2/7/2023
Today from Hiiraan Online:  _
Wararka Maanta- Khamiis, Aug 8 , 2013
Magaalooyinka Laascaanood, Buuhoodle, Taleex iyo Boocame oo dadweyne ay ugu soo baxeen Ciiddii Maanta (SAWIRRO)


Khamiis, August 08, 2013 (HOL) — Munaasibadda Ciidda ayaa maanta si weyn looga xusay gobolka Sool, iyadoo dadweyne fara badan oo maalitan u dabaaldagaya ay isugu soo baxeen, inkasoo ay jireen dadweyne ku nool gobolkaas oo maanta soomanaa.

Laascaanood

Magaaladda Laascaanood ee xarunta gobolk Sool ayaa waxaa maanta ay ku tukadeen dadweynuhu saddex goobood oo ay cuulmmada u asteeyeen inay dadweynaha, kuwasoo ku kala yaalla Koonfurta Laascaanood, barxadda dugsiga hoyga iyo majidka jaamaca ah ee magaalada.

Bilicda barbaarta iyo shanqarta alaabada ay caruurtu ku ciyaaraan ayaa si aad ah looga maqlayay magaalada, iyadoo ay daruuro joog hoose ku socda qaboojiyeen jawiga magaalada.

Mas’uuliyiin ka socday maamulka Somaliland soo gaaray magaalada ayaa masjidka jaamaca ah salaaddii ciidda kula tukaday boqolaal dadweyne ah oo isugu jiray rag iyo dumar, waxaana xubnahaas horkacayay wasiir-u-dowlaha gobollada Bari, Cali Sandule, isagoo hadal kooban u jeediyay dadkii ay kula tukadeen masaajidka.

Ciidammo aad u badan ayaa tan iyo habeennimadii xalay ku sugnaa baraha lagu tukaday maanta, kuwaasoo la sheegay inay ka hortagayeen cabsi laga qabay in xaaladda ammaanka la waxyeelleeyo.

Boocame

Madaxweynaha maamulka Khaatumo, Cabdinuur Cilmi Qaaje (Biindhe) ayaa isaguna dadweynaha kula tukaday magaalada Boocane oo 75-km bari kaga aaddan magaalada Laascaanood, waxaanu hamblayo ku aaddan ciidul-fidriga u diray guud ahaan ummadda Soomaaliyeed eek u sugan dalka dibaddiisa iyo gudihiisaba.

Taleex

Degmada Taleex oo ah magaalada xarunta u ah maamulka Khaatumo waxaa barxada salaadda ciida kula tukaday dadweyne fara badan, madaxweyne ku xigeenka Khaatumo, Axmed Cilmi Cismaan (Axmed Karaash), isagoo dadkii kasoo qaybgalay salaadda ugu hambalyeeyey dhameysashada Ramadaan oo ay soo soomeen.

Waxaa sidoo kale halkaas ka hadlay qaar ka mid ah golihiisa wasiirrada iyo madax-dhaqameed uu ka mid ahaa Suldaan Siciid Garyare iyo ganacsatada degmadaas qaarkood, waxaana halku dhig u ahaa in soonka la raaciyo lixda maalmood ee bisha Shawaal oo loo yaqaan Wadaca.

Buuhoodle

Magaalada Buuhoodle, waxaa lagu tukaday salaaddii ciidda ee maanta barxadda dugsiga darwiish iyadoo ay isugu soo baxeen halkaas kumannaan qof, kuwaasoo dhammaantood ku lebisnaa dhar aad u bilic badan.

Masjidka jaamaca ah ee magaalada ayaa waxaa isagana ku tukaday tiro kale oo dadka reer Buuhoodle ah; iyadoo ay ammaankooda sugayeen ciidammo deegaanku u diyaariyay.

Si kastaba ha ahaatee, ciidda sanadkan ayaa si aad ah uga duwanayd kuwii sanadihii u dambeeyay la arki jiray, iyadoo ay dadka badankoodu ahaayeen kuwo ay ka muuqdaan qurux, waxaa kale oo xusid in magaalooyinka lagu ciiday ay ahaayeen kuwo aad loo qurxiyay.

Dhanka kale, waxaa jiray qaar ka mid ah culumadda diinta oo khilaafay ciidda maanta, iyagoo sheegay inaysan jirin cid aragtay bisha Shawaal ee Soon-fur, sidaa daraadeedna ay soomayaan maanta, waxaana qiyaas ahaan dadki maanta soomahaan ay ahaayeen 10%.





Seynab Cabdi Warsame, Hiiraan Online
[email protected]
Laascaanood, Gobolka Sool













Click here
8/8/2013 4:41 PM EST
Khamiis, August 08, 2013 (HOL) — Ciidamada AMISOM ayaa sheegay Khamiis maanta ah inay ku dileen dagaalkii Arbacadii ka dhacay degmada Afmadow ee gobolka Jubbada Hoose ay ku dileen 24 ka mid ah dagaalyahannada Al-shabaab, kaddib markii ciidamadooda iyo kuwa dowladda Soomaaliya ay fashiliyeen weerar ay Al-shabaab kusoo qaadday degmadaas.

8/8/2013 1:07 PM EST
Khamiis, August 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta booqasho ku tagay xarummo ay ka mid yihiin isbitaalka Martiini oo ay ku nool yihiin naafada ciidanka xoogga dalka, wasaaradda gaashaandhigga, dugsiga tababarka ee Jazeera iyo Villa Baydhabo oo ah taliska ciidanka xoogga, isagoo la ciiday Askarta ku jirta xeryahaasi.

