1/28/2023
Today from Hiiraan Online:  _
Wararka Maanta- Axad, Aug 4 , 2013
Waaxda Socdaalka dowladda Somalia oo Maanta is-hortaag ku sameysay in Wariye Mascuud loo duuliyo Kenya si loogu soo daweeyo


Axad, August 04, 2013 (HOL) — Wariye Mascuud Cabdullaahi Aadan oo ahaa wakiil wareedkii Radio Dalsan ee Magaalada Kismaayo ayaa maanta loo diiday inuu u safro magaalada Nairobi ee dalka Kenya halkaasoo loogu waday in looga qalo dhabarka oo ay xabbadi uga jirto.

Mascuud ayaa waxaa la rajaynayay in laga ambabixiyo garoonka Adan Adde ee Muqdisho, balse waxaa is-hortaag ku sameeyay waaxda socdaalka iyo jinsiyadaha dowladda Soomaaliya oo sheegtay in wariyaha dhaawaca ah uusan wadan warqad ka socota wasaaradda warfaafinta Soomaaliya.

Arrintan ayaa waxay dhibaato iyo walwal hor leh ku beertay wariye Mascuud Cabdulaahi oo xaaladdiisa caafimaad ay aheyd mid aad u liidata maadaama wali qaybo ka mid ah jirkiisa ay ku jiraan rasaastii kula soo dhacday Kismaayo.

Wariye Mascuud ayaa waxaa u dhameystirnaa dhamaan dukumiintiyadii socdaal ee looga baahaa iyo kuwii muujinayya inuu ahaa wariye ka tirsan idaacadda Dalsan ee Muqdisho iyo inuu yahay muwaadin Soomaaliyeed oo u socda safar caafimaad.

Agaasimaha Radio Dalsan Xasan Cali Geesey ayaa cambaareeyay tlalaabada Mascuud looga hakiyey safarkiisa caafimaad ee uu ugu socday Nairobi, kaas oo muddo laga shaqeynayay.

"Waxaa aad nooga yaabiyay wariye xabbadi ku jirto qaybo jirkiisa ah oo wax looga qaban-waayay xaaladdiisa caafimaad gudaha isla markaana haysta wax walba oo looga baahnaa inuu ku safro sababta loogu xujeeyay inuu ka keensado warqad wasaaradda warfaafinta, waayo wariyuhu waa wariye ka howlgala idaacad madax-banaan, qof walbaa oo muwaadin ah oo dalka wax looga qaban waaya ayaana safri kara ," ayuu yiri Xasan Geeseey.

Maamulka Radio Dalsan ayaa dowladda ugu baaqay in arrintaas baaris lagu sameeyo, waxaana mas'uuliyadda wax walba oo Mascuud ku yimaada qaadi doono buu yiri ciddii ka celisay in loo qaado isbitaalka lagu qali lahaa.

Wariye Mascuud ayaa 17 bishii hore ee July wuxuu ku dhaawacmay xarunta goblka Jubbada Hoose ee Kismaayo, kaddib markii ay rasaas ku fureen ciidammo ka tirsan kuwa Raaskambooniyiinta xili uu soo tabinayay qarax lagu weeraray ciidamada Kenya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/4/2013 6:27 PM EST
Isniin, August 5, 2013—Shirkii ka socday Magaalada Kampala ee ay lahaayeen waddama ay Ciidamada ka joogaan Soomaaliya iyo dowladaha Soomaaliya iyo Itoobiya ayaa la soo gebagebeeyay, iyadoo ay shirkana laga soo soo saaray War-Murtiyeed ka kooban 39 qodob, kaasi oo aan idiin soo koobnay qodobbadiisa.

8/4/2013 4:24 PM EST
Axad, August 04, 2013 (HOL) — Ugu yaraan labaatmaeeyo qarax ayaa caawa siyaabo kala duwan uga dhacay degmooyin ka tirsan gobolka Banaadir, kuwaasoo geystay khasaare inta la hubo dhaawacyo ah, waxaana qaraxyadn qaarkood lagu weeraray saldhigyo ay ku sugnaayeen ciidammo ka tirsan kuwa dowladda Soomaaliya.

8/4/2013 4:06 PM EST
Prof. Cabdi Ismaaciil Samatar ayaa faahfaahin ka bixiyey mowqifkiisa ku aadan xisbiga HIIL QARAN iyo taariikhda Soomaaliya iyo Somaliland isaga oo jooga dalka Koofur Afrika

8/4/2013 2:59 PM EST
Axad, August 04, 2013 (HOL) — Shirkii madaxda dalalka ay ciidamadu ka joogaan Soomaaliya ayaa caawa fiidkii lagu soo gabgabeeyay magaalada Kamapla ee xarunta dalka Uganda, waxaana laga soo saaray war-murtiyeed.

