1/29/2023
Today from Hiiraan Online:  _
Wararka Maanta- Arbaco, Aug 7 , 2013
Munaasabad lagu Xusay Sanad-guuradii 2-aad ee Aasaasay Xisbiga DADKA oo lagu qabtay Magaalada Muqdisho (SAWIRRO)


Arbaco, August 07, 2013 (HOL) —  Magaalada Muqdisho ayaa waxaa lagu qabtay munaasabad lagu xusayay sannadkii laabad ee kasoo wareegay markii la aasaasay xisbiga DADKA Soomaaliyeed oo ka mid ah xisbiyadii siyaasadeed ee ka qaybgalay doorashadii madaxnimo ee Soomaaliya.

Munaasabaddan ayaa waxaa kasoo qaybgalay, waxgarad, siyaasiyiin, qaar ka mid ah siyaasiyiinta Soomaaliyeed, dadweyne, haween iyo odayaal ayaa waxaa hadallo kala duwan ka jeediyay mas’uuliyiin kala duwna oo uu ka mid ahaa guddoomiyaha xisbiga DADKA.

Guddoomiyaha xisbiga Siciid Ciise Maxamuud oo khudbaddiisii kaga hadlay arrimo badan oo ay ka mid yihiin: taariikhda xisbiga iyo xaaladda dalka uu ku sugan yahay dhinacyada siyaasadda iyo amniga. Wuxuuna si gaar ah u xusay in xisbiga DADKA lagu aasaasay magaalada London, ujeeddada loo abuurayna ay tahay sidii shacabka Soomaaliyeed uu ugu horseedi lahaa  horumar iyo dowladnimo wanaagsan.

“Magaalada Kismaayo waxay gacanta u gashay koox beeleed hubeysan oo dowladda Soomaaliya ka xarig furtay lana hoos gashay Kenya awooddii ay magaaladaas . Dowladu waxay ka gaabisay in mucaaradka hubeysan ee marooqsaday maamulka Kismaayo ay ula dhaqanto qaab dowladnimo oo raacsan in la mariyo mariinka uu mudan yahay mucaaradka hubeysan,” ayuu yiri guddoomiyaha xisbiga DADKA.

Sidoo kale, Saciid Ciise wuxuu sheegay in Puntland uu hoggaankeeda lasoo darsay diidmo ay shacabka deegaanka kaga soo horjeedaan siyaasada soo xumaatay ee hogaanka maamulka.

“Hoggaamiyaha maamulka Puntland wuxuu ku dhawaaqay inuu xiriirkii u jaray dowlada dhexe ee Soomaaliya oo maamulkiisu wax dhisay, isagaoo ku haminaya inuu dib u raaco dhaqan-xumadii nidaamkii KMG oo ku saleysnaa is-barbar-yaac lagu ugaarsanayo kaalmada caalamka,” ayuu intaa ku daray Siciid Ciise.

Prof. Siciid wuxuu ka hadlay maamullada dalka ka jira, isagoo ku sheegay in ay yihiin kuwo qaarkood aan waafaqsanayn sharciyada dalka u dagsan, sidaa daraadeedna loo baahan yahay inay dowladdu ay qaaddo tallaabo ay ku waafajinayso dastuurka iyo shuruucda kale ee dalka u dagsan.

Dhanka kale, guddoomiyaha oo ka hadlaya wax-qabad la'aanta dowladda ku tilmaamay in madaxtooyada looga arrimiyo Soomaaliya ay ka taagan tahay hoggaan-xumo, talada dalkana ay isku koobeen koox gaara oo aysan caddeyn siyaasadoodu meesha ay u jeeddo.

“Waxaa muuqata in dowladdu aysan lahayn sir u xafidan, hay’adaha ugu waa-weyn dalkana ay ka howgalaan howl-wadeenno shisheeye ah oo ku dhex milan madaxda sare ee dowladda. Waxaa dhalanteed ku dhamaaday qorshaha dowlada ay u dejisey in dib loogu dhiso dowladnimada Soomaaliya, waxaa gacanta dowlada ka baxay amniga kaddib markii ay kalsooni xumo soo kala dhex-gashay dowladda oo dhinac ah iyo ciidanka iyo shacabka oo dhinac kale ah,” ayuu guddoomiyuhu hadalkiisa raaciyay.

Ugu dambeyn, guddoomiyaha xisbiga DADKA, Saciid Ciise Maxamud wuxuu u soo jeediyAy in la dhimo ciidamada shisheeye ee jooga Soomaaliya, gebi ahaana ay Soomaaliya ka baxaan dhamaadka sannadka 2014-ka ee soo socda.

“Joogitaanka ciidamadaas waxay caqabad ku yihiin dib u dhiska ciidamada Soomaaliya iyo qalabeyntooda iyo in Soomaalida dhexdeeda ay ka dhalato dib u heshiisiin ku dhisan nabad oo ka madax-bannaan faragelin shisheeye,” ayuu yiri Prof. Siciid Ciise.

