3/28/2024
Today from Hiiraan Online:  _
Wararka Maanta- Isniin, Sept 24, 2012
Ciidammo kawada tirsan kuwa dowladda Soomaaliya oo ku dagaalamay Deegaanka Lafoole oo ee duleedka Magaalada Muqdisho
Isniin, September 24, 2012 (HOL) — Ugu yaraan laba askari oo ka tirsan ciidamada dowladda Soomaaliya ayaa ku dhintay iskahorimaad ka dhacay deegaanka Lafoole ee gobolka Shabeellada hoose, kaasoo u dhexeeyay ciidammo dowladda kawada tirsan.

Goobjoogayaal ku sugan deegaankaas oo 20-km dhinaca galbeed Muqdisho kaga beegan ayaa sheeagy sheegay inay arkeen maydadka labada askari, dagaalkuna uu socday muddo saacad ku dhow.

"Dagaalku wuxuu ahaa mid culus, waxaana dhintay laba askari oo ka tirsanaa kuwii dagaalamayay," ayuu yiri goobjooge ku sugan Lafoole, isagoo sheegay in dagaalka ay joojiyeen saraakiil ka tirsan ciidamada dowladda oo halkaas gaaray.

Saraakiisha dowladda weli kama hadlin sababta dagaalka dhalisay, balse dadka ku sugan deegaanka ayaa sheegay in ciidamada dowladdu ay isku khilaafeen isbaaro halkaas taallay oo gaadiidka looga qaadayay lacago.

Xaaladda ayaa hadda deggen, iyadoo ciidamadii dagaalamay goobta la qaaday, waxaana halkaas ku sugan ciidammo kale oo la socday saraakiishii ku guuleystay inay dagaalka joojiyaan.

Iskahorimaadkan ka dhashay isbaarada ay ciidamadu isku khilaafeen ayaa wuxuu kusoo beegmayaa xilli darawallada gaadiidka ay aad uga cabanayaan isbaarooyin ay ciidamada dowladdu lacago baad ah uga qaadaan, kuwaasoo kusoo badanayay jidka u dhexeeya Muqdisho iyo Afgooye.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/24/2012 11:20 AM EST
Isniin, September 24, 2012(HOL): 20-kii bishan waxaa Muqdisho ka dhacay labo qorax oo geystay khasaare aad u faro badan, waxaana qaraxyadaas ku dhintay dad badan oo ay ku jireen wariyayaal caan ah oo ka howl-gelayay TV-ga Qaranka iyo Idaacado Muqdisho ka howlagala, sidoo kalena waxaa ku dhaawacmay dad aad u badan oo sidoo kalena ay wariyayaal ka mid ahaayeen.

9/24/2012 7:03 AM EST
Isniin, September 24, 2012 (HOL) — Golaha Wakiiladda Somaliland,ayaa dood adag ka yeeshay xeerka guddida maamul-wanaagga iyo la dagaalanka musuqmaasuqu ay ku shaqayn lahaayeen.

9/24/2012 6:55 AM EST
Isniin, September 24, 2012 (HOL) — Xildhibaannada baarlamaanka Soomaaliya oo maanta kulan ku yeeshay Muqdisho ayaa waxay kaga hadleen waxyaabihii tan iyo markii la dhisay u qabsoomay, iyadoo sidoo kale la dhaariyay maanta labadii mudane ee ugu dambeeyay baarlamaanka, kuwaasoo buuxiyay kuraasta baarlamaanka.

9/24/2012 6:54 AM EST
Isniin, September 24, 2012 (HOL) — Kulan looga hadlayay qaabka lagu badbaadin karo amaba looga hortegi karo boobka kooxda loo geysto raashinka gargaarka ah ee loogu talogalay dadka dhibaateysan ayaa ka dhacay Magaalada Muqdisho, kaasoo ay soo agaasiintay hay'adda CCD.

9/24/2012 3:05 AM EST
Isniin, September 24, 2012 (HOL) — Xildhibaannada baarlamaanka Soomaaliya ayaa kulan ku yeelanaya maanta xarunta golaha shacabka ee Muqdisho, kaasoo aan la ogeyn ajandayaasha ay uga hadli doonaan.

9/24/2012 2:59 AM EST
Isniin, September 24, 2012 (HOL) — Dowladda Soomaaliya ayaa la wareejiyay deeq bani'aadamnimo oo shacabka dalka Ciraaq ay ugu deeqeen shacabka Soomaaliyeed, iyadoo markabka waday deeqdan oo culeyskeedu yahay 13,500 tan uu shalay oo Axad ahayd kusoo xirtay dekedda Muqdisho.

9/24/2012 2:42 AM EST
Isniin, September 24, 2012 (HOL) — Dowladda Itoobiya ayaa qorsheysanaysa inay dalka Soomaaliya u soo dirto kumannaan askari oo ay ku xoojinayso ciidamadii kaga sugnaa Soomaaliya si ay gacan uga siiyaan dowladda Soomaaliya dadaalka ay nabadda dalka kusoo celinayso.

9/24/2012 2:31 AM EST
Isniin, September 24, 2012 (HOL) — Ra'iisul wasaaraha Soomaaliya ee waqtigiisu dhammaadka yahay, C/weli Maxamed Cali ayaa xarunta Qaramada Midoobay ay ku leedahay magaalada New York ee dalka Mareykanka, isagoo Soomaaliya ku matalaya shirkaas.

9/24/2012 2:19 AM EST
Isniin, September 24, 2012 (HOL) — Ciidamada Kenya ee qaybta ka ah howgalka Midowga Afrika ee AMISOM ayaa shacab Soomaaliyeed oo xoolo dhaqato ah ku laayay deegaanka Janaay-Cabdala oo ka tirsan gobolka Jubbada Hoose, sida uu saxaafadda u xaqiijiyay afhayeenka ciidamada dowladda ee Jubbooyinka, Col. Aadan Axmed Xirsi (Rufle).