3/28/2024
Today from Hiiraan Online:  _
Wararka Maanta- Sabti, Apr 6 , 2013
Hay’adda isku-xirka iyo Hurumarinta dhallinyarada Soomaaliyeed ee SOYDEN oo Tartan Isboorti ku xustay Maalinta Miinada Adduunka (SAWIRRO)


Sabti, Abriil 06, 2013 (HOL) — Dunida oo dhan waxaa laga xusay maalinta Miinada Adduunka , waxaana xus ku saabsan maalinkaas qabtay hay’adda horumarinta iyo isku xirka dhallinyarada Soomaaliyeed ee SOYDEN oo gacan ka helaysay hay’adda Qaramada Midoobey ee UNICEF, iyadoo uga qayb-gashay xuska sannadkan tartan isboorti oo uu qaban-qaabadiisa uu lahaa xiriirka Soomaaliyeed ee kubadda cagta. Waxaana mushruucan loogu magac-daray ‘Waxbarashada Khatarta Miinada’.

Ciyaar lagu xusayay maalintan ayaa waxay ka dhacday garoonka kubadda cagta ee Jaamacadaha, iyadoo koob ay ku tartamayeen kooxo ku ciyaarayay magacyada SIGNJED iyo CITY PALACE Hotel, waxaana intii ay ciyaartu socotay lagu daadiyay garoonka gudihiisa waraaqo ay ku qornaayeen fariimo  ka hadlaya khatarta miinadu u leedahay bulshada; iyadoo koobkii la dhigay ay ku guuleysatay kooxdii ku ciyaaraysay hoteelka CITY PALACE iyadoo uga badisay kooxdii kale ee SIGNJED 3-1.

Dadweyne fara badan ayaa ciyaartan kasoo qaybgalya kuwasoo ay ka mid ahaayeen taageerayaasha labada kooxood, waxaa kaloo garoonka ku sugnaa mas’uuliyiin ka tirsan hay’adda SOYDEN iyo xiriirka Soomaaliyeed ee kubadda cagta.

Guddoomiye ku xigeenka xiriirka Soomaaliyeed ee kubadda cagta C/llaahi Gacal Abkoow iyo xoghayaha xiriirka, Cabdiqani Saciid Carab ayaa goobta ka hadlay iyagoo ugu horreyn u mahadceliyay hay’adda SOYDEN oo koobka soo qabanqaabisay waxayna sheegeen ina ytahay hay’ad doonaysa in bulshada ku baraarujiso khatarta ay leedahay Miinada.

Sidoo kale, waxaa goobta ka hadlay, Maxamuud Maxamed Calasow (Jaani-dheere)  oo ka socday Hay’adda SOYDEN, isagoo si aad ah ugu dheeraaday khatarta Miinada u leedahay Bulshada; wuxuuna u soo jeediyay bulshada in ay iska ilaaliyaan khatarta Miinada, isagoo u mahadceliyay hay’adda UNICEF oo uu sheegay inay kala qayb-qaadatay barnaamijkan fulintiisa.

Ugu dambeyn, kooxdii koobbka ku guuleysatay ee CITY PLACE HOTEL ayaa waxaa koobka guddoonsiiyay, xildhibaan Cismaan Maxamed Cabdi (DAALLO) oo ka mid ahaa xubnihii koobkan ka qaybgalay soo qabanqaabiyay.









Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/6/2013 12:58 PM EST
Sabti, Abriil 06, 2013 (HOL) — Waxaa faraha ka baxay amaanka magaalada Baydhabo ee xarunta gobolka, iyadoo lagu arkayo xilliga salaadda maqribka iyo salaadda cishaha in waddooyinka qaar sida waddada Masaajidka shariif gacamey iyo waddada aadda xaafada Mursal ay isbaaro u taallo qaar ka mid ah ciidamada xooga dalka.

4/6/2013 12:25 PM EST
Sabti, Abriil 06, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) iyo wafdi ballaaran oo uu hoggaaminayo ayaa si diirran loogu soo dhaweeyay maanta oo Sabti ah magaalada Oslo ee xarunta dalka Norway.

4/6/2013 12:18 PM EST
Marxuum Ibraahim Cilmi Bullaale oo loo yaqaanay Ibraahim Xisbiyow ayaa maalintii jimcihi ee bishan April 5, 2013 lagu aasay magaalada Stockholm ee dalka Sweden

4/6/2013 12:01 PM EST
Sabti, Abriil 06, 2013 (HOL) —Baarlamaanka Soomaaliya ayaa looga yeeray ra’iisul wasaaraha Soomaaliya iyo wasiirkiisa arrimaha dibadda si wax looga weydiiyo arrimo ku saabsan howlaha xukuumadda, waxaana kulankii ay xildhibaannadu maanta yeesheen looga hadlayay arrimo ay ka mid yihiin la-xisaabtanka xukuumadda iyo wadashaaqeynta kala dhexeysa baarlamaanka.

4/6/2013 11:32 AM EST
Sabti, Abriil 06, 2013 (HOL) — Hal askari ayaa dhintay, afar kale oo laba ka mid ah ay yihiin askartii dagaalamay ayaa ku dhaawacmay dagaal ciidammo kawada tirsan dowladda Soomaaliya ku dhexmaray xaafadda Ciise Cabdi ee degmada Dayniile ee gobolka Banaadir.

4/6/2013 11:23 AM EST
Sabti, Abriil 06, 2013 (HOL) — Ciidamada dowladda Soomaaliya iyo AMISOM oo iskaashanaya ayaa maanta la wareegay deegaanno cusub oo ka tisran gobolka Shabeellada hoose, kuwaasoo ay gacanta ku haysay Al-shabaab, iyadoo tallaabadan lagu macneeyay in lagu adkeynayo ammaanka goobo ay horay u qabsadeen.

4/6/2013 10:41 AM EST
Sabti, April 06, 2013(HOL) :- Waxaa maanta garoonka caalamiga ah ee magaalada Kismaayo ka dhoofay ku dhawaad ilaa 43 Xildhibaan oo kamid ahayd xildhibaanadii dowladda federaalka ee dhawaan soo gaaray magaalada Kismaayo.

4/6/2013 10:36 AM EST
Sabti, Abriil 06, 2013 (HOL) — Somaliland, ayaa maanta laga xusay lixda April oo ah maalintii lagu dhowaaqay Jabhaddii SNM ee dagaalka ba’an la gashay xukuumaddii Maxamed Siyaad Barre.

4/6/2013 10:31 AM EST
Sabti, Abriil 06, 2013 (HOL) — Baqdin iyo wal-wal xoog leh ayaa la soo darrsay xilligan dadka ku dhaqan magaalada Baladweyne oo ka cabsi qaba fatahaad uu mar kale sameeyo wabigga Shabeelle, kadib roobab xoog leh oo saacadihii aynu soo dhaafnay ka da’ay magaalada Baladweyne.

4/6/2013 1:34 AM EST
Sabti, Abriil 06, 2013 (HOL) — Dowladda Britain ayaa soo saartay digniin cusub oo ay uga digayso muwaadiniinteeda inay booqdaan Soomaaliya, gaar ahaan Muqdisho oo ay sheegtay inay ka dhici karaan falal aragagaxiso oo ay ka mid yihiin qaraxyo.

4/6/2013 1:32 AM EST
Sabti, Abriil 06, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in sida ay yihiin loo fulin doono qodobbadii kasoo baxay shirkii dib u habenta garsoorka dalka oo Jimcihii shalay lagu soo gabgabeeyay magaalada Muqdisho.