1/29/2023
Today from Hiiraan Online:  _
Wararka Maanta- Arbaco, Aug 7 , 2013
Xukuumadda Soomaaliya oo ku dhawaadqay in Maalinta berri ah ay Ciida iyo Ra’iisul Wasaaraha oo Hambalyo diray

Arbaco, August 07, 2013 (HOL) — Xukuumadda Soomaaliya ayaa caawa ku dhawaaqay inay maalinta berri ah tahay ciid, waxaana hambalyo ku aaddan ciidda u diray shacabka Soomaaliyeed ra’iisul Soomaaliya, Cabdi Faarax Shirdoon Saacid.

Dalalka Bariga Afrika ayaa iyagana loo dhawaaqay inay maainta berri ah tahay maalin ciid ah, kaddib markii ay dhammaatay bishii Ramadaan oo la soo soomay 29 maalmood.

“Anigoo ku hadlaya magacayga iyo kan xukuumadda Soomaaliya, waxaan hambalyo ku aadan ciidul-fidriga u diryaa dhamaan shacabka Soomaaliyeed, waxaana ALLE  uga baryayaa inuu sannadkan kiisa kale nabad iyo baraare ku gaarsiiyo,” ayuu yiri ra’iisul wasaare Saacid.

Sidoo kale, ra’iisul wasaaruhu wuxuu yiri: “Waxaan baaq uga dirayaa anigoo ka fa’iidaysanaya fursadda ciidda dhammaan shacabka Soomaaliyeed inay is-cafiyaan, isku naxariistaan, una midoobaan cadowgooda habeen iyo maalinba u taagan qaraxyada iyo dhibaataynta shacabka.”

Dalka Jabuuti oo isaguna ka mid ah dalalka Bariga Afrika ayaa waxaa looga dhawaaqay inay maalinta berri ah tahay ciid, iyadoo mdaxda dalkaas ay ugu baaqeen shacabkooda inay ku ciidaan farxad maalinta ciida, kaddib markiii ay soo dhameysteen soonkii bisha Ramadaan.

Ra’iisul wasaare oo sii hadalyay ayaa wuxuu mar kale yiri: “Waxaan ciidanka qalabka sida u dirayaa hamblayo ku aaddan maalin ciiddan gaar ahaan kuwa u taagan difaaca dadkooda iyo dalkooda, iyagoo ku shaqaynaya duruufo aad u adag. Waxaan dhanka kale ugu baaqayaa dhallinyarada ka tirsan ururka Al-shabaab inay ka waantoobaan falalka ay ku jiraan kana qaybqaataan dib u dhiska dalka iyo nabadeynta.”

Maamullada Somaliland iyo Puntland ayaa iyagana looga dhawaaqay inay berri tahay maalin ciida ah, sidoo kale gobollada kale ee dalka ayaa iyagana looga dhawaaqay inay berri tahay ciid.

Ugu danbayn, ra’iisul wasaaruhu wuxuu sheegay in Soomaaliya ay xilligan ka muuqato rajo wanaagsan oo dhanka siyaasadda, horumarka dhaqaalaha, adeegayada bulshada iyo dadaal dheeri ah oo ay dowladdu ugu jirto sidii ay muwaadiniinta Soomaaliyeed u heli lahaayeen nabadgalyo taam ah, taasna loo baahan yahay in ay shacabku ku garab istaagaan dowladdooda si dalka loo gaarsiiyo horumar.

Maxamed Maaji Xuseen, Hiiraan Online
[email protected]
Muqdisho, Soomaaliya













Click here
8/7/2013 3:30 PM EST
Arbaco, August 07, 2013 (HOL) — Wasiirka horumarinta adeegga bulshada Xukuumada Soomaaliya, Maryan Qaasim Axmed ayaa maanta oo Arbaco ah ku dhawaaqday in dowladda Soomaaliya ay ka heshay dalka Yemen deeqo waxbarasho jaamacadeed ah, kuwaasoo tiradoodu tahay 100, kuwasoo kala ah waxbarashada sare iyo shahaadaha koowaad ee Bachelor-ka.