8/4/2013 2:40 PM EST
Axad, August 04, 2013 (HOL) — Guddi Salaadin ah oo isku xil saartay inay isku soo dhowaynayaan golaha wadatashiga iyo toosinta oo dhowaan Hargeysa lagaga dhowaaqay iyo xukuumadda Somaliland, ayaa sheegay in waanwaantii ay wadeen ay ku diideen golahaasi, isla markaana golahaasi sharci daro yahay.

8/4/2013 10:41 AM EST
Axad, August 04, 2013 (HOL) — Madaxweynaha Soomaaliya, Xasan Sheekh Maxamud ayaa kula kulmay Kampala madaxweynaha Kenya, madaxweanha Uganda, iyo ra’iisul wasaaraha Itoobiya ka hor shirkii madaxda waddamada ay ciidamada ka joogaan Soomaaliya oo ka furmay Uganda.

8/4/2013 10:27 AM EST
Axad, August 04, 2013 (HOL) — Madaxii warfaafinta ururkii burburay ee Xisbul Islaam, Sheekh Maxamed Macallin ayaa dowladda Soomaaliya ugu baaqay inay sii dayso Sheekh Xasan Daahir, isagoo sheegay in xaaladdiisa caafimaad ay tahay mid aad u wanaagsan.

8/4/2013 10:22 AM EST
Axad, August 04, 2013 (HOL) — Hay’adda Daryeel Bulsho Guud ee (DBG) ayaa maanta ku wareejisay saddex iskuul oo dayactir ku sameysay xubno ka socda waaxda caafimaadka ee wasaaradda ururro ka shaqeeya iskuullada.

8/4/2013 10:07 AM EST
Axad, August 04, 2013 (HOL) — Xili siweyn guud ahaan muslimiinta ku dhaqan dunida gaar ahaan Soomaaliya u dyaar-garoobayaan munaasabada Ciiddul-fidriga oo maalmo kooban uu ka dhiman yihin, ayuu ugu baaqay guddoomiyaha maamulka gobolka Hiiraan Cabdi Faarax Laqanyo in dadka wax heysta caawiyaan walaalahooda kale ee danyarta ah si ay uga qeyb-qaataan farxada maalinta Ciidda.

8/4/2013 10:02 AM EST
Axad, August 04, 2013 (HOL) - Qaar kamid ah hogaamiyayaasha muslimiinta dalka Kenya ayaa si cad u taageeray tallaabadii ay dawlada Britain ku mamnuucday qaadka oo lagu tilmaamay in amniga Britain uu wax u dhimayo.

8/4/2013 8:52 AM EST
Axad, August 04, 2013 (HOL) — Ururka horumarinta dhallinyarada ee SYP ayaa maanta ku qabtay Muqdisho dood-cilmiyeed ku qabatay looga hadlayay sida mashaa'ikhda Soomaaliyeed ay ugu hoggaamin lahaayeen dadka faham wanaagsan oo dhinaca diinta ah.

8/4/2013 7:29 AM EST
Axad, August 04, 2013(HOL) :- Xilli lagu guda jiro bisha barakaysan ee Ramadaan ayaa dadka naafada ah ee ku nool dagmada Luuq ee Gobolka Gedo ayaa markii ugu horeysay waxaa deeq lacageeed u qeybiyey Ururka Samafalka Wadaniga ah ee Somali Disables Development Innitiative link(SODDIL)ee fadhigiisu uu yahay degmadaasi,xiili naafada ku dhaqan degmadaasi mudooyinkii ugu dambeeyey ay ka cabanayaan xaalad nolol xumo iyo shaqo la,aan.

8/4/2013 6:51 AM EST
Axad, August 04, 2013 (HOL) — Xilli maalmo yar ay ka harsanyihiin munaasibadda ciidda barakeeysan ee ciidul fitriga ayaa waxaa diyaargarow ku aadan munaasibaddaasi laga dareemayaa suuqyada waaweyn ee magaalada Kismaayo.

8/4/2013 3:28 AM EST
Axad, August 04, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa xalay kulan looga hadlayay ammaanka la yeeshay wasiirro iyo taliyeyaasha ciidamada dowadda, isagoo xalay kormeer ku sameeya isgoysyada magaalada Muqdisho qaarkood.

8/4/2013 3:12 AM EST
Axad, August 04, 2013 (HOL) — Madaxweynaha Soomaaliya, Xasan Sheekh Maxamud ayaa xalay kulan dheer la qaatay dhiiggiisa dalka Uganda, Yoweri Museveni, iyadoo kulankan oo ka dhacay xarunta madaxtooyada Uganda ay kaga hadleen arrimo badan.