1/30/2023
Today from Hiiraan Online:  _
Wararka Maanta- Isniin, Aug 5 , 2013
Dowladda Soomaaliya oo markii ugu Horreysay loosoo Tababaray ciidammo Booliis ah oo u Tababaran Sida Milateriga


Isniin, August 05, 2013 (HOL) — Dowladda Somalia ayaa loosoo tababaray markii ugu horreysay ciidammo booliis ah oo u tababaran sida mliateriga, kuwaasoo tiradoodu gaarayso 125-askari, waxayna tababarkan ku qaateen muddo afar bilood ah xerada milateriga Bihanga ee dalka Uganda.

Tababarkan ayaa dhaqaale ku bixisay Midowga Yurub iyadoo tababarkana ay bixinayeen saraakiil Yurubiyaan ah. Waxaana ciidamadan la baray howlaha milateriga iyo farsamooyin la xiriira isku xirka ciidamada iyo shacabka.

“Ciidamadan tababarka dhameystay waa kuwo loogu talogalay inay qayb ka qaataan soo celinta ammaanka guud ee Soomaaliya,” ayaa lagu yiri war ay soo saareen saraakiishii tababarkan siiyay ciidamada Soomaalida ah.

Soo xiritanka tabaarka ciidamadan ayaa waxaa goobjoog ka ahaa daniraha Soomaaliya u fadhiya dalka Uganda, Sayid Axmed Sheekh Daahir, iyadoo lagu wado in ciidamadan dib loogu soo celiyo Soomaaliya toddobaadyada soo socda.

“Waxa la idiin tababaray ma ahan oo keliya in la idiin qabto xafladdan aad ku qalin-jabinaysaan oo keliya, balse waa inaad dib ugu laabataan dalkii oo aad ka hortagtaan ammaan-darrada iyo la burburiyo hantida shacabka ka dhexeysa,” ayuu yiri dajire Sayid Axmed oo la hadlayay ciidamadan loosoo xiray tababarka.

Soomaaliya ayaa waxaa dalka Uganda loogu tababaray 3,400 oo askari oo ay ku jiraan kuwa hadda tababarka loosoo xiray, tan iyo markii Midowga Yurub uu billaabay inuu tababarro siiyo ciidamada Soomaalida sannadkii 2010.

“Markii Uganda ay billowday howlgalka waxay ku guuleysatay inay dalka ka saarto kooxihii nabadda kasoo horjeeday, ciidamadeeduna waxay dalka ku sugnaayeen muddo shan sano ah iyadoo aan mushaar qaadan, waxayna ka gaartay heer sare caawinta dalal kala duwan oo ay Soomaaliya ka mid tahay,” ayuu hadalkiisa ku daray danjiraha.

Sidoo kale, wuxuu ciidamada u sheegay in horumarka iyo nabadda dalka walba ay ku xiran tahay ciidamadiisu sida ay u shaqeeyaan, wuxuuna ku boorriyay ciidamadan tababarka soo dhameystay inay mujiyaan karti iyo dadaal dheeraad ah.

Sidoo kale, taliyaha ciidamada lugta ee dalka Ugtanda, Maj-Jen. David Muhozi, oo isaguna ka hadlay xiritaanka tababarkan ayaa shegay inuu ka mid yahay tababarrada ay saraakiisha Midowga Afrika ku siinayaan dalka Uganda inta aan tababarka loo wareejin Soomaaliya.

Ugu dambeyn waxaa goobta ka hadlay saraakiil ka socday Midowga Yurub oo sheegay in howlgalkan uu qayb ka yahay taageerada la siinayo Somalia si ay dib loogu soo celiyo ammaankii iyo kala dambeyntii muddo 22-sano ah kaddib.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/5/2013 1:44 PM EST
Isniin, August 05, 2013 (HOL) — Cismaan Xasan Cali (Caato) ayaa gellinkii dambe ee maanta oo Isniin ah ku geeriyooday magaalada Muqdisho, kaddib markii uu xalay lasoo gudboonaaday xanuun dhinaca wadnaha ah.

8/5/2013 1:26 PM EST
Isniin, August 05, 2013(HOL) :- Waxaa manata garoonka diyaaradaha Kismaayo kasoo dagtay diyaarad siday ku dhawaad ilaa 50 askari oo kamid ah dhaawacyadii ku waxyeeloobay dagaalladii dhawaan ka dhacay magaalada Kismaayo.