8/7/2013 10:01 AM EST
Arbaco, August 07, 2013 (HOL) — Hay’adda gargaarka bani’aadmanimo ee Afrika (HARO) ayaa gargaar raashin ah oo loogu talo-galay sakaatul fidriga ka qaybisay degmada Wadajir ee gobolka Banaadir iyo magaalada Kismaayo ee gobolka Jubbada Hoos, iyadoo loo qaybiyay dad dan-yar oo ay ku jireen kuwo indhoolayaal ah.

8/7/2013 8:47 AM EST
Arbaco, August 07, 2013 (HOL) — Bannaanbax looga horjeedo go’aankii uu ku gaaray bankiga Barclays inuu joojiyo adeegyadii uu u qaban jiray xawaaladaha Soomaalida ayaa maanta ka dhacay magaalada London, gaar ahaan afaafka hore ee xafiiska ra’iisul wasaaraha Britain, David Cameron.

8/7/2013 8:17 AM EST
Arbaco, August 07, 2013 (HOL) — Dabley hubeysan ayaa xalay ku gubey inta u dhexeysa magaalada Boosaaso iyo tuulada Kala-bayr labo gaari oo nooca xamuulka qaada ee ay Soomaalidu (Candho-meydlaha) u taqaan ah.

8/7/2013 8:16 AM EST
Arbaco, August 07, 2013 (HOL) — Magaalada Muqdisho ayaa waxaa lagu qabtay munaasabad lagu xusayay sannadkii laabad ee kasoo wareegay markii la aasaasay xisbiga DADKA Soomaaliyeed oo ka mid ah xisbiyadii siyaasadeed ee ka qaybgalay doorashadii madaxnimo ee Soomaaliya.

8/7/2013 8:10 AM EST
Arbaco, August 07, 2013 (HOL) — Iyadoo ay maalin keliya ka harsan tahay munaasabaddii Iidul Fidriga ayaa waxaa suuqa weyn ee magaalada Boosaaso laga dareemayaa dhaqdhaqaaq ganacsi oo xooggan.

8/7/2013 4:57 AM EST
Arbaco, August 07, 2013(HOL) :- Xoogagga Al-shabaab ayaa dagaal xooggan ku qaaday degmada Afmadow ee gobolka Jubbada hoose, iyadoona dagaalkaasi uu sababay khasaarooyin lixaad leh oo kala gaaray dhinacyadii dagaalamay.

8/7/2013 4:01 AM EST
Arbaco, August 07, 2013 (HOL) — Xukuumadda Kenya ayaa shuruud ku xirtay wareejinta garoonka diyaaradaha iyo dekedda magaalada Kismaayo ee xarunta goblka Jubbada Hoose, iyadoo dhawaan ay madaxda dalalka ay ciidamadu ka joogaan Somnalia ay kasoo saareen shir ay ku yeesheen Kampala in maamulka garoonka iyo dekedda Kismaayo lagu wareejiyo dowladda Soomaaliya.

8/7/2013 2:52 AM EST
Arbaco, August 07, 2013 (HOL) — Deeq lacageed oo gaareysa 1,440 dollar ayaa la gaarsiiyay bukaannada ku jira isbitaalka guud ee magaalada Laascaanood ee xarunta gobolka Sool.

8/7/2013 2:41 AM EST
Arbaco, August 07, 2013 (HOL) — Xilli ay muddo yari ka harsan tahay munaasabaddii Iidul Fidriga ayaa waxaa magaalooyinka waaweyn ee Puntland ka bilowday howlagallo ay ciidamada Boolisku ammaanka si weyn ugu adkeynayaan.

8/7/2013 2:17 AM EST
Arbaco, August 07, 2013 (HOL) — Dab weyn oo aan la ogeyn wixii sababay ayaa saakay oo Arbaco ah ka kacay garoonka diyaaradaha Jommo Kenyata ee magaalada Nairobi, taasoo keentay in garoonka la xiro tan iyo inta amar kale laga soo saarayo.