9/27/2022
Today from Hiiraan Online:  _
Wararka Maanta- Jimco, Sept 28, 2012
Wariye ka tirsan kuwa Tabiya Barnaamijyada Ciyaaraha oo Magaalada Muqdisho lagu aasay kaddib Markii Qoorta laga Jaray

Jicmo, September 28, 2012 (HOL) — Wariye ka faalooda barnaamiyada ciyaaraha oo maydkiisa oo qoorta ka go'an laga helay shalay degmada Huriwaa ayaa maanta lagu aasay deegaanka KM-13 ee duleedka Muqdisho, waxaana wariyahan uu noqonayaa wariyihii shanaad oo toddobaadkan lagu dilo Muqdisho.

Marxuum C/raxmaan Maxamed Cali oo ka tirsanaa shabakad ka faalloota ciyaaraha oo lagu magacaabo www.ciyaarahamaanta.com, waxaa dilay rag hubeysan oo ka watay guri ku yaalla xaafadda Suuqa Xoolaha ee degmada Huriwaa shalay oo Khamiis ahayd.

"Waan ka xunnahay dilka foosha xun ee loo geystay saaxiibkeen C/raxmaan, balse tani nagama leexinayso inaan bulshada u sii shaqeynno," ayaa lagu yiri bayaan ay soo saareen maamulka iyo shaqaalaha shabakaddii uu ka tirsanaa wariyahan.

Goobjoogayaal ayaa sheegay in wariyaha qoorta laga jaray, lana soo dhigay xaafadda suuqa xoolaha, halkaasoo markii dambe maydka laga soo qaaday, iyadoo aysan jirin cid sheegatay inay mas'uul ka tahay dilka wariyehaas.

Dilka wariyahan ayaa waxay cabsi weyn gelisay wariyeyaasha ka howlgala Muqdisho oo toddobaadkan uu ahaa midkii ugu cabsida badnaa, maadaama qaraxyo iyo dilal qorsheysan lagu dilay shan wariye oo ka tirsanaa kuwa Muqdisho ka howl-gala.

Sannadkan oo keliya ayaa waxaa Soomaaliya lagu dilay 13 suxufi oo dhammaantood rag ahaa, kuwaasoo intooda badan lagu dilay Muqdisho, waxaana saddex ka mid ah lagu dilay qarax toddoabadkan ka dhacay agagaarka tiyaatarka weyn ee Muqdisho.

Xarakada Al-shabaab oo dagaal kula jirta dowladda Soomaaliya ayaan weli sheegan inay mas'uul ka tahay dilalka shanta suxufi loogu geystay Muqdisho, mana beenin in dilalkaas ay lug ku leeyihiin.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/28/2012 4:58 PM EST
Jimco, September 28, 2012 (HOL) - Xoogagga Al-shabaab ayaa caawa gabi ahaanba isaga huleelay magaalada Kismaayo, kadib markii ciidamada dowladda KMG iyo kuwa Kenya ay dhowr jiho kasoo weerareen magaalada.

9/28/2012 3:39 PM EST
Jimco, September, 28, 2012 (HOL) – Xaalad adag ayaa soo food saartay dadka ku dhaqan magaalada Baladweyne ee xarunta gobollka Hiiraan kadib markii uu xalay ku fatahay inta badan xaafaddaha magaalada wabiga Shabeelle.

9/28/2012 11:21 AM EST
Jimco, 28, 2012 (HOL) - Xaaladda Magaalada Kismaayo ayaa ah mid kacsan iyadoona ciidamada huwanta ah iyo kuwa Al-shabaab ay isku horfadhiyaan halka loo yaqaan Madaxtooyada oo ku taal afaafka hore ee laga soo galo magaalada Kismaayo.

9/28/2012 4:01 AM EST
Jicmo, September 28, 2012 (HOL) — Dagaal fool ka fool ah ayaa lagu soo waramayaa in uu ka bilowday duleedka magaalada Kismaayo, dagaalkaas oo ay isaga soo horjeedaa ciidamada dowladda KMG oo kaashanaya kuwa Kenya oo saaka maraakiib uga soo dagay dhanka xeebta Cceeldhiig ee magaalada Kismaayo iyo xoogagga Al-shabaab.

9/28/2012 3:56 AM EST
Jicmo, September 28, 2012 (HOL) — Guddoomiyaha gobolka Banaadir, ahna duqa Muqdisho, Maxamuud Axmed Nuur Tarsan ayaa sheegay in isbaarooyin lacago looga qaado dadka shacabka ah ay yaallaan qaar ka mid ah waddooyinka Muqdisho, isagoo ugu baaqay ciidamada dolwadda inay isbaarooyinkaas wax ka qabtaan.

9/28/2012 3:34 AM EST
Jicmo, September 28, 2012 (HOL) — Ciidamada booliiska Soomaaliyeed ayaa xalay baaritaanno saf-ballaaran ka sameeyay saddex degmo oo ka tirsan kuwa gobolka Banaadir, kuwaasoo ay kusoo qabqabteen dad fara badan oo lala xiriirinayo ammaan-darradii maalmihii lasoo dhaafay ka dhacayay Muqdisho.

9/28/2012 3:15 AM EST
Jicmo, September 28, 2012 (HOL) — Afhayeen milateriga Kenya, Col. Cyrus Oguna ayaa warbaahinta u sheegay in ciidamada Kenya ee qaybta ka ah AMISOM iyo kuwa dowladda Soomaaliya ay la wareegeen gacan ku haynta xaafado ka tirsan degmada Kismaayo ee gobolka Jubbada hoose.

9/28/2012 3:14 AM EST
Jicmo, September 28, 2012 (HOL) — Xaafadaha magaalada Baladweyne ayaa waxaa ku fatahay webiga Shabeelle, kaddib markii xalay uu magaaladaas ka da'een roobab xooggan oo geystay khasaare dhimasho oo soo gaartay dad iyo xoolo nool.