8/8/2013 1:07 PM EST
Khamiis, August 08, 2013 (HOL) — Munaasabadda Ciidul-fidriga ayaa lagu qabtay maanta xarunta guddiga xiriirka Jubbooyinka ee Muqdisho, iyadoo ay kasoo qaybgaleen culumaa’udiin, hoggaamiyeyaasha dhaqanka ,siyaasiyiin iyo dadweyne kasoo jeeda gobollada Jubbooyinka.

8/8/2013 12:15 PM EST
CIID WANAAGSAN: ALLA MAANTA AYAANTA, HEESTA CIIDDA

8/8/2013 12:02 PM EST
Khamiis, August 08, 2013 (HOL) — Tiro yar oo ka mid ah duulimaadyadii caalamiga ahaa ayaa maanta oo Khamiis ah dib uga billowday garoonka diyaaradaha ee Jommo Kenyatta ee magaalada Nairobi, kaddib markii uu garoonkaas dab qabsaday Arbacadii shalay.

8/8/2013 11:39 AM EST
Khamiis, August 08, 2013 (HOL) — Magaalada Boorame ee xarunta gobolka Awdal oo ka mid ah deegaannada maamulka Somaliland ayaa maanta si weyn looga ciiday, iyadoo shacabku ay camireen masaajidda ku yaalla degmadaas.

8/8/2013 10:54 AM EST
Khamiis, August 08, 2013 (HOL) —Shaqaalaha ururka daryeelka haweenka iyo carruurta ee WOCCA ayaa maanta waxay la ciideen carruurta ku jirta xeryaha barakacayaasha ee Tarabuunka magaalada Muqdishu, gaar ahaan xeryaha Nagaad iyo Samaahir, iyagoo gaarsiiyay deeq macmacaan ah oo gaareysay illaa 600 oo xirmo taasoo isugu jirtay nac-nac, shukulaato, doolsho, caano boore iyo buskud, deeqdan oo loogu talogalay in looga farxiyo carruurta waalidkood aysan awoodin inay u dhameeystiraan agabka ay carruurta ku ciidaan.

8/8/2013 10:34 AM EST
Khamiis, August 08, 2013 (HOL) — Wasiirka wasaarrada gaashaandhiga xukuumada Soomaaliya iyo wafdi uu horkacayo ayaa subaxnimadii saakay gaaray magaalada Baladweyne ee xarunta gobolka Hiiraan.

8/8/2013 9:51 AM EST
Khamiis, August 08, 2013(HOL) :- Iyadoo maanta guud ahaan gobollada dalka Soomaaliya looga dabaaldegayo munaasibadda ciidda barakeeysan ee ciidul fitriga ayay qurbajoog Soomaaliyeed oo ku dhaqan gobolka Minisoota ee dalka Mareeykanka waxa ay deeq lacageed gaarsiiyeen bukaanada ku jira isbitalka guud ee magaalada Kismaayo.

8/8/2013 9:35 AM EST
Khamiis, August 08, 2013(HOL) :- Iyadoo guud ahaan dunida islaamka looga dabaaldegayo farxadda ciidda barakeeysan ee ciidul fitriga ayaa waxa maanta magaalada Kismaayo siweyn looga xusay munaasibadaasi iyadoona dadka reer Kismaayo ay goobo kala duwan ku oogeen saladda ciidda.

8/8/2013 8:10 AM EST
Khamiis, August 08, 2013 (HOL) — Magaalada Ceelbuur ee gobolka Galguduud oo ka mid ah degmooyinka ay Al-shabaab ka taliso ayaa maanta si weyn looga ciiday, iyadoo xubno ka tirsan Kooxdan ay dadka ku tujiyeen fagaare weyn.

8/8/2013 7:08 AM EST
Khamiis, August 08, 2013 (HOL) — Guud ahaan ummadda Islaamka, gaar ahaaan goboladda Somaliland, ayaa maanta u si weyn loogu Ciiday ciida fidriga ka dib markii ay soo dhamaysteen sodonkii cisho ee bisha barakaysan ee Ramadaan.

8/8/2013 7:06 AM EST
Khamiis, August 08, 2013 (HOL) — Iyadoo guud ahaan dunida muslimka maanta siweyn loogu dabaal-dagayo maalinta koowaad ee Ciiddul-fidriga ayaa si gaar ah waxaa gobollada dalka Soomaaliya maanta si isku mid ah looga damaashaadayaa farxada Ciidda.

8/8/2013 7:05 AM EST
Kumannaan Soomaaliya oo ku nool xaafada Islii ayaa maanta u soo baxay si ay u soo tukadaan salaada ciida.

8/8/2013 4:15 AM EST
Khamiis, August 08, 2013 (HOL) — Hay’adda UNICEF ayaa sheegtay in 1.3 milyan doollarka Mareykanka ah ay heshay, si ay ugula dagaalanto cudurka halista ah ee dabeysha oo laga helay deegaanno badan oo Soomaaliya ka mid ah.

8/8/2013 4:13 AM EST
Khamiis, August 08, 2013 (HOL) — Magaalada Muqdisho iyo gobollada dalka ayaa maanta si wanaagsan looga ciiday, iyadoo madaxda dowladda ay ugu baaqeen shacabka Soomaaliyeed inay is-cafiyaan ayna qayb ka qaataan sidii dalka loo nabadeyn lahaa.