1/30/2023
Today from Hiiraan Online:  _
Wararka Maanta- Isniin, Aug 5 , 2013
Xildhibaan Keith Ellison oo taageeray ololaha Doorashada Murashaxa Cabdi Warsame ee Golaha Deegaanka Minneapolis


Musharax Cabdi Warsame iyo Xildhibaan Keith Ellison


Isniin, Agoosto 05, 2013 (HOL) - Keith Ellison oo ah xildhibaan ka tirsan aqalka sharci dejinta Congress ee dalka Mareykanka ayaa soo dhaweeyay musharraxa Soomaaliyeed ee Cabdi Warsame oo u tartamaya golaha deegaanka magaaladda Minneapolis ee gobolka Minnesota, isagoo u sheegay inuu ugu deeqayo taageeradiisa, isla markaana ka qeyb galayo isku soo baxyada ololihiisa.

“Waxaan nahay isku xisbi, isku mowqif iyo aragtid, sidaa daraadeed waxaan kugu taageeri doonaa wixii aan awood u leeyahay” ayuu Congressman Keith Ellison ku yiri Cabdi Warsame, isagoo intaas u raaciyay “Guushaadu waxay ii leedahay farxad gooni ah, waana ka gudbi doonnaa caqabadaha ina wada heysta”

Kulankan ay wada qaateen Ellison iyo Warsame ayay diiradda ku saareen sida ay uga wada shaqeyn doonaan dhinacyada ammaanka, dhaqaalaha, guryeynta iyo shaqo abuurista .

“Taageeradaadu ahmiyad weyn ayay u leedahay qoomiyadda aan ka soo jeeda ee Soomaaliyeed iyo guud ahaan dadka bariga Africa iyo gaar ahaan deegaanka 6-aad ee aan u tartamayo, waana kaaga mahadcelinayaa sidaas ii taageertay” ayuu cabdi Warsame ugu mahadceliiyay Congressman  Ellison.

“Waxaan ahay isbedel doon, waxaana I dhaqaajiya baahida deegaanka aan u tartamayo ee ward 6” ayuu Warsame sii raaciyay

Xubanaha kale ee taageeray ololaha musharraxa Cabdi Warsame waxaa ka mid ah, Phyllis Kahn oo ah wakiilka degmada 60B ee gobolka Minnesota, Kari Dziedzik (60),  John Erwin iyo Scott Vreeland.

“Ward 6 waxay fursad u heysataa inay doorato Cabdi Warsame oo ah nin leh xirfad wanaagsan iyo aqli, kaas oo aragtiduusana dheertay, waana sababta qarnigan 21-aad Minneapolis ugu baahantahay in si dhab ah u hesho Cabdi oo kale” ayuu yiri siyaasiga Phyllis Kahn.

Keith Ellison waa shaqsigii ugu horeeyay ee Muslim ah oo loo doortay congreeska Mareykan, sidoo kale waa shaqsigii ugu horeeyay oo asalkiisu African yahay noqday congressman laga soo doorto Minnesota

Faarax Blue,  Hiiraan Online,
[email protected]
Minneapolis, Minnesot













Click here
8/5/2013 1:44 PM EST
Isniin, August 05, 2013 (HOL) — Cismaan Xasan Cali (Caato) ayaa gellinkii dambe ee maanta oo Isniin ah ku geeriyooday magaalada Muqdisho, kaddib markii uu xalay lasoo gudboonaaday xanuun dhinaca wadnaha ah.

8/5/2013 1:26 PM EST
Isniin, August 05, 2013(HOL) :- Waxaa manata garoonka diyaaradaha Kismaayo kasoo dagtay diyaarad siday ku dhawaad ilaa 50 askari oo kamid ah dhaawacyadii ku waxyeeloobay dagaalladii dhawaan ka dhacay magaalada Kismaayo.

8/5/2013 1:08 PM EST
Isniin, August 05, 2013(HOL) :- Wafdi uu hogaaminayo madaxweeyne ku xigeenka maamulka Jubbaland Jen C/laahi Sheekh Ismaaciil Fartaag ayaa maanta ka duulay garoonka diyaaradaha magaalada Kismaayo, iyadoona wafdiga uu kusii jeedo magaalada Adisababa ee dalka Itoobiya.

