2/7/2023
Today from Hiiraan Online:  _
Wararka Maanta- Talaado, Aug 6 , 2013
Wafdi ka socda dalka Ingiriiska oo Maanta kula kulmay Magaalada Garoowe Madaxda Sare ee Maamulka Puntland (SAWIRRO)


Talaado, August 06, 2013 (HOL) — Xarunta maamulka Puntland ee Garoowe waxaa maanta soo gaarey wefdi ballaaran oo ka socda wadanka Ingiriisa, kuwaasoo uu horkacayey safiirka cusub ee dalkaas u qaabilsan Soomaaliya Neil Wigan.

Wefdigan oo ay garoonka diyaaradaha ee Garoowe kusoo dhoweeyeen madax ka tirsan labada gole ee dowladda, ayaa xarunta madaxtooyada kulan kula yeeshay madaxweyne Faroole iyo qaar kamid ah golihiisa wasiirrada.

Kulanka labada dhinac oo ay warbaahintu dibadda ka joogtey, waxaa markii uu soo gaba gaboobey waxyaabihii la iskula soo qaaday warbaahinta uga warbixiyey Madaxweyne Faroole iyo safiirka dowladda Ingiriiska u qaabilsan Soomaaliya Neil Wigan.

Madaxweynaha Puntland oo isagu hadalka ku horeeyey ayaa sheegay in ay tahay markii ugu horeysey oo Neil Wigan uu yimaado Puntland - tan iyo markii xilkaas loo soo magacabaay. Wuxuuna intaas raaciyey in xiriir fiicani uu ka dhexeeyo Puntland iyo dowladda Ingiriiska.

Dr. Faroole ayaa dhianca kale sheegay in qodobada ay wefdiga Ingiriiska kawada hadleen uu kamid yahay khilaafka soo kala dhex galay Puntland iyo dowladda dhexe ee Federaalka. Go'aanka ay Puntland qaadatay ee ah in ay xiriirka u jartay dowladda Federaalka ayuu ku tilmaamay mid dhab ah oo aan la dhayalsan karin.

Neil Wigan ayaa isna dhankiisa sheegay in uu ku faraxsan yahay booqashada uu ku soo gaarey Puntland - oo ah tii ugu horeysey- isagoo dhinaca kale uga mahadceliyey madaxweynaha Puntland sida fiican ee isaga iyo wefdigiisa loo soo dhoweeyey.

Xiriirka ka dhexeeya Puntland iyo dowladda Federaalka ayuu sheegay in uu yahay mid aad u fiican. Wuxuu sidoo kale tilmaamay in Puntland ay horumar ballaaran ka sameysay dhinaca nabad gelyada iyo horumarka arintaasoo uu ku tilmaamay mid soo dhoweyn mudan.

Booqashada safiirka cusub ee dalka Ingiriiska u joogi doona Soomaaliya uu maanta kusoo gaarey magaalada Garoowe, waxay kusoo aadeysaa maalin kaddib markii ay dowladda Puntland shaacisay in ay xiriirka u jartay dowladda Federaalka ee uu hoggaamiyo Madaxweyne Xasan Sheekh Maxamuud.

Maxamed Salaad Xaaji Dirir, Hiiraan Online
[email protected]
Puntland, Soomaaliya













Click here
8/6/2013 3:41 PM EST
Talaado, August 06, 2013 (HOL) — Xidhibaanno ka tirsan baarlamaanka Puntland ayaa gellinkii dambe ee maanta gaaray magaalada Gaalkacyo ee xarunta gobolka Mudug, iyagoo sheegay in socdaalkooda uu ku saabsan yahay sidii ay wax uga ogaan lahaayeen dadka ku nool Puntland.

8/6/2013 3:00 PM EST
Talaado, August 06, 2013 (HOL) — Ra'iisul wasaarihii hore ee Soomaaliya Prof. C/weli Maxamed Cali Gaas ayaa maanta magaalada Addis Ababa ee xarunta dalka Itoobiya kaga dhawaaqay in uu yahay musharrax u taagan xilka madaxweynenimada ee Puntland.

8/6/2013 10:39 AM EST
Talaado, August 06, 2013 (HOL) — Madaxweynaha Somaliland, Mudane, Axmed Maxamed Maxamuud (Silaanyo), ayaa maanta si kadis ah kormeer shaqo ku soo maray Garoonka Diyaaradaha ee Egal international Airport ee magaaladda Hargeisa oo hada dhismihii Runway-gu uu gebegabo yahay.

