2/7/2023
Today from Hiiraan Online:  _
Wararka Maanta- Talaado, Aug 6 , 2013
Maamul goboleedka Puntland oo si rasmi ah u sheegay inuu hakiyay xiriirkii uu la lahaayeen Dowladda Federaalka Somalia


Talaado, August 06, 2013 (HOL) — Maamul-goboleedka Puntland ayaa ku dhawaaqay inay si rasmi ah u hakiyeen xiriirkii kala dhexeeyay dowaldda federaalka Soomaaliya, kaddib markii dowladda Somalia ay ku eedeeyeen inay ka shaqeynayso is-qabqasbi siyaasadeed.

Warsaxaafaded ay soo saartay Puntland ayaa lagu sheegay in tan iyo markii la dhisay Puntland 1998-kii ay wadashaqeyn wanaagsan kala dhexeysay dowladihii soo maray dalka, ayna qayb weyn ka qaadatay dhismaha dowladda federaalka ah ee hadda jirta, iyo sidii nabadda lagu gaarsiin lahaa dhammaan deegaannada ay colaaduhu ka jireen, balse dowladda hadda jirta fal-celintii dadaalkaas kama aysan soo bixin.

Dowladda federaalka ah ee cusub waxaa laga filayay nidaam ku dhisan hab federaal ah oo xisbiyada badan ku dhisan. Haseyeeshee tan iyo September 2012-kii markii la dhisay waxay dib ugu noqday colaadihii, barakicintii, qab-yaalad iyo kala fogaansho, is-qabqabsi  siyaadeed iyo iyadoo tixgalin la’aan iyo xad-gudubyo dhinac kasta ah ku sameysay dastuurka federaalka  ah ee Soomaaliya oo kan rasmiga ah ay saxiixayaashi Roadmap-ka iyo wakiilkii Qaramada Midoobay ku  saxiixeen Nairobi June 22, 2012. War saxaafadeedkii ka soo baxay Golaha Amaanka ee Qaramada  Midoobay ee July 25, 2012, wuxuu aqoonsaday dastuurka federaalka KMG ah ee rasmiga ah, waxaana ku qornayd (Inuu soo dhaweeyay hormarkii laga gaaray Road-map-ka iyo heshiisyada la xiriira, uuna ka mid  tahay heshiiskii June [2012] ee Nairobi Protocols iyo baahinta Dastuurka qabyada ah,” ayaa lagu yiri war-saxaafadeedka ay Puntland soo saartay.

Sidoo kale, Puntland waxay warkeeda ku sheegtay in iyadoo qiimaynaysa dib u heshiisiinta iyo dib u dhiska dalka ay sii waday wadahadaladii siyaasadeed ee ay la lahayd dowladda federaalka; waxayna Puntland soo dhawaysay baa lagu yiri rai’sul wasaaraha Soomaaliya, Cabdi Faarax Shirdoon oo safar ku tagay Garoowe (March 9-11, 2013) iyo safarkii madaxweynaha Soomaaliya, Xasan Sheekh Maxamud uu isna ku tagay Garowe (April 28-29, 2013).

Madaxweynaha Puntland, C/raxmaan Faroole ayaa sheeegay baa lagu yiri war-saxaafadeedka inuu qoraalo u diray madaxda dowladda Soomaaliya ee ku sugan Muqdisho iyo Qaramada Midoobay, isagoo cambaareeyay faragelin lagu sameeyay dastuurka dalka.

Ugu dambeyn, Puntland waxay eedeymo kala duwan u soo jeedisay dowladda Soomaaliya, mana jiro hadal kasoo baxay go’aanka maamulkan uu ku gaaray inuu xiriirkii uu la lahaa ku hakiyo dowladda oo kasoo baxya madaxda dowladda Soomaaliya.

HALKAN KA AKHRISO QODOBBADII AY PUNTLAND KU EEDEYSYA DFS

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/6/2013 3:41 PM EST
Talaado, August 06, 2013 (HOL) — Xidhibaanno ka tirsan baarlamaanka Puntland ayaa gellinkii dambe ee maanta gaaray magaalada Gaalkacyo ee xarunta gobolka Mudug, iyagoo sheegay in socdaalkooda uu ku saabsan yahay sidii ay wax uga ogaan lahaayeen dadka ku nool Puntland.

8/6/2013 3:19 PM EST
Talaado, August 06, 2013 (HOL) — Xarunta maamulka Puntland ee Garoowe waxaa maanta soo gaarey wefdi ballaaran oo ka socda wadanka Ingiriisa, kuwaasoo uu horkacayey safiirka cusub ee dalkaas u qaabilsan Soomaaliya Neil Wigan.

