1/30/2023
Today from Hiiraan Online:  _
Wararka Maanta- Axad, Aug 4 , 2013
Hoggaamiyeyaasha Muslimiinta Kenya oo Taageeray Go'aankii ay Dawladda Britain ku Mamnuucday Qaadka loo Dhoofiyo
PHOTO | FILE Led by Garissa Branch Supkem Chairman Sheikh Abdullahi Salat, Muslim leaders in Northern Kenya supported the UK decision in locking out Miraa traders and urged the Kenyan government to follow suit.

Axad, August 04, 2013 (HOL) - Qaar kamid ah hogaamiyayaasha muslimiinta dalka Kenya ayaa si cad u taageeray tallaabadii ay dawlada Britain ku mamnuucday qaadka oo lagu tilmaamay in amniga Britain uu wax u dhimayo.

Wasiiradda arrimaha gudaha ee dalkaasi Britain Tharesa May oo go’aankaasi qaadatay ayaa la filayaa inuu dhaqangalo marka la horgeeyo aqalka baarlamaanka ee dalka Britain.

Inkastoo dawlada Kenya oo balaayiin lacag ah ay uga soo xarooto qaadka oo kamid ah meelaha ay lacagta adagi kasoo gasho sannad waliba ay isku dayaysay inay arrinkaas kala hadasho dawlada Britain six al looga gaaro ayaa haddana waddanka Kenya gudihiisa ay kasoo baxayaan codad lagu taageerayo go’aankaas.

Waxaase maalmihii u dambeeyay soo baxayay in qaar ka tirsan xildhibaanada Soomaalida ah ee ku jira baarlamaanka dalka Kenya ay taageero u muujiyeen tallaabada ay qaadatay dawlada Britain.

Waxaana haatan ku soo biiray golaha sare ee ay leeyihiin muslimiinta dalka Kenya oo taageeray in qaadka Britain ay joojiso, iyagoo dawladda Kenyana ugu baaqay inay ku dayato tallaabadaas oo ay qaadka ka mamnuucdo cunidiisa iyo beeritaankiisaba dalka Kenya.

Guddoomiyaha golaha sare ee muslimiinta Kenya ee magaalada Gaarisa Sheikh Cabdullaahi Salaad ayaa sheegay in Britain ay qaaday tallaabo loo baahnaa Kenyana ay mudantahay inay kaga dayato.

Waxaana sheekhu uu sheegay in qaadku u horseeday dhalinyarada deegaanka inay shaqaysan waayaan ayna ku dhaqaaqaan falal aan wanaagsanayn oo mustaqbalkooda wax u dhimaya.

“Qaadku ma ahan oo kaliya daroogo ee wuxuu sababaa burburka qoysaska, caruurta oo iskuulka ka baxda iyo dhalinyarada oo uu ka hor istaago inay shaqaystaan” sidaa waxaa yiri Gudoomiyaha golaha sare ee muslimiinta Kenya ee magaalada Gaarisa Sheikh Cabdullaahi Salaad.

Qiyaas ganacsi oo la sameeyay ayaa muujinaysa in dadka ku nool magaalaga Gaarisa kaliya ay kaga baxdo lacag dhan Sh4.32 billion oo shilinka Kenya ah sannadkii, taasoo dhaawac lixaad leh gaarsiisa dhaqaalaha dadweynaha magaalada Gaarissa oo markii horeba ahaa kan ugu liita marka loo barbar dhigo gobollada kale ee dalka Kenya.

Go’aanka dowladda Britain ay ku joojinayso qaadka oo kala qaybsanaan xagga aragtida ku keenay siyaasiyiinta Kenya iyo dadweynaha caadiga ahba ayaa Todobaadkii lasoo dhaafay waxaa safaaradda Britain ay ku leedahay magaalada Nairobi horteeda dibad baxyo ka sameeyay beeraleyda deegaanka Meru oo qaadku ka baxo, iyagoo ay weheliyaan xildhibaanada deegaankooda iyo waliba duqa magaalada Meru Peter Munya.

