2/7/2023
Today from Hiiraan Online:  _
Wararka Maanta- Axad, Aug 4 , 2013
Ururka dhallinyarada ee SYP oo dood ku saabsan Wacyi-gelinta bulshada ku qabtay Magaalada Muqdisho (SAWIRRO)


Axad, August 04, 2013 (HOL) — Ururka horumarinta dhallinyarada ee SYP ayaa maanta ku qabtay Muqdisho dood-cilmiyeed ku qabatay looga hadlayay sida mashaa'ikhda Soomaaliyeed ay ugu hoggaamin lahaayeen dadka faham wanaagsan oo dhinaca diinta ah.

Dooddan ayaa waxaa ka qayb-galay culumaa'uddiin iyo dhallinyaro, iyadoo ururka uu ka dhawaajiyay in dhallinyarada ay yihiin kuwo dhibka geysta, loona geysta, isla markaana ay lagama maarmaan tahay in lagu hoggaamiyo waddada saxda ah.

"Ururkan wuxuu u taagan yahay horumarinta dhallinyarada Soomaaliyeed iyo sidii wax loogu qaban lahaa marin habaabinta la marin habaariyay. markii uu dhib dhaco culummo ayaa loo yeeraa, daawada dadka iyo dalkuna waxay ku jirtaa culummada maadaama aan islaam nahay," ayuu yiri Abshir Axmed Black oo ah guddoomiyaha SYP.

Abshir Black ayaa sheegay in culumada Soomaaliyed looga baahan yahay in dhallinyarada ay fahamsiiso fahamka saxda ee diinta, isagoo xusay inay jiraan dhallinyaro badan oo Soomaaliyeed oo la dhibaateeyay, aqligiina laga xaday, iyadoo loo isticmaalayo dan gaar ah.

"Dhallinyarada Soomaaliyeed waxay noqdeen qaar maskaxdii laga xaday oo loo adeegsaday dano gaar ah, qaar dhibaato loo geystay mar walba si aan habbooneynna ku dhinta, culumada waxaa laga doonayaa in dhalinyaradaas ay wacyi-geliyaan, fikradihii lagu shubay ee qaldanaana laga dhaqo," ayuu Abashir Black hadalkiisa ku daray.

Sheekh Maxamed Sheekh C/llaahi Caddow oo isna kulanka ka hadlay ayaa sheegay in mashaa’ikhda Soomaliyeed ay leeyihiin doorka ugu muhiimsan baraarujinta iyo wacyi-gelinta ummadda; sidii nabad dalka loogu soo dabaali lahaa dalka.

"Culumada door wanaagsan ayay ku leeyihiin toosinta ummadda ay nabad ugu wada noolaan lahaayeen, Soomaalida waxaa marjac u ahaa culumada, waliba odayaasha dhaqanka waa ka horreeyeen, mashaa'ikhda dadka ugu horreeya ee colaadaha damiya ee dadka kasoo dhex-baxa ayay ahaayeen, kuwa dadka heshiisiiya, dadka ka difaaca markii ay timaaddo dhibaato," ayuu yiri Sheekh Maxamed C/lllaahi .

Sidoo kale, Sheekhu wuxuu sheegay in halgamayaasha Soomaalida ay ugu horreeyeen culummada, isagoo kasoo qaatay culumaa'uddiin uu ka mid ahaa Sheekh Xasan Barsane oo uu sheegay inuu dadaal badan geliyay difaacidda dadka iyo dhulka Soomaaliyeed.

"Waa in marka hore wacyiga dadka laga qayb-qaato, diinta islaamkana la baro, akhlaaqda wanaagsan waxay ku jirtaa diinta wanaagsan, dhaqanka wanaagsan waa dhaqan diinta islaamka gun-dhig u ah, marka waa in la iska kaashado amniga, Soomaaliya waxaa kusoo duulay cadaw dibadeed iyo mid gudaha ka dhashay," ayuu Sheekh Caddow hadalkiisa ku daray.