8/6/2013 3:00 PM EST
Talaado, August 06, 2013 (HOL) — Ra'iisul wasaarihii hore ee Soomaaliya Prof. C/weli Maxamed Cali Gaas ayaa maanta magaalada Addis Ababa ee xarunta dalka Itoobiya kaga dhawaaqay in uu yahay musharrax u taagan xilka madaxweynenimada ee Puntland.

8/6/2013 10:39 AM EST
Talaado, August 06, 2013 (HOL) — Madaxweynaha Somaliland, Mudane, Axmed Maxamed Maxamuud (Silaanyo), ayaa maanta si kadis ah kormeer shaqo ku soo maray Garoonka Diyaaradaha ee Egal international Airport ee magaaladda Hargeisa oo hada dhismihii Runway-gu uu gebegabo yahay.

8/6/2013 10:15 AM EST
Talaado, August 06, 2013 (HOL) — Kulan looga looga hadlay ammaanka iyo sidii ay wada-shaqeyni u dhexmari lahayd dhallinyarada Soomaaliyeed iyo hay'adaha ammaanka ayaa maanta lagu qabtay degmada Waaberi ee magaalada Muqdisho.

8/6/2013 10:02 AM EST
Talaado, August 06, 2013 (HOL) — Wasiiradda Caafimaadka iyo deegaanka oo booqday goobta Qashinka xoolaha la qalo ka soo hadho lagu shubo ee magaalada Hargeysa, ayaa ka qaybqaatay olole buufin ah oo lagu samaynayey goobaha lagu shubo qashinka xoolaha ka hadho oo ay ka dhasheen cayayaan fidin kara cudurada.

8/6/2013 10:00 AM EST
Talaado, August 06, 2013 (HOL) — Maalmihii u dambeeyay magaalada Hargeysa waxaa si weyn looga dareemayey dadweyne faro badan oo buux dhaafiyey suuqyadda waaweyn ee magaaladda Hargeysa.

8/6/2013 7:50 AM EST
Talaado, August 06, 2013 (HOL) — Maanta oo ay bishan Ogoosto ku beegan tahay lix ayaa waxaa buusamay sannadkii labaad oo Xarakada Al-shabaab ay isaga baxday magaalada Muqdisho ee xarunta Soomaaliya oo ay inteeda badan ka talinaysay muddo saddex sano ah, balse weli waxay Muqdisho ka geystaan falal isugu dilal qorsheysan, qaraxyo ismiidaamin ah iyo weerarro duqeyn ah.

8/6/2013 7:19 AM EST
Talaado, August 06, 2013 (HOL) — Kooxo hubeysan ayaa maanta ku toogtay isgoyska Siinaay guddoomiye ku xigeenkii degmada Wardhiigley, Maxamed Axmed Taako, iyagoo sidoo kale dhaawacay ruux ilaalo ahaa oo la socday.

8/6/2013 6:48 AM EST
Talaado, August 06, 2013 (HOL) — Wasaaradda khayraadka dalka Somalia ayaa ku dhawaaqday maanta inay heshiis la gashay sharikadda fadhigeedu yahay dalka Britain oo sahmisa shidaalka, taasoo lagu magacaabo Soma Oil and Gas Exploration LTD, www.somaoilandgas.com.

8/6/2013 6:28 AM EST
Talaado, August 06, 2013 (HOL) — Xili lagu gudo jiro maalmihii ugu bisha Ramadaan ugu dambeeyay, isla markaana jiraan qoysas danyar ah oo u baahan in la gargaaro, ayaa Ururka dhalinyarrada Gargaar waxaa uu kaalmo lacageed gaarsiiyay danyar ah oo ku dhibaateysan magaalada Baladweyne.

8/6/2013 2:24 AM EST
Talaado, August 06, 2013 (HOL) — Maxkamada Gobolka Maroodi jeex, ayaa min toban sanno ilaa shan sanno ku xukuntay kow iyo labaatan dhalinyaro ah oo kufsi wadaradeed u gaystay laba hablood oo ku nool xaafadda New Hargeysa ee bariga magaaladda Hargeysa.

8/6/2013 2:16 AM EST
Talaado, August 06, 2013 (HOL) — Wadahadallo u dhexeeya maamulka Jubbaland ee uu hoggaaminayo, Sheekh Axmed Madoobe iyo dowladda federaalka Soomaaliya ayaa lagu wadaa inay ka furmaan magaalada Addis Ababa ee xarunta dalka Itoobiya.

8/6/2013 2:11 AM EST
Talaado, August 06, 2013 (HOL) — Xarakada Al-shabaab ayaa faahfaahin ka bixisay weerarro isugu jira qaraxyo, duqeymo iyo kuwo toos ah oo ay habeen ka hor la beegsatay magaalada Muqdisho iyo degmada Baydhabo ee gobolka Bay.