Waxaana Peter Munya oo la hadlay warbaahinta uu digniin u diray dawlada Britain isagoo ku hanjabay in xiriirka Kenya iyo Britain uu xumaan doono hadii la dhaqangaliyo go’aanka lagu mamnuucayo qaadka.

Qaadka oo kamid ah mukhaadaraadka ugu awooda badan ee la isticmaalo ayaa haddana dhibaatada ugu wayn ee uu keeno ay tahay wakhtiga faraha badan ee loo fadhiyo, taasoo inta badan keenta in dadka isticmaalaa ay illoobaan danahooda muhiimka ah, dhaxalsiisana qoys burbur, dhaqaale burbur iyo waliba caafimaad darrooyin kale oo ay kamid tahay qabsimada oo xirma iyo ilkaha oo qofka ka dhammaada.

Waxaana qaadka horay tijaabooyin xagga caafimaadka ka qaaday wadamo badan oo reer galbeed ah kuwaasoo markii dambe mamnuucay markii ay ogaadeen halista uu keeni karo nolosha aadamaha.

Soomaalida ayaa kamid ah bulshooyinka ugu qaad cunka badan caalamka, taasoo keentay in looga daba-dhoofiyo wadamada ay u dhoofeen ee Galbeed qaarada Yurub, Waqooyiga America iyo Australia kadib markii ay ka qaxeen dagaalladii sokeeye ee Soomaaliya ka qarxay 1991-kii.

Axmed C/samad, Hiiraan Online
[email protected]
Nairobi , Kenya













Click here
8/4/2013 6:27 PM EST
Isniin, August 5, 2013—Shirkii ka socday Magaalada Kampala ee ay lahaayeen waddama ay Ciidamada ka joogaan Soomaaliya iyo dowladaha Soomaaliya iyo Itoobiya ayaa la soo gebagebeeyay, iyadoo ay shirkana laga soo soo saaray War-Murtiyeed ka kooban 39 qodob, kaasi oo aan idiin soo koobnay qodobbadiisa.

8/4/2013 4:24 PM EST
Axad, August 04, 2013 (HOL) — Ugu yaraan labaatmaeeyo qarax ayaa caawa siyaabo kala duwan uga dhacay degmooyin ka tirsan gobolka Banaadir, kuwaasoo geystay khasaare inta la hubo dhaawacyo ah, waxaana qaraxyadn qaarkood lagu weeraray saldhigyo ay ku sugnaayeen ciidammo ka tirsan kuwa dowladda Soomaaliya.

8/4/2013 4:06 PM EST
Prof. Cabdi Ismaaciil Samatar ayaa faahfaahin ka bixiyey mowqifkiisa ku aadan xisbiga HIIL QARAN iyo taariikhda Soomaaliya iyo Somaliland isaga oo jooga dalka Koofur Afrika

8/4/2013 2:59 PM EST
Axad, August 04, 2013 (HOL) — Shirkii madaxda dalalka ay ciidamadu ka joogaan Soomaaliya ayaa caawa fiidkii lagu soo gabgabeeyay magaalada Kamapla ee xarunta dalka Uganda, waxaana laga soo saaray war-murtiyeed.

8/4/2013 2:40 PM EST
Axad, August 04, 2013 (HOL) — Guddi Salaadin ah oo isku xil saartay inay isku soo dhowaynayaan golaha wadatashiga iyo toosinta oo dhowaan Hargeysa lagaga dhowaaqay iyo xukuumadda Somaliland, ayaa sheegay in waanwaantii ay wadeen ay ku diideen golahaasi, isla markaana golahaasi sharci daro yahay.

8/4/2013 10:41 AM EST
Axad, August 04, 2013 (HOL) — Madaxweynaha Soomaaliya, Xasan Sheekh Maxamud ayaa kula kulmay Kampala madaxweynaha Kenya, madaxweanha Uganda, iyo ra’iisul wasaaraha Itoobiya ka hor shirkii madaxda waddamada ay ciidamada ka joogaan Soomaaliya oo ka furmay Uganda.

