1/29/2023
Today from Hiiraan Online:  _
Wararka Maanta- Khamiis, Aug 8 , 2013
Ra’iisul Wasaaraha Soomaaliya oo Maanta kormeeray Xarumaha Ciidamada Xoogga Dalka iyo Isbitaalka Martiini (SAWIRRO)


Khamiis, August 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta booqasho ku tagay xarummo ay ka mid yihiin isbitaalka Martiini oo ay ku nool yihiin naafada ciidanka xoogga dalka, wasaaradda gaashaandhigga, dugsiga tababarka ee Jazeera iyo Villa Baydhabo oo ah taliska ciidanka xoogga, isagoo la ciiday Askarta ku jirta xeryahaasi.

Mudane Saacid ayaa kormeerkiisan waxaa ku wehliyay wasiirka cadaaladda, Cabdullaahi Ebyan Nuur, wasiirka kheyraadka, Cabdirisaaq Cumar Maxamed, wasiir ku-xigeennada gaashaandhiga, arrimaha gudaha, warfaafinta iyo taliyeyaasha ciidamada milateriga, booliiska iyo nabadsugidda.

Ra’iisul wasaaraha ayaa ugu horreyntii booqday isbitaalka Martiini halkaasoo ay deggen yihiin naafadii ciidanka xoogga dalka ee ka qaybgalay dagaalkii 19977-kii, waxaana ra’iisul wasaaruhu ugu hambalyeeyay munaasabadda Ciidul-Fitriga, isagoo u ballan-qaaday inay si joogto ah u heli doonaan xaquuqdooda ayna ku xaquuq yihiin askariga jooga furinta hore ee dagaalka.

“Muhiimadda aad noo leedihiin waxaad ka garan doontaan mushaarka ciidamada oo la idinku billaabay, sababtoo ah Qaranka xushmad gaar ah ayaad ku leedihiin maadaama aad xubnihiina qaaliga ah u waydeen difaaca dalka, waxaana idiin ballan-qaadayaa intii karaankeenna ah in dawladdu ay waxba idinka hagran doonin, maadaama aad tihiin taariikh nool,” ayuu yiri ra’iisul wasaare Saacid, isagoo sheegay in dowladdu aanay ilaawin kaalinta naafada xoogga.

Sidoo kale, ra’iisu wasaaraha ayaa tagay xarunta Wasaaradda Difaaca ee Soomaaliya, halkaasoo ay ku sugnaayeen ciidammo ka tirsan kuwa xoogga dalka, isagoo u jeediyay khudbo dhiirri-gelin iyo mahadnaq isugu jirtay, waxaana taliyaha ciidanka xoogga, Jen. Daahir Aadan Cilmi uu goobta ku siiyay warbixinno la xariira diyaar-garow dayactirka wasaaradda lagu sameeyay. Wuxuuna xusay in ciidankani ay qabaan tababaro tayo sare leh oo ay siiyeen saraakiil Soomaaliyeed.

Ra’iisul wasaaraha ayaa sidoo kale booqday dugsiga tababarka ee Jazeera oo ku yaalla duleedka Muqdisho, halkaasoo ay ku jiraan ciidammo 1,080 askari ah, kuwaasoo loogu magic-daray Cali Boobaaye II, dhawaanna dhameystay tababar.

“Toddobaadka soo socda haddii ALLE yiraahdo waa la idiin dhameystirayaa qalabkiinna, waxaana la idiin kaga fadhiyaa inaad qayb libaax ka qaadataan soo celinta amniga dalka,” ayuu kula dardaarmay ra’iisul wasaaruhu ciidanka ku jira xerada Jaziira.

Dhanka kale, ra’iisul wasaaraha Soomaaliya ayaa booqday xarunta taliska ciidanka xoogga dalka ee Villa Baydhabo, waxaana halkaasi uu kula kulmay dhamaan qeybaha kala duwan ee saraakiisha ciidanka, isagoo sidoo kalena kormeeray hoghaanada ciidanka.












Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/8/2013 4:41 PM EST
Khamiis, August 08, 2013 (HOL) — Ciidamada AMISOM ayaa sheegay Khamiis maanta ah inay ku dileen dagaalkii Arbacadii ka dhacay degmada Afmadow ee gobolka Jubbada Hoose ay ku dileen 24 ka mid ah dagaalyahannada Al-shabaab, kaddib markii ciidamadooda iyo kuwa dowladda Soomaaliya ay fashiliyeen weerar ay Al-shabaab kusoo qaadday degmadaas.

8/8/2013 4:40 PM EST
Khamiis, August 08, 2013 (HOL) — Munaasibadda Ciidda ayaa maanta si weyn looga xusay gobolka Sool, iyadoo dadweyne fara badan oo maalitan u dabaaldagaya ay isugu soo baxeen, inkasoo ay jireen dadweyne ku nool gobolkaas oo maanta soomanaa.

8/8/2013 1:07 PM EST
Khamiis, August 08, 2013 (HOL) — Munaasabadda Ciidul-fidriga ayaa lagu qabtay maanta xarunta guddiga xiriirka Jubbooyinka ee Muqdisho, iyadoo ay kasoo qaybgaleen culumaa’udiin, hoggaamiyeyaasha dhaqanka ,siyaasiyiin iyo dadweyne kasoo jeeda gobollada Jubbooyinka.

