5/25/2022
Today from Hiiraan Online:  _
Wararka Maanta- Khamiis, Sept 27, 2012
Taliyaha Ciidamada Jabuuti ee ku sugan Baladweyne oo baaq u diray Dhalinyarrada ka tirsan Xarakada Al-shabaab
Khamiis, September 27, 2012 (HOL) — Taliyaha ciidamada Jabuuti ee qeybta ka ah howlgalka midowgga Afrikaa ee dhawaan gaaray magaalada Baladweyne, Col. Cismaan Dubad ayaa baaq u dirray dhalinyarrada ka tirsan Xarrakada Al-shabaab.

Hadalkan ayuu ka sheegay taliyaha kulan maanta magaalada Baladweyne ku dhaxmaray mas’uuliyiinta maamulka gobollka iyo saraakiisha ciidamada Jabuuti, kaasoo looga wada hadllayay habka loo sugayo amniga, loona dar dar galin lahaa howlgalada ka dhanka ah deegaannada kale ee wali ku sii harsan gacanta Al-shabaab.

"Runtii baaq guud ayaan u dirayaa dhalinyarrada ka tirsan Al-shabaab, waa og-nahay in la qalday oo si aan hagaagsaneyn wax loogu sheegay, waxaan leeyahay isaga soo laabta qaladka aad ku jirtaan, waan idin soo dhaweyneynaa, waxaana idin balan-qaadeynaa amni buuxa," ayuu yiri taliyaha ciidamada Jabuuti.

Col. Dubad ayaa dhinaca kale fariin u darray shacabka ku dhaqan magaalada Baladweyne iyo guud ahaan gobollka Hiiraan, isaga oo ugu baaqay in ciidamada Jabuuti kala shaqeeyaan amniga, madaama sida uu hadalka u dhigay shacabka la’aantii aan wax amaan ah la sugi karin.

"Annaga ujeedada socodkeenu waa in aan amniga ka shaqeyno, maamulka gacan ka siino sidii uu sugida nabad-galyada, waxaana leeyahay shacabka ku dhaqan magaalada Baladweyne ciidamada Jabuuti waa walaalihii gacan ka siiya sidii ay ugu shaqeyn lahaayeen nabad-galyada,’’ ayuu taliyuhu hadalkiisa ku daray.

Kulanka maanta ka dhacay magaalada Baladweyne ee dhaxmaray mas’uuliyiinta maamulka gobollka iyo saraakiisha ciidamada Jabuuti ee AMISOM ayaa noqonaya kii ugu horeeyay ee si toos ah u dhaxmaray labada dhinac tan iyo wixii ka danbeeyay markii ay dhawaan gaareen ciidamada Jabuuti magaalada Baladweyne.

Mas’uuliyiinta maamulka gobollka Hiiraan ayaa sii adkeeyay baaqa ka soo yeeray taliyaha ciidamada Jabuuti, iyaga oo balan-qaaday in ay hagaajin doonaan nolasha dhalinyarada ka tirsan Al-shabaab haddii ay ku soo biiraan sida ay hadalka u dhigeen hanaanka nabada.

C/raxmaan Diini, Hiiraan Online
[email protected]
Baladweyne, Soomaaliya











Click here
9/27/2012 9:26 AM EST
Khamiis, September 27, 2012 (HOL) — Ugu yaraan afar qof oo ay ku jirto haweeney ka ganacsata caanaha ayaa ku dhaawacmay qarax ka dhashay bam gacmeed lagu weeraray gaari ay wateen ciidamada dowladda Soomaaliya oo marayay isgoyska KM-4 ee Muqdisho oo ah mid aad u mashquul badan.

9/27/2012 9:04 AM EST
Khamiis, September 27, 2012 (HOL) — Wasiirka Waxbarashadda iyo Tacliinta Sare ee Somaliland marwo: Samsam Cabdi Aadan, ayaa maanta si rasmi ah ugu dhawaaqay natiijadii imtixaanka shahaadiga ah ee dugsiyadda sare iyo kuwa dhexe/hoose.

9/27/2012 8:59 AM EST
Khamiis, September 27, 2012 (HOL) — Madaxweynaha Soomaaliya, Xasan Sheekh Maxamuud oo taleefoonka la iska arko uga qaybgalay shir looga hadlayay arrimaha Soomaaliya oo xalay ka dhacay magaalada New York ee dalka Mareykanka ayaa sheegay inay ka shaqeyn doonaan afarta sano ee soo socota sugidda ammaanka iyo dib u dhiska dalka.

9/27/2012 8:21 AM EST
Khamiis, September 27, 2012 (HOL) — Hay'adda nabadsugidda dowladda Federaalka Soomaaliya ayaa maanta soo bandhigtay 80 qof oo dhallinyaro ah, kuwaasoo lagu soo qabqabtay howgallo laga sameeyay degmooyinka Muqdisho 24-kii saac ee ugu dambeeyay.

9/27/2012 7:55 AM EST
Khamiis, September 27, 2012 (HOL) — Wararka laga helayo magaalada Gaalkacyo ee gobolka Mudug ayaa sheegaya in laba mid ah saraakiishii ururka Xisbul Islaam la qabtay shalay xilli ay ka dhoofayeen garoonka diyaaradaha ee Gaalkacyo, inkastoo wadahadallo dheer kaddib lasii daayay maanta.

9/27/2012 3:56 AM EST
Khamiis, September 27, 2012 (HOL) — Maamulka gobolka Hiiraan ayaa sheegay in ay wadaa qorsheyaal la doonayo in lagu xaqiijiyo amniga magaalada Baladweyne ee xarunta gobolka Hiiraan.

9/27/2012 3:53 AM EST
Khamiis, September 27, 2012 (HOL) — Xoghayaha guud ee Qaramada Midoobay, Ban Ki-Moon ayaa ammaanay horumarka dhinaca dimuqraadiyadda ah ee ay ku tallaabsatay Soomaaliya, isagoo beesha caalamka ugu yeeray inay sii wadaan gargaarkii ay siin jireen Soomaaliya.

9/27/2012 3:24 AM EST
Khamiis, September 27, 2012 (HOL) — Taliyaha booliiska gobolka Bay, Col. Mahad C/raxmaan ayaa saxaafadda u sheegay in dagaalyahanno ka tirsan Al-shabaab oo lagu helay dambiyadii lagu soo eedeeyay ay maxkamadda ciidamada qalabsida faraceeda Baydhab ay ku ridday xukunno kala duwan.

9/27/2012 3:13 AM EST
Khamiis, September 27, 2012 (HOL) — Wasiirka arrimaha gudaha Somaliland, Maxamed Nuur Caraale (Duur), ayaa maanta hortagay guddi hoosaadka Arrimaha gudaha iyo nabadgalyadda golaha Wakiiladda, kuwaas oo wax ka waydiiyey xaaladda amniga ee dalka, cafiskii uu u fidiyey dhalinyaradda Al-shabaab iyo inuu ka tirsan yahay ururka islaamiga ah ee Islaax.