6/26/2022
Today from Hiiraan Online:  _
Wararka Maanta- Jimco, Sept 7 , 2012
Madaxweynaha Mareykanka oo ogolaaday inuu Tartanka Doorashada Mareykanka uga qaybgalo Xisbigiisa Dimuqraadiga

Jimco, September 07, 2012 (HOL) — Madaxweynaha Mareykanka, Barack Hussein Obama oo hadal ka jeediyay shirweynihii xisbiga Dimuqraadiga ee lagu soo gabgabeeyo magaalada Shalot ee gobolka North Carolina ayaa sheegay inuu aqbalay inuu xisbigiisa uga qaybgalo doorashada madaxnimo ee Mareykanka oo dhacaysa bisha November ee sannadkan.

Obama oo dalka Mareykanka xukumayay afatii sano ee lasoo dhaafay ayaa khudbadiisa ku sheegay inay ka go’an tahay inuu ka shaqeeyo sidii dhaqaalaha dalkaas uu sare ugu qaadi lahaa, isagoo ku eedeeyay xisbiga Jamhuuriga inaysan wax qorshe ah u hayn Mareykanka.

"Aniga iima dooran inaan idiin sheego waxaa doonaysaa inaad maqashaan ee waxaad ii doorateen inaad idiin sheego runta," ayuu yiri Obama, isagoo xusay inay ka go’an tahay inuu isbedel weyn oo dhinaca dhaqaalaha sameeyo haddii mar kale la doorto.

Sidoo kale, Obama wuxuu sheegay inuu wax ka qaban doono mustaqbalka arrimo ay ka mid yihiin horumarinta warshadaha, tamarta, waxbarashada iyo ammaanka Qaranka si shaqooyin fara badan loo helo.

Dalka Mareykanka ayaa waxaa afartii sanaba mar laga qabtaa doorashooyinka madaxnimo oo ay u tartamaan laba xubnood oo ka socda xisbiga Jamhuuriga iyo Dimuqraadiga dalkaas oo ku loolama awoodda xukun ee Mareykanka.

Xisbiga Jamhuuriga ayaa laba maalmood ka hor u doortay inuu doorashada madaxnimo ee dalka Mareykanka uu uga qaybgalo Mitt Romney, wuxuuna tartan adag la geli doonaa madaxweynaha xilligan ee Mareykanka Obama.

Ololayaal doorasho oo adag ayaa dhaca inta aan la gaarin bisha November oo lagu wado inay dhacaan doorashooyinka madaxnimo ee Mareykanka, iyadoo labada murashax ay dhexmari doonaan saddex doodood oo meelo faraage ah ka dhacaya, iyadoo doodad ugu horreysa ay dhici doonto saddexda bisha Oktoobar ee soo socota.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/7/2012 5:31 AM EST
Jimco, September 07, 2012 (HOL) — Shacabka Soomaaliyeed ayaa waxay rajeynayaan inuu dalku geli doono jawi ka wanaagsan midda uu hadda ku jiro, kaddib doorashada madaxnimo ee Soomaaliya oo dhacaysa toddobaadka soo socda.

9/7/2012 5:20 AM EST
Sabti, September 08, 2012 (HOL) — Midowga Dhalinyarada Soomaaliyeed ee UYS ayaa maanta siminaar looga hadlayay gargaarka bani'aadanimada ku qabatay deegaanka Lafoole ee gobolka Shabellaha Hoose, kaasoo ay ka qayb-galeen mas'uuliyiin ka tirsan dowladda iyo saraakiil ciidan.

9/7/2012 5:10 AM EST
Jimco, September 07, 2012 (HOL) — Ergayga xoghayaha guud ee Qaramada Midoobay uga wakiilka ah arrimaha Soomaaliya, Danjire Augustine Mahiga ayaa xildhibaannada cusub ee baarlamaanka Soomaaliya ugu baaqay inay soo doortaan hoggaamiye soo dhisi kara dowlad wanaagsan oo macquul ah sida hoggaanka mideysan ee baarlamaanka Soomaaliya.

9/7/2012 5:10 AM EST
Sabti, September 08, 2012 (HOL) — Madaxweynaha Soomaaliya ee uu waqtigiisu uu sii dhammaanayo, Shariif Sheekh Axmed ayaa Muqdisho ka billaabay ololihiisa doorashada, isagoo kulammo kala duwan la leh xubno uu ka mid yahay afhayeenkii hore ee baarlamaanka Shariif Xasan Sheekh Aadan.

9/7/2012 5:08 AM EST
Jimco, September 07, 2012 (HOL) — Ugu yaraan toddoba qof ayaa ku dhintay qaraxyo iyo dilal qorsheysan oo xalay siyaabo kala duwan uga dhacay Magaalada Muqdisho, iyadoo lagu jiro xilligii ugu dambeeyay ee doorashada madaxweynaha cusub ee Soomaaliya oo dhici doonta toddobaadka soo socda.

9/7/2012 5:06 AM EST
Jimco, September 07, 2012 (HOL) — Toban Murashax oo ka mid ah 25-ka murashax ee u tartamaya doorashada madaxweynenimo ee Soomaaliya ayaa waxay maanta ka horjeedin doonnaan xidhibaannada baarlamaanka Soomaaliya barnaamijyadooda siyaasadeed oo ay doonayaan inay dalka ku hoggaamiyaan haddii ay ku guuleystaan doorashada madaxnimo.

9/7/2012 5:03 AM EST
Jimco, September 07, 2012 (HOL) — Haweeney ayaa ku dhimatay laba qof oo kalena way ku dhaawacmeen kaddib bam-gacmeed xalay lagu weeraray goob ganacsi oo ku taalla isgoyska cunaaye ee xaafadda Bardaale ee degmada Baydhabo, iyadoo kooxaha weerarka geystay ay goobta ka baxsadeen.

9/7/2012 5:02 AM EST
Jimco, September 07, 2012 (HOL) — Soomaalida ku ganacsada dalka Koonfur Afrika ayaa ka cabanaya dhac xilliyada habeenkii ah ay u geystaan kooxo budad ku hubeysan, kuwaasoo ka mid ah dadka deegaannada ay ganacsiga ku haystaan, sida ay sheegeen ganacsatada Soomaaliyeed qarkood.