8/8/2013 12:15 PM EST
CIID WANAAGSAN: ALLA MAANTA AYAANTA, HEESTA CIIDDA

8/8/2013 12:02 PM EST
Khamiis, August 08, 2013 (HOL) — Tiro yar oo ka mid ah duulimaadyadii caalamiga ahaa ayaa maanta oo Khamiis ah dib uga billowday garoonka diyaaradaha ee Jommo Kenyatta ee magaalada Nairobi, kaddib markii uu garoonkaas dab qabsaday Arbacadii shalay.

8/8/2013 11:39 AM EST
Khamiis, August 08, 2013 (HOL) — Magaalada Boorame ee xarunta gobolka Awdal oo ka mid ah deegaannada maamulka Somaliland ayaa maanta si weyn looga ciiday, iyadoo shacabku ay camireen masaajidda ku yaalla degmadaas.

8/8/2013 10:54 AM EST
Khamiis, August 08, 2013 (HOL) —Shaqaalaha ururka daryeelka haweenka iyo carruurta ee WOCCA ayaa maanta waxay la ciideen carruurta ku jirta xeryaha barakacayaasha ee Tarabuunka magaalada Muqdishu, gaar ahaan xeryaha Nagaad iyo Samaahir, iyagoo gaarsiiyay deeq macmacaan ah oo gaareysay illaa 600 oo xirmo taasoo isugu jirtay nac-nac, shukulaato, doolsho, caano boore iyo buskud, deeqdan oo loogu talogalay in looga farxiyo carruurta waalidkood aysan awoodin inay u dhameeystiraan agabka ay carruurta ku ciidaan.

8/8/2013 10:34 AM EST
Khamiis, August 08, 2013 (HOL) — Wasiirka wasaarrada gaashaandhiga xukuumada Soomaaliya iyo wafdi uu horkacayo ayaa subaxnimadii saakay gaaray magaalada Baladweyne ee xarunta gobolka Hiiraan.

8/8/2013 9:51 AM EST
Khamiis, August 08, 2013(HOL) :- Iyadoo maanta guud ahaan gobollada dalka Soomaaliya looga dabaaldegayo munaasibadda ciidda barakeeysan ee ciidul fitriga ayay qurbajoog Soomaaliyeed oo ku dhaqan gobolka Minisoota ee dalka Mareeykanka waxa ay deeq lacageed gaarsiiyeen bukaanada ku jira isbitalka guud ee magaalada Kismaayo.

8/8/2013 9:35 AM EST
Khamiis, August 08, 2013(HOL) :- Iyadoo guud ahaan dunida islaamka looga dabaaldegayo farxadda ciidda barakeeysan ee ciidul fitriga ayaa waxa maanta magaalada Kismaayo siweyn looga xusay munaasibadaasi iyadoona dadka reer Kismaayo ay goobo kala duwan ku oogeen saladda ciidda.

8/8/2013 8:10 AM EST
Khamiis, August 08, 2013 (HOL) — Magaalada Ceelbuur ee gobolka Galguduud oo ka mid ah degmooyinka ay Al-shabaab ka taliso ayaa maanta si weyn looga ciiday, iyadoo xubno ka tirsan Kooxdan ay dadka ku tujiyeen fagaare weyn.

8/8/2013 7:08 AM EST
Khamiis, August 08, 2013 (HOL) — Guud ahaan ummadda Islaamka, gaar ahaaan goboladda Somaliland, ayaa maanta u si weyn loogu Ciiday ciida fidriga ka dib markii ay soo dhamaysteen sodonkii cisho ee bisha barakaysan ee Ramadaan.

8/8/2013 7:06 AM EST
Khamiis, August 08, 2013 (HOL) — Iyadoo guud ahaan dunida muslimka maanta siweyn loogu dabaal-dagayo maalinta koowaad ee Ciiddul-fidriga ayaa si gaar ah waxaa gobollada dalka Soomaaliya maanta si isku mid ah looga damaashaadayaa farxada Ciidda.

8/8/2013 7:05 AM EST
Kumannaan Soomaaliya oo ku nool xaafada Islii ayaa maanta u soo baxay si ay u soo tukadaan salaada ciida.

8/8/2013 4:15 AM EST
Khamiis, August 08, 2013 (HOL) — Hay’adda UNICEF ayaa sheegtay in 1.3 milyan doollarka Mareykanka ah ay heshay, si ay ugula dagaalanto cudurka halista ah ee dabeysha oo laga helay deegaanno badan oo Soomaaliya ka mid ah.

8/8/2013 4:13 AM EST
Khamiis, August 08, 2013 (HOL) — Magaalada Muqdisho iyo gobollada dalka ayaa maanta si wanaagsan looga ciiday, iyadoo madaxda dowladda ay ugu baaqeen shacabka Soomaaliyeed inay is-cafiyaan ayna qayb ka qaataan sidii dalka loo nabadeyn lahaa.