6/26/2022
Today from Hiiraan Online:  _
Wararka Maanta- Khamiis, Sept 6 , 2012
Al-shabaab oo Magaalada Kismaayo kusoo bandhigtay Hub iyo Gaadiid ay sheegeen in ay ku qabsadeen dagaaladii Jubbooyinka
Khamiis, September 06, 2012 (HOL) — Xoogagga Al-shabaab ayaa maanta kusoo bandhigay magaalada Kismaayo hub iyo gaadiid dagaal oo ay sheegeen in ay kusoo qabsadeen dagaallo mudooyinkii ugu danbeeyay ka socday duleedka degmada Afmadow ee gobolka jubada Hoose.

Fagaaraha beerta xoriyadda ee bartamaha magaalada Kismaayo ayaa lagu soo bandhigay hubka iyo gaadiidka dagaal, waxaana goobta ku sugnaa boqollaal katirsan dadka ku dhaqan magaalada Kismaayo.

Goobjooge ku sugnaa goobta hubka lagu soo bandhigayay ayaa HOL u sheegay in masuuliyiin katirsan Al-shabaab oo goobta ka hadlay ay sheegeen in hubka iyo gaariga dagaal ay kasoo qabsadeen ciidamada Kenya, waxaana hubka goobta lagu soo bandhigay uu ahaa hubka noocyada fudfudud, gaadiid nooca dagaalka iyo weliba lacag Kenya.

Masuuliyiintii goobta ka hadashay ayaa sheegay in ay guulo la taaban karo ka gaareen dagaalladii ugu danbeeyay ee ka dhacay gobolka jubada hoose, waxayna ugu baaqeen shacabka reer Kismaayo in ay ka qeybqaataan dagaallada ay Al-shabaab ku dooneyso in ay kaga hortagto duulaanka kusoo fool leh Kismaayo.

Arintan ayaa kusoo beegmeysa xilli dhawaan xoogagga Al-shabaab ay magaalada Kismaayo kusoo bandhigeen meydadka afar qof oo laba kamid ah ay ahaayeen Soomaali, kuwaasoo ay sheegeen in ay kusoo dileen dagaal ka dhacay duleedka Afmadow.

Dhinaca kale waxa ay weli xiisad dagaal ka taagantahay deegaanka Miido oo hoostaga degmada Afmadow halkaasoo ay isku horfadhiyaan ciidamada huwanta ah iyo Al-shabaab, waxaana wararkii ugu danbeeyay ay sheegeen in xalay uu halkaasi ka dhacay dagaal qaatay saacado kooban oo dhexmaray labada dhinac.

Illaa iyo imika lama garanayo khasaaraha ka dhashay dagaalkii xalay, mana jiraan masuuliyiin katirsan dhinacyadii dagaalamay oo faahfaahin ka bixiyay.

Xasan Nuur, Hiiraan Online
[email protected]
Kismaayo, Soomaaliya












Click here
9/6/2012 8:15 PM EST
Khamiis, September, 06, 2012 (HOL) – Jaamacada Baladweyne University oo ka mid ah Jaamacadaha ku yaala magaalada Baladweyne ee xarunta gobollka Hiiraan ayaa ardayda wax ka barata waxaa ay maanta sanadkii afraad dib u bilaabeen waxbarashada Jaamacada.

9/6/2012 1:32 PM EST
Talaado 6-da September 2012(HOL): Guddiga doorashada madaxweynenimada Soomaaliya ayaa galabta ku dhawaaqay tirada musharraxiinta isu soo taagay madaxweynenimada Soomaaliya ee buuxiyay shuruudihii lagu xiray, waxayna tiradaha musharraxiintaas gaareysaa 25 musharrax.

9/6/2012 8:48 AM EST
Khamiis, September 06, 2012 (HOL) — Wasiirrada xukuumadda Soomaaliya ee uu waqtigeedu dhammaaday ayaa maanta kulankoodii ugu dambeeyay ku yeeshay magaalada Muqdisho, kaasoo ay uga hadleen waxqabadkoodii iyo ammaanka guud ee dalka.

9/6/2012 8:25 AM EST
Khamiis, September 06, 2012 (HOL) — Booliiska dowladda Soomaaliya iyo booliiska AMISOM ayaa maanta howlgallo wadajir ah oo lagu soo qabqabtay boqolaal ruux oo dhallinyaro ah ka sameeyay degmada Xamarjajab ee gobolka Banaadir.

9/6/2012 3:40 AM EST
Khamiis, September 06, 2012 (HOL) — In ka badan 10 ruux ayaa ku dhimatay tiro kale oo intaa ka sii badanna dhaawac ayaa ka soo gaaray dagaalo culus oo labo maleeshiyo beelleed ku dhaxmaray deegaannka lagu magacaabo Bangala oo ka tirsan gobollka Galguduud

9/6/2012 3:32 AM EST
Khamiis, September 06, 2012 (HOL) — Iskahorimaadyo u dhexeeya ciidamada dowladda Soomaaliya iyo kooxo hubeysan ayaa xalay ka dhacay isgoyska Ex-koontarool Afgooye iyo degmada Dharkeynley oo dhinaca koonfeed kaga yaalla Muqdisho.

9/6/2012 3:12 AM EST
Khamiis, September 06, 2012 (HOL) — Madaxweynaha Soomaaliyaiyo xubno kale oo ka tirsan murashaxiinta u taagan doorashada madaxnimo ee dalka ayaa ku biiray xubnihii horay u buuxiyay shuruudihii uu ku xiray guddiga doorashada madaxweyne ee Soomaaliya.

9/6/2012 3:11 AM EST
Khamiis, September 06, 2012 (HOL) — Ugu yaraan afar qof ayaa ku dhintay 13 qof oo kalena way ku dhaawacmeen bam xalay lagu weeraray guri ku yaalla degmada Afgooye iyo weerar ay kooxo hubeysan ku qaadeen gaari rakaab siday oo kasoo ambabaxay magaalada Baydhabo kuna soo jeedyay Muqdisho.