8/6/2013 10:15 AM EST
Talaado, August 06, 2013 (HOL) — Kulan looga looga hadlay ammaanka iyo sidii ay wada-shaqeyni u dhexmari lahayd dhallinyarada Soomaaliyeed iyo hay'adaha ammaanka ayaa maanta lagu qabtay degmada Waaberi ee magaalada Muqdisho.

8/6/2013 10:02 AM EST
Talaado, August 06, 2013 (HOL) — Wasiiradda Caafimaadka iyo deegaanka oo booqday goobta Qashinka xoolaha la qalo ka soo hadho lagu shubo ee magaalada Hargeysa, ayaa ka qaybqaatay olole buufin ah oo lagu samaynayey goobaha lagu shubo qashinka xoolaha ka hadho oo ay ka dhasheen cayayaan fidin kara cudurada.

8/6/2013 10:00 AM EST
Talaado, August 06, 2013 (HOL) — Maalmihii u dambeeyay magaalada Hargeysa waxaa si weyn looga dareemayey dadweyne faro badan oo buux dhaafiyey suuqyadda waaweyn ee magaaladda Hargeysa.

8/6/2013 7:50 AM EST
Talaado, August 06, 2013 (HOL) — Maanta oo ay bishan Ogoosto ku beegan tahay lix ayaa waxaa buusamay sannadkii labaad oo Xarakada Al-shabaab ay isaga baxday magaalada Muqdisho ee xarunta Soomaaliya oo ay inteeda badan ka talinaysay muddo saddex sano ah, balse weli waxay Muqdisho ka geystaan falal isugu dilal qorsheysan, qaraxyo ismiidaamin ah iyo weerarro duqeyn ah.

8/6/2013 7:19 AM EST
Talaado, August 06, 2013 (HOL) — Kooxo hubeysan ayaa maanta ku toogtay isgoyska Siinaay guddoomiye ku xigeenkii degmada Wardhiigley, Maxamed Axmed Taako, iyagoo sidoo kale dhaawacay ruux ilaalo ahaa oo la socday.

8/6/2013 6:48 AM EST
Talaado, August 06, 2013 (HOL) — Wasaaradda khayraadka dalka Somalia ayaa ku dhawaaqday maanta inay heshiis la gashay sharikadda fadhigeedu yahay dalka Britain oo sahmisa shidaalka, taasoo lagu magacaabo Soma Oil and Gas Exploration LTD, www.somaoilandgas.com.

8/6/2013 6:28 AM EST
Talaado, August 06, 2013 (HOL) — Xili lagu gudo jiro maalmihii ugu bisha Ramadaan ugu dambeeyay, isla markaana jiraan qoysas danyar ah oo u baahan in la gargaaro, ayaa Ururka dhalinyarrada Gargaar waxaa uu kaalmo lacageed gaarsiiyay danyar ah oo ku dhibaateysan magaalada Baladweyne.

8/6/2013 2:38 AM EST
Talaado, August 06, 2013 (HOL) — Maamul-goboleedka Puntland ayaa ku dhawaaqay inay si rasmi ah u hakiyeen xiriirkii kala dhexeeyay dowaldda federaalka Soomaaliya, kaddib markii dowladda Somalia ay ku eedeeyeen inay ka shaqeynayso is-qabqasbi siyaasadeed.

8/6/2013 2:24 AM EST
Talaado, August 06, 2013 (HOL) — Maxkamada Gobolka Maroodi jeex, ayaa min toban sanno ilaa shan sanno ku xukuntay kow iyo labaatan dhalinyaro ah oo kufsi wadaradeed u gaystay laba hablood oo ku nool xaafadda New Hargeysa ee bariga magaaladda Hargeysa.

8/6/2013 2:16 AM EST
Talaado, August 06, 2013 (HOL) — Wadahadallo u dhexeeya maamulka Jubbaland ee uu hoggaaminayo, Sheekh Axmed Madoobe iyo dowladda federaalka Soomaaliya ayaa lagu wadaa inay ka furmaan magaalada Addis Ababa ee xarunta dalka Itoobiya.

8/6/2013 2:11 AM EST
Talaado, August 06, 2013 (HOL) — Xarakada Al-shabaab ayaa faahfaahin ka bixisay weerarro isugu jira qaraxyo, duqeymo iyo kuwo toos ah oo ay habeen ka hor la beegsatay magaalada Muqdisho iyo degmada Baydhabo ee gobolka Bay.