5/25/2022
Today from Hiiraan Online:  _
Wararka Maanta- Sabti, Sept 29, 2012
Diyaarado laga leeyahay dalka Kenya oo duqeeyay Degmada Baardheere ee Gobolka Gedo iyo Khasaare ka dhashay
Sabti, September 29, 2012 (HOL) — Hal qof ayaa ku dhintay, saddex qof oo kalena way ku dhaawacmeen duqeyn ay diyaaradaha dalka Kenya u geysteen degmada Baardheere ee gobolka Gedo, halkaasoo ay ka taliso Xarakada Al-shabaab.

Diyaaradaha duqeynta sameeyay ayaa waxay bartilmaameedsadeen goobo cayiman waxaana goobahaas ka mid ahaa goob ay ku noolaayeen dad shacab ah, iyadoo aan la ogeyn khasaaraha kale ee ka dhashay duqeyntan, marka laga reebo midka soo gaaray dadka shacabka ah.

"Xogta ramsiga ah ee aan hayno waxay sheegaysaa in diyaaradaha Kenya ay duqeyn u geysteen maanta degmada Baardheere gaar ahaan halka loo yaqaan EDC-da, waxaana ku dhintay hal qof oo rayid ah, saddex kalena dhaawacyo ayaa kasoo gaaray," ayuu Col. Warfaa Sheekh Aadan oo ka mid ah saraakiisha dowladda ee ku sugan gobolka Gedo ku sheegay wareysi kooban oo uu siiyay VOA-da laanta afka Soomaaliga.

Goobjoogayaal ku sugan degmada Baardheere ayaa saxaafadda u sheegay in dhowr jeer ay diyaaraduhu gantaalo la dhaceen dibadda magaalada, iyadoo xoogagga Al-shabaab ay rasaasta lidka diyaaradaha ku rideen diyaaradahaas, inkastoo aysan wax khasaare ah kasoo gaarin.

Xarakada Al-shabaab ayaan weli ka hadlin duqeynta ay maanta diyaaradaha Kenya u geysteen degmada Baardheere oo ka mid ah labada degmo ee ay gobolka Gedo kaga sugan yihiin iyo weliba khasaaraha kasoo gaartay.

Ma ahan markii ugu horreysay oo Al-shabaab ay duqeyso degmada Baadheere oo ah degmo ay Al-shabaab ku xooggan tahay marka la eego gobolka Gedo oo intiisa badan ay gacanta ku hayaan ciidamada dowladda iyo kuwa caawinaya ee Kenya iyo Itoobiya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/29/2012 5:48 PM EST
Sabti, September 29, 2012(HOL): Fadhigii 21aad ee Golaha Xuquuqul Insaanka ee QM ayaa lagu soo gabagabeeyay magaalada Geneva ee dalka Switzerland. Kulankan ayaa si weyn waxaa looga hadlay xaaladda Xuquuqul Insaanka ee dalka Soomaaliya iyo xaaladda kala guurka ah ee uu dalka Soomaaliya soo maray.

9/29/2012 9:58 AM EST
Sabti, September 29, 2012 (HOL) — Deegaannka Ceel-jaale ee duleedka magaalada Baladweyne waxaa gaaray dadkii ka barakacay fatahaadii maalintii shalay ku dhuftay magaalada Baladweyne ee xarunta gobolka Hiiraan, kuwasoo waqtigan ay soo food-saareen xaalado adag dhinaca nolasha ah.

9/29/2012 8:40 AM EST
Sabti, September 29, 2012 (HOL) — Abaanduulaha ciidamada milateriga Soomaaliya Jen. Cabdikariin Yuusuf Aadan (Dhego-badan) oo saxaafadda kula hadlay Muqdisho ayaa sheegay inay ciidamada dowladda iyo kuwa Kenya siiyeen amar ah inaysan gelin gudaha magaalada Kismaayo, sababo jira awgood.

9/29/2012 8:01 AM EST
Sabti, September 29, 2012 (HOL) — Kooxo baastoolado ku hubeysan ayaa laba qof oo shacab ah siyaabo kala duwan ugu toogtay duhurnimadii maanta xaafado ka tirsan magaalada Kismaayo, iyadoo dilalkan ay ka dhigayaan dadka maanta oo keliya lagu dilay Kismaayo saddex qof oo shacab ah.

9/29/2012 7:52 AM EST
Sabti, September 29, 2012 (HOL) — Golaha Wakiiladda Somaliland ayaa kal-fadhigoodii maanta afar xildhibaan xilalka uga xayuubin, kuwaasoo 20 kal-fadhi oo isku xiga aan kasoo xaadirin fadhiyada Golahaasi.

9/29/2012 7:50 AM EST
Sabti, September 29, 2012 (HOL) — Ugu yaraan hal qof ayaa ku dhintay laba kalena dhaawacyo kala duwan ayaa kasoo gaaray kaddib markii bam-gacmeed lagu weeraray maanta suuqa qoryaha lagu qoro oo ku yaalla magaalada Baydhabo ee xarunta gobolka Bay.

9/29/2012 6:29 AM EST
Sabti, September 29, 2012 (HOL) - Dadweyne taageersan madaxweynaha dhawaan loo doortay Jamhuuriyada Soomaaliya Xassan Sheekh Maxamuud ayaa dibad baxyo ka sameeyay degmada Galdogob ee gobolka Mudug.

9/29/2012 3:45 AM EST
Sabti, September 29, 2012 (HOL) — Xarakada Al-shabaab ayaa shaaca ka qaaday maanta in xalay la xiray xafiisyadii maamulkoodu ku lahaa magaalada Kismaayo ee xarunta gobolka Jubbada Hoose, balse ay ciidamadeedu diyaar u yihiin inay la dagaalamaan cid walba oo kasoo horjeedda ku dhaqanka shareecada Islaamka.

9/29/2012 3:22 AM EST
Sabti, September 29, 2012 (HOL) — Xaaladda magaalada Kismaayo ayaa saaka ah mid aad u kacsan, iyadoona magaalada ay ka socoto bililiqo iyo boob loo geysanayo xarumihii maamulka Al-shabaab ee Magaalada Kismaayo.

9/29/2012 3:18 AM EST
Sabti, September 29, 2012 (HOL) — Madaxweynaha Dowladda Soomaaliya, Xasan Sheekh Maxamuud ayaa Jimcihii shalay kulan looga hadlayay ammaanka iyo dib u dhiska dalka kula yeeshay xarunta madaxtooyada xubno ka socday ururrada bulshada rayidka Soomaaliyeed oo uu isagu ka mid ahaan jiray.

9/29/2012 3:17 AM EST
Sabti, September 29, 2012 (HOL) — Saraakiil ka socda sirdoonka magaalada Hargeysa ee Somaliland ayaa habeen hore saqdii dhexe xabsiga u taxaabay wariye C/fataax Maxamuud Caydiid oo ka tirsan wargeyska Saxafi oo kasoo baxa magaalada Hargeysa.