 9:32 AM EST
Isniin, Jannaayo 07, 2013 (HOL) — Wasiirka wasaaradda amniga ee Puntland Col. Khaliif Ciise Mudan oo maanta shir jaraa'id ku qabtay magaalada Boosaaso, ayaa ka jawaabay hadal ka soo yeeray hoggaanka xarakada Al-shabaab oo ahaa: in ay dhowaan ku dhaqanka shareecada ka hirgelin doonaan Puntland.

1/7/2013 9:30 AM EST
Axad, Jannaayo 06, 2013 (HOL) — Ergeyga gaarka ah ee Midowga Afrika u qaabilsan arrimaha Soomaaliya, Maxamed Annadif ayaa sheegay in AMISOM ay lasii shaqeynayso hay’adda nabad-sugidda Qaranka Soomaaliyeed oo u dabbaal-degtay shalay sannadguuradii 41-aad ee kasoo wareegtay aasaaskii hay’adda nabadsugidda Soomaaliya.

1/7/2013 9:16 AM EST
Isniin, Jannaayo 07, 2013 (HOL) — Golaha wasiirrada xukuumadda Soomaaliya ayaa maanta oo Isniin ah yeeshay shir ay uga hadleen arrimo ay ka mid yihiin ammaanka iyo horumarka ay ciidamada dowladdu sameeyeen, iyadoo shirkii maanta uu shir-guddoominayay ra’iisul wasaaraha Cabdi Faarax Shirdoon (Saacid).

1/7/2013 8:43 AM EST
Isniin, Jannaayo 07, 2013 (HOL) — Wasiirka Maaliyadda Somaliland, Cabdicasiis Maxamed Samaale ayaa ka hadlay khilaafkii soo kala dhexmaray shirkadaha jaadka iyo wasaaradda Maaliyadda. Wasiirku wuxuu tilmaamay waxyaalaha ay shirkadaha jaadka ka biyo diideen oo uu xusay in cashuurtii ay bixin jireen waxyar loogu kordhiyey iyo xaga sarifka lacagaha oo qiimo hoose laga qaadi jiray oo iyana wax lagu kordhiyey, taas laba ka mid ah shirkadaha qaad diideen inay fuliyaan go’aankaasi, waxaanay taasi keentay in jaadkoodii kontorabaaniyaan, isla markaana uu ka dhasho khasaare soo gaadhay ciidanka booliska iyo shirkada qaadka laftoodaba.

1/7/2013 8:32 AM EST
Isniin, Jannaayo 07, 2013 (HOL) — Madaxweynaha Soomaliya, Xassan Sheekh Maxamuud ayaa ka qayb-galay xiritaanka kalfadhigii koowaad ee baarlamaanka Soomaaliya oo soo billowday sannadkii hore, kuwaas oo soo doortay madaxweynaha Soomaaliya bishii 10-kii bishii September ee sannadkii hore.

1/7/2013 7:14 AM EST
Isniin, Jannaayo 07, 2013 (HOL) —Kooxo hubeysan ayaa xalay weerar Bambaano ku qaaday xarun ku taal xaafadda V-afmadow ee magaalada Kismaayo, halkaasoo ay daganaayeen saraakiil katirsan ciidamada dowladda.

1/7/2013 5:32 AM EST
Isniin, Jannaayo 07, 2013 (HOL) — Wasiirro ka tirsan xukuumadda Kenya ayaa dalbaday in si dhaqso ah looga soo saaro xaafadda Soomaalidu degto ee Islii saraakiisha hoggaaminaya ciidamada Kenya ee howgallada kawada xaafaddaas, kuwaasoo ay ku eedeeyeen inay geystaan xadgudubyo iyo dhac.

1/7/2013 1:55 AM EST
Isniin, Jannaayo 07, 2013 (HOL) — Ciidammo aad u tira badan ayaa saaka lagu soo daayiyay magaalada Boosaaso. Meelaha ay ciidamadu sida aadka ah u joogaan waxaa kamid ah suuqa, jidka madaxtooyada aada, jidka garoonka iyo xaafadaha (Laanta-hawada) iyo (Xaafatul-carab). Labadan xaafadood oo ay ku yaallaan inta badan xarumaha dowladda iyo kuwa hay'adaha caalamiga ah.

1/7/2013 1:17 AM EST
Isniin, Jannaayo 07, 2013 (HOL) — Madaxweynaha maamulka Galmudug, Jen. Cabdi Xasan Cawaale (Qaydiid) ayaa sheegay inuu billowday qorshe lagu mideynayo guud ahaan maamullada ka jira gobollada dhexe ee Soomaaliya, isagoo sheegay in kulan u socday Ahlusunna iyo Galmudug maanta oo Isniin ah lasoo gabagabeynayo.

1/7/2013 1:12 AM EST
Isniin, Jannaayo 07, 2013 (HOL) — Afhayeenka AMISOM, Col. Cali Aadan Xumud ayaa sheegay inuu si fiican u socdaan howlgalka lagu adkaynayo amniga magaalada Muqdisho ee xarunta Soomaaliya, isagoo intaas ku daray in howgallada lagu sugayo ammaanka ay si wadajir ah u fulinayaan habeen iyo maalin booliiska dowladda Soomaaliya iyo kuwa AMISOM.