1/30/2023
Today from Hiiraan Online:  _
Wararka Maanta- Khamiis, Aug 8 , 2013
Shaqaalaha Ururka WOCCA oo Maanta la Ciiday Carruurta Soomaaliyeed ee ku Jira Xeryaha Barakacayaasha Muqdisho (SAWIRRO)


Khamiis, August 08, 2013 (HOL) —Shaqaalaha ururka daryeelka haweenka iyo carruurta ee WOCCA ayaa maanta waxay la ciideen carruurta ku jirta xeryaha barakacayaasha ee Tarabuunka magaalada Muqdishu, gaar ahaan xeryaha Nagaad iyo Samaahir, iyagoo gaarsiiyay deeq macmacaan ah oo gaareysay illaa 600 oo xirmo taasoo isugu jirtay nac-nac, shukulaato, doolsho, caano boore iyo buskud, deeqdan oo loogu talogalay in looga farxiyo carruurta waalidkood aysan awoodin inay u dhameeystiraan agabka ay carruurta ku ciidaan.

Deeqdan oo ah mid ay iska soo aruuriyeen shaqaalaha ururka WOCCA ayaa waxaa ujeedkeedu ahayd sidii kor loogu qaadi lahaa niyadda carruurta ku dhibaateeysan xeryahaas lana dareensiinayay in shaqaalaha ururkan ay go’aansadeen inay farxadda ciidul-fitriga maanta ku qaataan xeryahaas.

Ugu horreyn, waxaa xeryahaas lagula ciiday carruurta ka hadlay Sh. Axmed Maxamuud Abtidoon oo ah guddoomiyaha xerada Samaahir isagoo si aad ah u soo dhaweeyay barnaamijka la ciidka carruurta ee shaqaalaha WOCCA, wuxuuna intaa ku daray in WOCCA mar walba ay si joogta ah ula socoto baahida xerada ka jirta, taasoo sahayshay inay dadka xeryaha ku nool ay helaan barnaamijyo loo soo marsiiyo hay`adda WOCCA.

Sheekh Axmed wuxuu shaqaalaha ururka uga mahad-celiyay deeqda maanta oo ah mid ay kasoo jareen mushaharkooda si ay noo tusiyaan carruurta ku jira xeradaas niyad wanaag, isla markaana ula ciidaan carruurta.

Sidoo kale, waxaa goobta ka hadashay madaxa isku xirka barnaamijyada nafaqeynta ee ururka WOCCA, Sacdiya Maxamed Cilmi oo faah-faahisay ujeeddada barnaamijka, isla markaasi baaq u jeedisay dhammaan ummadda muslimiinta ah ee wax awooda maanta iyo maalamaha kaleba inay dadka soo bakacay dareensiiyaan farxadaha ay ciiduhu leeyihiin, gaar ahaan carruurta Soomaaliyeed ee aan maanta oo kale haysan waxay ku ciidaan

Waxaa kaloo ka hadlay goobta, Daahir Xaaji Saciid iyo Mahdi Xaaji Saciid oo ah wiilal walaalo ah oo da’oodu kala ahayd 10-sano iyo 13-sano kuwaasoo ka yimid dalka Ingiriiska ee qaaradda Yurub, iyagoo ugu baaqay carruurta Soomaaliyeed ee ku nool qurbaha inay u soo jeestaan kaalmeeynta wallaalahooda Soomaaliyeed ee ku nool xeryaha qaxootiga Muqdisho.

Barnaamijkaas la ciidka carruurta ku jira xeryaha barakacayaasha ayaa ku soo dhamaaday si wanaagsa; iyadoo ay halkaas kuwada ciideen qaar ka mid ah shaqaalaha ururka WOCCA oo uu ka mid ahaa agaasimaha ururka, Daa’uud Cabdulle iyo carruurta labada xero ee Samaahir iyo Nagaad.









Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/8/2013 4:41 PM EST
Khamiis, August 08, 2013 (HOL) — Ciidamada AMISOM ayaa sheegay Khamiis maanta ah inay ku dileen dagaalkii Arbacadii ka dhacay degmada Afmadow ee gobolka Jubbada Hoose ay ku dileen 24 ka mid ah dagaalyahannada Al-shabaab, kaddib markii ciidamadooda iyo kuwa dowladda Soomaaliya ay fashiliyeen weerar ay Al-shabaab kusoo qaadday degmadaas.

8/8/2013 4:40 PM EST
Khamiis, August 08, 2013 (HOL) — Munaasibadda Ciidda ayaa maanta si weyn looga xusay gobolka Sool, iyadoo dadweyne fara badan oo maalitan u dabaaldagaya ay isugu soo baxeen, inkasoo ay jireen dadweyne ku nool gobolkaas oo maanta soomanaa.

