3/28/2024
Today from Hiiraan Online:  _
Wararka Maanta- Jimco, Aug 16, 2013
Mudaaharaadyo Rabshado Wata oo Maanta ka dhacay Magaalooyinka dalka Masar iyo khasaare Nafeed oo ka dhashay

Egyptian army soldiers take their positions on top and next to their armored vehicles while guarding an entrance to Tahrir square, in Cairo, Egypt, Aug. 16, 2013.
Jimco, August 16, 2013 (HOL) — Ku dhawaad 50-qof ayaa ku dhintay 300 oo qof oo kalena way ku dhaawacmeen mudaaharaadyo rabshado wata oo maanta ka dhacay magaalada Qaahira ee xarunta dalka Masar, iyadoo sidoo la sheegay in dhimasho iyo dhaawacyo ay ka dhaceen magaalooyinka kale ee dalkaas.

Didbadbaxaydan oo ahaa kuwo ay ku baaqeen taageerayaasha Akhwaanul Muslimiin oo taageersan madaxweynihii hore ee Masar Maxamed Mursi oo xabsi ku jira ayaa waxay sababeen isku dhacyo dhexmara iyaga iyo ciidanka ammaanka Masar.

Iskahorimaadka ugu weyn ayaa ka dhacay fagaaraha Ramsiis oo ku dhow fagaaraha Taxriir ee baratmaha Qaahira, iyadoo ciidamadu ay rasaas ku fureen kumannaan ruux oo dibadbaxyo dhigayay.

Dhaawcyada dadkii waxyeelladu kasoo gaartay dibadbaxyada rabshadaha watay ayaa la dhigayay qaarkood masaajiddo ku yaala magaalada Qaahira si loogu daweeyo, iyadoo dibadbaxyada maanta loogu magac-daray Jimcihii Carada.

Ciidamada booliiska iyo milateriga Masar ayaa ku sugan jidadka waaweyn ee magaalada Qaahira iyo magaalooyinka kale si ay uga hortagaan in dhibaato ay geystaan dibadbaxayaasha oo u muuqda kuwo careysan.

Dowladda KMG ah waxay sheegtay in haddii ay isku dayaan dadka dhigaya mudaaharaadka inay beegsadaan xarumaha dowladda iyo goobaha kale ee muhiimka ah inay u adeegsan doonto rasaas nool ayna layn doonto.

Sidoo kale, saraakiisha dowladda Masar waxay sheegeen in dadka dhigaya dibadbaxaya ay yihiin kuwo argagaxiso ah, iyadoo uga digtay shacabka kale ee Masar inay kusoo biiraan dibadbaxyadan oo ahaa kuwii ugu weynaa eek a dhaca dalkaas, tan iyo Arbacadii lasoo dhaafay oo ay dhaceen rabshado ay ku dhinteen 630-qof sida ay sheegtay xukuumadda Masar.

Xilligan oo uu gabbalku sii dhacayo dalka Masar ayaa waxaa fagaaraha weyn ee Ramsiis ku sugan kumannaan kun oo dibadbaxayaal ah, iyadoo sidoo kale ay ciidamada ammaanka Masar iyo kuwa milateriga oo wata gaadiid dagaal oo uu ka mid yahay taangiga ay ku sugan yihiin jidadka soo gala iyo kuwa ka baxa fagaaraha Ramsiis.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/16/2013 2:23 PM EST
Jimco, August 16, 2013 (HOL) — Madaxweynaha Itoobiya, Girma Wolde-Giorgis ayaa maanta ka guddoomay warqadihii aqoonsiga danjirenimo, dajiraha cusub ee Soomaaliya ay u magacowday dalka Itoobiya, Axmed C/salaam Xaaji Aadan.

8/16/2013 1:45 PM EST
Jimco, August 16, 2013 (HOL) — Carwo buugaag caalamiga ah ayaa maanta si rasmi ah looga furay bartamaha magaalada Hargeysa, iyadoo furitaanka lagu casuumay aqoon-yahanno iyo qorayaal ka kala yimid daafaha dunida.

8/16/2013 12:56 PM EST
Jimco, August 16, 2013 (HOL) — Hay’adda dhakhaartiirta aan xuduudda lahayn ee MSF ayaa maanta oo Jimco ah - 16-August, 2013 - si rasmi ah u joojinaysa howshii caafimaad ee ay ka haysay Soomaaliya, kaddib markii ay maalmo ka hor ku dhawaaqday inay Soomaaliya uga baxayso sababo amni awgood.

8/16/2013 12:18 PM EST
Jimco, August 16, 2013 (HOL) — Dawlada federaalka ah ee Soomaaliya oo aaminsan in Kenya ay qayb ka tahay ismari-waaga ka taagan gobollada Jubbooyinka ayaa bilihii ugu dambeeyay dalbanaysay in ciidamada Kenya ee ku sugan gobolladaas ay ka baxaan dalka.

8/16/2013 9:38 AM EST
Jimco, August 16, 2013 (HOL) — Dowladda Turkiga ayaa sheegtay inay sii wadayso howlaha samafalka ah ee ay ku caawinayso Soomaaliya, kaddib markii hay’adda MSF ay maanta joojisay dhammaan gargaarradii ay dalka Soomaaliya ka wadday, kaddib markii ay sheegtay in shaqaalaheeda si toos ah loo beegsado.

8/16/2013 9:26 AM EST
Jimco, August 16, 2013 (HOL) — Kulan ballaaran oo lagu taageerayay madaxda dowlada Federalka Soomaaliya ayaa Khamiistii shalay aheyd ka dhacay xarunta Lake View ee Magaaladda Minneapolis ee Minnesota, kaas oo ay soo qaban qaabiyeen xubno ka tirsan Jaaliyadda Soomaaliyeed ee ku noolka Gobolkan Minnesota ee dalka Mareykanka.

8/16/2013 9:07 AM EST
Jimco, August 16, 2013 (HOL) — Dagaalyahanno taabacsan Al-shabaab ayaa la sheegayaa inay maanta gurigiisa ku weerareen Mayoow Teesoow oo horay u ahaa taliyihii nabadsugidda dowladdii KMG ahayd ee Soomaaliya ee degmada Baydhabo, iyadoo lala qafaashay rag kale oo la joogay.

8/16/2013 8:56 AM EST
Jimco, August 16, 2013(HOL) :- Qaraxan oo ahaa mid xooggan ayaa lala eegtay gaadiid nooca raaxada oo uu watay Ugaas C/qaadir Sheekh Axmed oo kamid ah ugaaysada caanka ah ee gobolka J/hoose.

8/16/2013 4:02 AM EST
Jimco, August 16, 2013 (HOL) — Xukuumadda Kenya ayaa shaacisay in 80,000 oo qoxooti Soomaaliyeed oo ku noolaa dalkeeda ay si iskood ah ugu laabteen Soomaaliya, iyadoo sheegtay inaan qoxootigaas si khasab ah looga bixin Kenya.

8/16/2013 3:59 AM EST
Jimco, August 16, 2013 (HOL) — Garoonka diyaaradaha caalamiga ee magaalada Muqdisho oo howshiisu ay aad u korortay ayaa waxaa markii ugu horreysay uu yeeshay shabakad (Website) lagala socon karo duulimaadyada taga iyo kuwa ka baxa.