8/5/2013 1:08 PM EST
Isniin, August 05, 2013(HOL) :- Wafdi uu hogaaminayo madaxweeyne ku xigeenka maamulka Jubbaland Jen C/laahi Sheekh Ismaaciil Fartaag ayaa maanta ka duulay garoonka diyaaradaha magaalada Kismaayo, iyadoona wafdiga uu kusii jeedo magaalada Adisababa ee dalka Itoobiya.

8/5/2013 1:01 PM EST
Isniin, August 05, 2013(HOL) :- Madaxweeynaha maamulka goboleedka Jubbaland Sheekh Axmed Max’ed Islaam Axmed Madoobe oo maanta shir jaraa’id ku qabtay gudaha garoonka diyaaradaha magaalada Kismaayo ayaa ka warbixiyay halka ay marayaan wadahadalladii u dhexeeyay dowladda Soomaaliya....

8/5/2013 9:18 AM EST
Isniin, August 05, 2013 (HOL) — Olole nadaafadeed oo lagu hagaajinayo bilicda magaalada Buuhoodle ayaa maanta laga billaabay degmadaas iyadoo loogu diyaargaroobayo nadaafaddan maamaha ciidda ee ee inagu soo fool leh.

8/5/2013 8:57 AM EST
Wasiiradda arrimaha dibada ee Kenya Aamina Maxamed oo ka qaybgashay shirka qaar kamid ah hogaamiyayaasha gobolku ay ku yeesheen dalka Uganda ayaa sheegtay in eedaymaha loo soo jeedinayo dalkeeda oo ah inay ku lug yeesheen siyaasada arrimaha ee gobollada Jubbooyinka in ay tahay mid aan wax u taraynin hannaanka lagu doonayo in Soomaaliya xasiloonida loogu soo celiyo.

8/5/2013 8:57 AM EST
Isniin, August 05, 2013 (HOL) — Shir ka dhacay madaxtooyada Sooamaliya shalay oo Axada ahayd ayna isugu yimaadeen xoghayaha golaha wasiirrada iyo baarlamaanka, Calas Maxamuud Jaamac (Juge), agaasimayaasha guud ee wasaradaha dowladda, guddiga madaxa-bannaan ee xaqiiqa raadinta tacadiyada xuquuqal insaanka (Human Rights Task Force) iyo danjiraha Soomaaliya ee xafiiska Qaramada Midoobay ee Geneva, Yuusuf Maxamed Ismaaciil (Bari-Bari) ayaa looga hadlay xaaladda xuquuqul aadanaah ee Soomaaliya .

8/5/2013 5:43 AM EST
Isniin, August 05, 2013 (HOL) —Maxkamada ciidamada qalabka sida dowladda federaalka Soomaaliya ayaa maanta xukun dil ah ku fullisay gacan ku dhiiglihii ka dambeeyay dilkii guddoomiyihiin golaha odayaasha dhaqanka gobolka Hiiraan, Sheekh Maxamed Xuseen Maryacde.

8/5/2013 5:41 AM EST
Isniin, August 05, 2013 (HOL) — Siminnaar ku saabsan dhowridda xuquuqda haweenka iyo carruurta Soomaaliyeed iyo sida xadgudubyada loo geysto loo yareyn lahaa ayaa waxaa loosoo gabgabeeyay xildhibaanno ka tirsan golaha baarlamaanka Soomaaliya oo ay ku jiraan mas’uuliyiinta guddiyada joogtada ah ee baarlamaanka iyo xubno kale oo horay xilal uga soo qabtay dalka.

8/5/2013 3:47 AM EST
Isniin, August 05, 2013 (HOL) — Taliyaha booliiska Somalia, Jen. C/xakiin Daahir Saciid ayaa sheegy in amni-darada ka jirta magaalada Muqdisho ay ku lug leeyihiin siyaasiyiin raadinaya mansab, wuxuuna xusay inay dadaal ugu jiraan sidii ay ammaanka caasimadda ku sugi lahaayeen.

8/5/2013 3:45 AM EST
Isniin, August 05, 2013 (HOL) — Xoogag taabacsan Xarakada Al-shahaab ayaa xalay dagaal culus ku qaaday degmada Baydhabo ee xarunta gobolka Bay, dagaalkaas oo socday muddo saacado ah.

8/5/2013 2:50 AM EST
Isniin, Agoosto 05, 2013 (HOL) - Keith Ellison oo ah xildhibaan ka tirsan aqalka sharci dejinta Congress ee dalka Mareykanka ayaa soo dhaweeyay musharraxa Soomaaliyeed ee Cabdi Warsame oo u tartamaya golaha deegaanka magaaladda Minneapolis ee gobolka Minnesota, isagoo u sheegay inuu ugu deeqayo taageeradiisa, isla markaana ka qeyb galayo isku soo baxyada ololihiisa.