8/8/2013 1:07 PM EST
Khamiis, August 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta booqasho ku tagay xarummo ay ka mid yihiin isbitaalka Martiini oo ay ku nool yihiin naafada ciidanka xoogga dalka, wasaaradda gaashaandhigga, dugsiga tababarka ee Jazeera iyo Villa Baydhabo oo ah taliska ciidanka xoogga, isagoo la ciiday Askarta ku jirta xeryahaasi.

8/8/2013 1:07 PM EST
Khamiis, August 08, 2013 (HOL) — Munaasabadda Ciidul-fidriga ayaa lagu qabtay maanta xarunta guddiga xiriirka Jubbooyinka ee Muqdisho, iyadoo ay kasoo qaybgaleen culumaa’udiin, hoggaamiyeyaasha dhaqanka ,siyaasiyiin iyo dadweyne kasoo jeeda gobollada Jubbooyinka.

8/8/2013 12:15 PM EST
CIID WANAAGSAN: ALLA MAANTA AYAANTA, HEESTA CIIDDA

8/8/2013 12:02 PM EST
Khamiis, August 08, 2013 (HOL) — Tiro yar oo ka mid ah duulimaadyadii caalamiga ahaa ayaa maanta oo Khamiis ah dib uga billowday garoonka diyaaradaha ee Jommo Kenyatta ee magaalada Nairobi, kaddib markii uu garoonkaas dab qabsaday Arbacadii shalay.

8/8/2013 11:39 AM EST
Khamiis, August 08, 2013 (HOL) — Magaalada Boorame ee xarunta gobolka Awdal oo ka mid ah deegaannada maamulka Somaliland ayaa maanta si weyn looga ciiday, iyadoo shacabku ay camireen masaajidda ku yaalla degmadaas.

8/8/2013 10:34 AM EST
Khamiis, August 08, 2013 (HOL) — Wasiirka wasaarrada gaashaandhiga xukuumada Soomaaliya iyo wafdi uu horkacayo ayaa subaxnimadii saakay gaaray magaalada Baladweyne ee xarunta gobolka Hiiraan.

8/8/2013 9:51 AM EST
Khamiis, August 08, 2013(HOL) :- Iyadoo maanta guud ahaan gobollada dalka Soomaaliya looga dabaaldegayo munaasibadda ciidda barakeeysan ee ciidul fitriga ayay qurbajoog Soomaaliyeed oo ku dhaqan gobolka Minisoota ee dalka Mareeykanka waxa ay deeq lacageed gaarsiiyeen bukaanada ku jira isbitalka guud ee magaalada Kismaayo.

8/8/2013 9:35 AM EST
Khamiis, August 08, 2013(HOL) :- Iyadoo guud ahaan dunida islaamka looga dabaaldegayo farxadda ciidda barakeeysan ee ciidul fitriga ayaa waxa maanta magaalada Kismaayo siweyn looga xusay munaasibadaasi iyadoona dadka reer Kismaayo ay goobo kala duwan ku oogeen saladda ciidda.

8/8/2013 8:10 AM EST
Khamiis, August 08, 2013 (HOL) — Magaalada Ceelbuur ee gobolka Galguduud oo ka mid ah degmooyinka ay Al-shabaab ka taliso ayaa maanta si weyn looga ciiday, iyadoo xubno ka tirsan Kooxdan ay dadka ku tujiyeen fagaare weyn.

8/8/2013 7:08 AM EST
Khamiis, August 08, 2013 (HOL) — Guud ahaan ummadda Islaamka, gaar ahaaan goboladda Somaliland, ayaa maanta u si weyn loogu Ciiday ciida fidriga ka dib markii ay soo dhamaysteen sodonkii cisho ee bisha barakaysan ee Ramadaan.

8/8/2013 7:06 AM EST
Khamiis, August 08, 2013 (HOL) — Iyadoo guud ahaan dunida muslimka maanta siweyn loogu dabaal-dagayo maalinta koowaad ee Ciiddul-fidriga ayaa si gaar ah waxaa gobollada dalka Soomaaliya maanta si isku mid ah looga damaashaadayaa farxada Ciidda.

8/8/2013 7:05 AM EST
Kumannaan Soomaaliya oo ku nool xaafada Islii ayaa maanta u soo baxay si ay u soo tukadaan salaada ciida.

8/8/2013 4:15 AM EST
Khamiis, August 08, 2013 (HOL) — Hay’adda UNICEF ayaa sheegtay in 1.3 milyan doollarka Mareykanka ah ay heshay, si ay ugula dagaalanto cudurka halista ah ee dabeysha oo laga helay deegaanno badan oo Soomaaliya ka mid ah.

8/8/2013 4:13 AM EST
Khamiis, August 08, 2013 (HOL) — Magaalada Muqdisho iyo gobollada dalka ayaa maanta si wanaagsan looga ciiday, iyadoo madaxda dowladda ay ugu baaqeen shacabka Soomaaliyeed inay is-cafiyaan ayna qayb ka qaataan sidii dalka loo nabadeyn lahaa.