9/30/2022
Today from Hiiraan Online:  _
Wararka Maanta- Sabti, Sept 22, 2012
Ciidamo ka socda Dalka Jabuuti ee Qeybta ka ah Howlgalka Midowga Afrika ee AMISOM oo gaaray Magaalada Baladweyne


Sabti, September 22, 2012 (HOL) — Ciidamo ka socda dalka Jabuuti ee qeybta ka ah howlgalka midowgga Africa AMISOM kuna qalabeysan gadiidka dagaallka ayaa maanta gaaray magaalada Baladweyne ee xarunta gobollka Hiiraan.

Col. Cismaan Dubad oo horkacayay ciidamada oo warbaahinta la hadllay ayaa sheegay in ciidamadan qeyb ka yihiin howlgalka midowgga Africa ee AMISOM, islamarkaana ka qeyb-qaadan doonaan sugida amniga guud ahaan gobollka, gaar ahaan magaalada Baladweyne.

"Sida aad arkeysaan ciidamadu waxaa ay wataan saanad militari oo ay ku jiraan gadiidkii dagaallka, socod dheer ayeey soo galeen oo dhulka ah, waxaana ay u socdaan sidii ay qeyb uga noqon lahaayeen howlgalka guud ahaan laga wado dalka Soomaaliya ee midowgga Africa ‘’’AMISOM’’ si gaar ah gobollka Hiiraan ayeey ciidamada uga howlgali doonaan, wali waxaa jira tiro ciidamada ka tirsan oo dhiman iyaguna maalmaha soo socda ayaa la keeni doonaa," ayuu yiri Col. Cismaan Dubad.


Waxaa uu sheegay marka laga soo tago howlgalka AMISOM sidoo kale ciidamada Jabuuti ee maanta gaaray magaalada Baladweyne qeyb ka qaadan doonaan soo celinta adeegyadii bulshada, sida caafimaadka, kaabayaashii dhaqallaha, iyo gargaarka la gaarsiinayo dadka dhibaateysan.

"Ciidamadan ma’aha oo kaliya kuwo u socda howlgal militari, waayo waa ciidamo ku magacaaban HIIL Walaal, sidaa daraadeed waxaa ay gacan buuxda ka geysan doonaan dib u soo celinta adeegyadii bulshada, laakiin waxaan awoodeena marka hore isugu geyn doonaan sugida amniga," ayuu yiri hadalkisa raaciyay.

Ciidamadan oo ku hubeysan gadiidka dagaallka iyo qalab militari oo aad u xoogan ayaa fariisimo ka dhigtay duleedka Bari ee magaalada oo ay horay u sii joogeen tiro ciidamo Jabuuti ka socda oo dhowr bilood ka hor gaaray magaalada Baladweyne.

Dhinaca kale Afhayeenka maamulka gobollka Hiiraan Max’ed Nuur Caga-joog oo isgana la hadllay HOL waxaa uu sheegay in saacadaha soo socda uu bilaaban doono howlgal laga fulinayo degmooyinka ay gacanta ku hayaan xoogagga Al-shabaab, gaar ahaan degmada Buula-burte oo ah degmada labaad ee ugu weyn gobollka marka laga soo tago magaalada Baladweyne.


C/raxmaan Diini, Hiiraan Online
[email protected]
Baladweyne, Soomaaliya













Click here
9/22/2012 1:47 PM EST
Sabti, September 22, 2012(HOL): Waxaa goor dhaweyd magaalada Muqdisho ee caasimadda dalka Soomaaliya lagu dilay xildhibaankii ugu horreysay oo ka tirsan Dowladda Soomaaliya, kaasi oo ay toogteen kooxo hubeysan.

9/22/2012 10:50 AM EST
Sabti, september 22, 2012(HOL): Munaasabad si weyn loo soo agaasimay oo ay ka qeybgaleen dad aad u faro badan, isla markaana lagu taageerayay isbedelka ka dhacay dalka Soomaaliya ayaa lagu qabtay magaalada Stockholm ee caasimadda dalka Sweden.