Sheekh C/qaadir Maxamed Axmed oo isna hadlay ayaa sheegay inay muhiim tahay in la isku yeero culumada gudaha, si loo abuuro isku xirnaantooda gudaha iyo dibadda, iyadoo loo isticmaalayo aaladaha bulshada iskula xiriirto ee Internet-ka, wuxuuna xusay in culumada gudaha iyo dibada ay si wadajir ah uga qayb-qaataan in wacyi gelinta dhallinyarada.

Sidoo kale, Sheekh Ibraahim Maxamed Weydow oo isaguna kulanka hadal ka jeediyay ayaa ka hadlay qodobbo dhowr ah oo ay ka mid yihiin sida loo wacyigelin karo ummadda Soomaaliyeed, gaar ahaan dhallinyaradal looguna baraarujin lahaa fahmka toosan ee Islaamka.

Waxaa isaguna hadlay Sheekh Salaad Cantoob Xasan oo yiri: "Qof muslim ah in la daadiyo dhiigiisa ma banaana illaa saddex shay mooyaane, in qofka uu qof kae dilo, in qof guursaday oo sineystay oo dhagax lagu dilo iyo in qof diinta ka baxay uu noqdo, saddexdasa waxaan ahayn qofka muslimka ah dhiiggiisa laguma daadin karo."

Ugu dambeyn, intii ay dooddu socotay ayaa waxaa jiray fikrado iyo talooyin ay is dhaafsanayeen dhallinyarada iyo culumada, waxayna Ururka SYP uga mahadceliyeen dood-cilmiyeedkan looga hadlay wacyigelinta dhallinyarada Soomaaliyeed.




Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/4/2013 6:27 PM EST
Isniin, August 5, 2013—Shirkii ka socday Magaalada Kampala ee ay lahaayeen waddama ay Ciidamada ka joogaan Soomaaliya iyo dowladaha Soomaaliya iyo Itoobiya ayaa la soo gebagebeeyay, iyadoo ay shirkana laga soo soo saaray War-Murtiyeed ka kooban 39 qodob, kaasi oo aan idiin soo koobnay qodobbadiisa.

8/4/2013 4:24 PM EST
Axad, August 04, 2013 (HOL) — Ugu yaraan labaatmaeeyo qarax ayaa caawa siyaabo kala duwan uga dhacay degmooyin ka tirsan gobolka Banaadir, kuwaasoo geystay khasaare inta la hubo dhaawacyo ah, waxaana qaraxyadn qaarkood lagu weeraray saldhigyo ay ku sugnaayeen ciidammo ka tirsan kuwa dowladda Soomaaliya.

8/4/2013 4:06 PM EST
Prof. Cabdi Ismaaciil Samatar ayaa faahfaahin ka bixiyey mowqifkiisa ku aadan xisbiga HIIL QARAN iyo taariikhda Soomaaliya iyo Somaliland isaga oo jooga dalka Koofur Afrika

8/4/2013 2:59 PM EST
Axad, August 04, 2013 (HOL) — Shirkii madaxda dalalka ay ciidamadu ka joogaan Soomaaliya ayaa caawa fiidkii lagu soo gabgabeeyay magaalada Kamapla ee xarunta dalka Uganda, waxaana laga soo saaray war-murtiyeed.

8/4/2013 2:40 PM EST
Axad, August 04, 2013 (HOL) — Guddi Salaadin ah oo isku xil saartay inay isku soo dhowaynayaan golaha wadatashiga iyo toosinta oo dhowaan Hargeysa lagaga dhowaaqay iyo xukuumadda Somaliland, ayaa sheegay in waanwaantii ay wadeen ay ku diideen golahaasi, isla markaana golahaasi sharci daro yahay.

8/4/2013 10:41 AM EST
Axad, August 04, 2013 (HOL) — Madaxweynaha Soomaaliya, Xasan Sheekh Maxamud ayaa kula kulmay Kampala madaxweynaha Kenya, madaxweanha Uganda, iyo ra’iisul wasaaraha Itoobiya ka hor shirkii madaxda waddamada ay ciidamada ka joogaan Soomaaliya oo ka furmay Uganda.