Gudoomiyuhu wuxuu khudbadiisa kusoo xiray codsi uu u jeediyey caalamka oo ah in amaah la siiyo dowladda Soomaaliya ee hadda jirta, kaalmadana si toosa loogu fidiyo shacabka iyadoo loosoo marsiinayo hay’adaha aan dowliga ahayn ee ka shaqeeya dhammaan gobollada dalka.








Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/7/2013 3:32 PM EST
Arbaco, August 07, 2013 (HOL) — Xukuumadda Soomaaliya ayaa caawa ku dhawaaqay inay maalinta berri ah tahay ciid, waxaana hambalyo ku aaddan ciidda u diray shacabka Soomaaliyeed ra’iisul Soomaaliya, Cabdi Faarax Shirdoon Saacid.

8/7/2013 3:30 PM EST
Arbaco, August 07, 2013 (HOL) — Wasiirka horumarinta adeegga bulshada Xukuumada Soomaaliya, Maryan Qaasim Axmed ayaa maanta oo Arbaco ah ku dhawaaqday in dowladda Soomaaliya ay ka heshay dalka Yemen deeqo waxbarasho jaamacadeed ah, kuwaasoo tiradoodu tahay 100, kuwasoo kala ah waxbarashada sare iyo shahaadaha koowaad ee Bachelor-ka.

8/7/2013 10:01 AM EST
Arbaco, August 07, 2013 (HOL) — Hay’adda gargaarka bani’aadmanimo ee Afrika (HARO) ayaa gargaar raashin ah oo loogu talo-galay sakaatul fidriga ka qaybisay degmada Wadajir ee gobolka Banaadir iyo magaalada Kismaayo ee gobolka Jubbada Hoos, iyadoo loo qaybiyay dad dan-yar oo ay ku jireen kuwo indhoolayaal ah.

8/7/2013 8:47 AM EST
Arbaco, August 07, 2013 (HOL) — Bannaanbax looga horjeedo go’aankii uu ku gaaray bankiga Barclays inuu joojiyo adeegyadii uu u qaban jiray xawaaladaha Soomaalida ayaa maanta ka dhacay magaalada London, gaar ahaan afaafka hore ee xafiiska ra’iisul wasaaraha Britain, David Cameron.

8/7/2013 8:17 AM EST
Arbaco, August 07, 2013 (HOL) — Dabley hubeysan ayaa xalay ku gubey inta u dhexeysa magaalada Boosaaso iyo tuulada Kala-bayr labo gaari oo nooca xamuulka qaada ee ay Soomaalidu (Candho-meydlaha) u taqaan ah.

8/7/2013 8:10 AM EST
Arbaco, August 07, 2013 (HOL) — Iyadoo ay maalin keliya ka harsan tahay munaasabaddii Iidul Fidriga ayaa waxaa suuqa weyn ee magaalada Boosaaso laga dareemayaa dhaqdhaqaaq ganacsi oo xooggan.

8/7/2013 4:57 AM EST
Arbaco, August 07, 2013(HOL) :- Xoogagga Al-shabaab ayaa dagaal xooggan ku qaaday degmada Afmadow ee gobolka Jubbada hoose, iyadoona dagaalkaasi uu sababay khasaarooyin lixaad leh oo kala gaaray dhinacyadii dagaalamay.

8/7/2013 4:01 AM EST
Arbaco, August 07, 2013 (HOL) — Xukuumadda Kenya ayaa shuruud ku xirtay wareejinta garoonka diyaaradaha iyo dekedda magaalada Kismaayo ee xarunta goblka Jubbada Hoose, iyadoo dhawaan ay madaxda dalalka ay ciidamadu ka joogaan Somnalia ay kasoo saareen shir ay ku yeesheen Kampala in maamulka garoonka iyo dekedda Kismaayo lagu wareejiyo dowladda Soomaaliya.

8/7/2013 2:52 AM EST
Arbaco, August 07, 2013 (HOL) — Deeq lacageed oo gaareysa 1,440 dollar ayaa la gaarsiiyay bukaannada ku jira isbitaalka guud ee magaalada Laascaanood ee xarunta gobolka Sool.

8/7/2013 2:41 AM EST
Arbaco, August 07, 2013 (HOL) — Xilli ay muddo yari ka harsan tahay munaasabaddii Iidul Fidriga ayaa waxaa magaalooyinka waaweyn ee Puntland ka bilowday howlagallo ay ciidamada Boolisku ammaanka si weyn ugu adkeynayaan.

8/7/2013 2:17 AM EST
Arbaco, August 07, 2013 (HOL) — Dab weyn oo aan la ogeyn wixii sababay ayaa saakay oo Arbaco ah ka kacay garoonka diyaaradaha Jommo Kenyata ee magaalada Nairobi, taasoo keentay in garoonka la xiro tan iyo inta amar kale laga soo saarayo.