8/4/2013 10:27 AM EST
Axad, August 04, 2013 (HOL) — Madaxii warfaafinta ururkii burburay ee Xisbul Islaam, Sheekh Maxamed Macallin ayaa dowladda Soomaaliya ugu baaqay inay sii dayso Sheekh Xasan Daahir, isagoo sheegay in xaaladdiisa caafimaad ay tahay mid aad u wanaagsan.

8/4/2013 10:22 AM EST
Axad, August 04, 2013 (HOL) — Hay’adda Daryeel Bulsho Guud ee (DBG) ayaa maanta ku wareejisay saddex iskuul oo dayactir ku sameysay xubno ka socda waaxda caafimaadka ee wasaaradda ururro ka shaqeeya iskuullada.

8/4/2013 10:07 AM EST
Axad, August 04, 2013 (HOL) — Xili siweyn guud ahaan muslimiinta ku dhaqan dunida gaar ahaan Soomaaliya u dyaar-garoobayaan munaasabada Ciiddul-fidriga oo maalmo kooban uu ka dhiman yihin, ayuu ugu baaqay guddoomiyaha maamulka gobolka Hiiraan Cabdi Faarax Laqanyo in dadka wax heysta caawiyaan walaalahooda kale ee danyarta ah si ay uga qeyb-qaataan farxada maalinta Ciidda.

8/4/2013 8:52 AM EST
Axad, August 04, 2013 (HOL) — Wariye Mascuud Cabdullaahi Aadan oo ahaa wakiil wareedkii Radio Dalsan ee Magaalada Kismaayo ayaa maanta loo diiday inuu u safro magaalada Nairobi ee dalka Kenya halkaasoo loogu waday in looga qalo dhabarka oo ay xabbadi uga jirto.

8/4/2013 8:52 AM EST
Axad, August 04, 2013 (HOL) — Ururka horumarinta dhallinyarada ee SYP ayaa maanta ku qabtay Muqdisho dood-cilmiyeed ku qabatay looga hadlayay sida mashaa'ikhda Soomaaliyeed ay ugu hoggaamin lahaayeen dadka faham wanaagsan oo dhinaca diinta ah.

8/4/2013 7:29 AM EST
Axad, August 04, 2013(HOL) :- Xilli lagu guda jiro bisha barakaysan ee Ramadaan ayaa dadka naafada ah ee ku nool dagmada Luuq ee Gobolka Gedo ayaa markii ugu horeysay waxaa deeq lacageeed u qeybiyey Ururka Samafalka Wadaniga ah ee Somali Disables Development Innitiative link(SODDIL)ee fadhigiisu uu yahay degmadaasi,xiili naafada ku dhaqan degmadaasi mudooyinkii ugu dambeeyey ay ka cabanayaan xaalad nolol xumo iyo shaqo la,aan.

8/4/2013 6:51 AM EST
Axad, August 04, 2013 (HOL) — Xilli maalmo yar ay ka harsanyihiin munaasibadda ciidda barakeeysan ee ciidul fitriga ayaa waxaa diyaargarow ku aadan munaasibaddaasi laga dareemayaa suuqyada waaweyn ee magaalada Kismaayo.

8/4/2013 3:28 AM EST
Axad, August 04, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa xalay kulan looga hadlayay ammaanka la yeeshay wasiirro iyo taliyeyaasha ciidamada dowadda, isagoo xalay kormeer ku sameeya isgoysyada magaalada Muqdisho qaarkood.

8/4/2013 3:12 AM EST
Axad, August 04, 2013 (HOL) — Madaxweynaha Soomaaliya, Xasan Sheekh Maxamud ayaa xalay kulan dheer la qaatay dhiiggiisa dalka Uganda, Yoweri Museveni, iyadoo kulankan oo ka dhacay xarunta madaxtooyada Uganda ay kaga hadleen arrimo badan.