8/5/2013 1:01 PM EST
Isniin, August 05, 2013(HOL) :- Madaxweeynaha maamulka goboleedka Jubbaland Sheekh Axmed Max’ed Islaam Axmed Madoobe oo maanta shir jaraa’id ku qabtay gudaha garoonka diyaaradaha magaalada Kismaayo ayaa ka warbixiyay halka ay marayaan wadahadalladii u dhexeeyay dowladda Soomaaliya....

8/5/2013 9:18 AM EST
Isniin, August 05, 2013 (HOL) — Olole nadaafadeed oo lagu hagaajinayo bilicda magaalada Buuhoodle ayaa maanta laga billaabay degmadaas iyadoo loogu diyaargaroobayo nadaafaddan maamaha ciidda ee ee inagu soo fool leh.

8/5/2013 8:57 AM EST
Wasiiradda arrimaha dibada ee Kenya Aamina Maxamed oo ka qaybgashay shirka qaar kamid ah hogaamiyayaasha gobolku ay ku yeesheen dalka Uganda ayaa sheegtay in eedaymaha loo soo jeedinayo dalkeeda oo ah inay ku lug yeesheen siyaasada arrimaha ee gobollada Jubbooyinka in ay tahay mid aan wax u taraynin hannaanka lagu doonayo in Soomaaliya xasiloonida loogu soo celiyo.

8/5/2013 8:57 AM EST
Isniin, August 05, 2013 (HOL) — Shir ka dhacay madaxtooyada Sooamaliya shalay oo Axada ahayd ayna isugu yimaadeen xoghayaha golaha wasiirrada iyo baarlamaanka, Calas Maxamuud Jaamac (Juge), agaasimayaasha guud ee wasaradaha dowladda, guddiga madaxa-bannaan ee xaqiiqa raadinta tacadiyada xuquuqal insaanka (Human Rights Task Force) iyo danjiraha Soomaaliya ee xafiiska Qaramada Midoobay ee Geneva, Yuusuf Maxamed Ismaaciil (Bari-Bari) ayaa looga hadlay xaaladda xuquuqul aadanaah ee Soomaaliya .

8/5/2013 8:18 AM EST
Isniin, August 05, 2013 (HOL) — Dowladda Somalia ayaa loosoo tababaray markii ugu horreysay ciidammo booliis ah oo u tababaran sida mliateriga, kuwaasoo tiradoodu gaarayso 125-askari, waxayna tababarkan ku qaateen muddo afar bilood ah xerada milateriga Bihanga ee dalka Uganda.

8/5/2013 5:43 AM EST
Isniin, August 05, 2013 (HOL) —Maxkamada ciidamada qalabka sida dowladda federaalka Soomaaliya ayaa maanta xukun dil ah ku fullisay gacan ku dhiiglihii ka dambeeyay dilkii guddoomiyihiin golaha odayaasha dhaqanka gobolka Hiiraan, Sheekh Maxamed Xuseen Maryacde.

8/5/2013 5:41 AM EST
Isniin, August 05, 2013 (HOL) — Siminnaar ku saabsan dhowridda xuquuqda haweenka iyo carruurta Soomaaliyeed iyo sida xadgudubyada loo geysto loo yareyn lahaa ayaa waxaa loosoo gabgabeeyay xildhibaanno ka tirsan golaha baarlamaanka Soomaaliya oo ay ku jiraan mas’uuliyiinta guddiyada joogtada ah ee baarlamaanka iyo xubno kale oo horay xilal uga soo qabtay dalka.

8/5/2013 3:47 AM EST
Isniin, August 05, 2013 (HOL) — Taliyaha booliiska Somalia, Jen. C/xakiin Daahir Saciid ayaa sheegy in amni-darada ka jirta magaalada Muqdisho ay ku lug leeyihiin siyaasiyiin raadinaya mansab, wuxuuna xusay inay dadaal ugu jiraan sidii ay ammaanka caasimadda ku sugi lahaayeen.

8/5/2013 3:45 AM EST
Isniin, August 05, 2013 (HOL) — Xoogag taabacsan Xarakada Al-shahaab ayaa xalay dagaal culus ku qaaday degmada Baydhabo ee xarunta gobolka Bay, dagaalkaas oo socday muddo saacado ah.