8/4/2013 10:27 AM EST
Axad, August 04, 2013 (HOL) — Madaxii warfaafinta ururkii burburay ee Xisbul Islaam, Sheekh Maxamed Macallin ayaa dowladda Soomaaliya ugu baaqay inay sii dayso Sheekh Xasan Daahir, isagoo sheegay in xaaladdiisa caafimaad ay tahay mid aad u wanaagsan.

8/4/2013 10:22 AM EST
Axad, August 04, 2013 (HOL) — Hay’adda Daryeel Bulsho Guud ee (DBG) ayaa maanta ku wareejisay saddex iskuul oo dayactir ku sameysay xubno ka socda waaxda caafimaadka ee wasaaradda ururro ka shaqeeya iskuullada.

8/4/2013 10:07 AM EST
Axad, August 04, 2013 (HOL) — Xili siweyn guud ahaan muslimiinta ku dhaqan dunida gaar ahaan Soomaaliya u dyaar-garoobayaan munaasabada Ciiddul-fidriga oo maalmo kooban uu ka dhiman yihin, ayuu ugu baaqay guddoomiyaha maamulka gobolka Hiiraan Cabdi Faarax Laqanyo in dadka wax heysta caawiyaan walaalahooda kale ee danyarta ah si ay uga qeyb-qaataan farxada maalinta Ciidda.

8/4/2013 10:02 AM EST
Axad, August 04, 2013 (HOL) - Qaar kamid ah hogaamiyayaasha muslimiinta dalka Kenya ayaa si cad u taageeray tallaabadii ay dawlada Britain ku mamnuucday qaadka oo lagu tilmaamay in amniga Britain uu wax u dhimayo.

8/4/2013 8:52 AM EST
Axad, August 04, 2013 (HOL) — Wariye Mascuud Cabdullaahi Aadan oo ahaa wakiil wareedkii Radio Dalsan ee Magaalada Kismaayo ayaa maanta loo diiday inuu u safro magaalada Nairobi ee dalka Kenya halkaasoo loogu waday in looga qalo dhabarka oo ay xabbadi uga jirto.

8/4/2013 7:29 AM EST
Axad, August 04, 2013(HOL) :- Xilli lagu guda jiro bisha barakaysan ee Ramadaan ayaa dadka naafada ah ee ku nool dagmada Luuq ee Gobolka Gedo ayaa markii ugu horeysay waxaa deeq lacageeed u qeybiyey Ururka Samafalka Wadaniga ah ee Somali Disables Development Innitiative link(SODDIL)ee fadhigiisu uu yahay degmadaasi,xiili naafada ku dhaqan degmadaasi mudooyinkii ugu dambeeyey ay ka cabanayaan xaalad nolol xumo iyo shaqo la,aan.

8/4/2013 6:51 AM EST
Axad, August 04, 2013 (HOL) — Xilli maalmo yar ay ka harsanyihiin munaasibadda ciidda barakeeysan ee ciidul fitriga ayaa waxaa diyaargarow ku aadan munaasibaddaasi laga dareemayaa suuqyada waaweyn ee magaalada Kismaayo.

8/4/2013 3:28 AM EST
Axad, August 04, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa xalay kulan looga hadlayay ammaanka la yeeshay wasiirro iyo taliyeyaasha ciidamada dowadda, isagoo xalay kormeer ku sameeya isgoysyada magaalada Muqdisho qaarkood.

8/4/2013 3:12 AM EST
Axad, August 04, 2013 (HOL) — Madaxweynaha Soomaaliya, Xasan Sheekh Maxamud ayaa xalay kulan dheer la qaatay dhiiggiisa dalka Uganda, Yoweri Museveni, iyadoo kulankan oo ka dhacay xarunta madaxtooyada Uganda ay kaga hadleen arrimo badan.