9/22/2012 10:41 AM EST
Sabti, September 22, 2012 (HOL) — Wasiirka Arrimaha gudaha Somaliland, Md: Maxamed Nuur Caraale (Duur), ayaa sheegay in doorashadii ka dhacday Soomaaliya ay xukuumadda Raad ku lahayd si ay madaxtinimadda ugu usoo baxdo dad ay wada hadli karaan.

9/22/2012 10:31 AM EST
Sabti, September 22, 2012 (HOL) — Madaxweynaha Somaliland Md: Axmed Maxamed Maxamuud (Siillaanyo), ayaa tacsi u diray fanaankii weynaa ee Faysal Cumar Mushteeg oo shalay aas qaran loogu sameeyey magaaladda Hargeysa.

9/22/2012 10:25 AM EST
Sabti, September 22, 2012 (HOL) — Madaxweynaha Soomaaliya, Xasan Sheekh Maxamuud ayaa Muqdisho kula kulmay maanta ergayga cusub ee Midowga Yurub ay u soo magcowday Soomaaliya, Michele Cervone D'Urso iyagoo kulankooda kaga hadlay arrimo ay ka mid yihiin dib u qaabeynta hay'adaha dowladda.

9/22/2012 10:21 AM EST
Sabti, September 22, 2012 (HOL) — Waxaa maanta dib xoriyadiisii u helay Bile Maxamuud Qabowsade oo ah siyaasi horay xilal kala duwan uga soo qabtay maamulka Puntland, kadib markii uu mudo 5-bilood ka badan ku jirey xabsiga weyn ee magaalada Boosaaso.

9/22/2012 10:12 AM EST
Sabti, September 22, 2012 (HOL) — Ergayga ururka Midowga Afrika ee arrimaha Soomaaliya, dajire Abuubakar Gaoussou Diarra ayaa sheegay inay ciqaabayaan askarigii ka tirsan ciidamada AMISOM ee lagu helo inuu dhibaato u geystay shacabka, isagoo ugu baaqay ciidamada kale ee Soomaaliya ku sugan in iyaguna aysan dhibaateyn shacabka.

9/22/2012 3:58 AM EST
Sabti, September 22, 2012 (HOL) — Xulka Kubada cagta Soomaaliya ee da’doodu ka yar tahay 17-ka sano ayaa jimcihii shalay xulka dhigooda ee Suudadn ka badiyay, kaddib markii ay dhexmartay ciyaar ciyaar ka tirsanayd is-reeb-reebka cayaaraha dhallinyarada qaarada Afrika taasoo ka dhacay magaalada Khartuum ee dalka Suudaan.

9/22/2012 3:34 AM EST
Sabti, September 22, 2012 (HOL) — Ciidamada dowladda Soomaaliya oo garab ka helaya kuwa AMISOM ayaa gaaray deegaanka Booroow oo 17-km koonfur kaga beegan degmada Jowhar ee xarunta gobolka Shabeellada dhexe, iyadoo gudaha degmadaas laga dareemayo dhaqdhaqaaqyo ciidan oo ay wadaan xoogagga Al-shabaab.

9/22/2012 3:18 AM EST
Sabti, September 22, 2012 (HOL) — Ugu yaraan laba qof oo shacab ah ayaa xalay lagu dilay degmada Boondheere ee gobolka Banaadir, iyadoo ciidamada booliiska ee ku sugan degmadaas ay sheegeen inay qabteen ruuxii dilka labada qof geystay.

9/22/2012 3:17 AM EST
Sabti, September 22, 2012 (HOL) — Todobo qof oo ay ku jiraan afar sarkaal oo ka tirsan ciidamada Kenya ee loo yaqaan GSU (General Service Unit) ayaa ku dhawacantay laba qarax oo ka dhacay magaalada Garissa ee gobolka waqooyi bari Kenya.