5/25/2022
Today from Hiiraan Online:  _
Wararka Maanta- Jimco, Sept 21, 2012
Mareykanka oo hadlay Dagaallada Jubbooyinka ee Kenya ay ku doonayso inay ku qabsato Magaalada Kismaayo
Jimco, September 21, 2012 (HOL) — Dowladda Mareykanka ayaa ka hadashay dagaalka lagula jiro Al-shabaab ee ka socda Jubbooyinka, kuwaasoo lagu doonayo in lagu qabsado magaalada Kismaayo ee xarunta gobolka Jubbada Hoose.

Kaaliyaha xogyahaha arrimaha dibadda ee Mareykanka u qaabilsan arrimaha Afrika Johnnie Carson ayaa sheegay in ciidamada Kenya ay sameeyeen horumar weyn oo ay ku doonayaan inay ku qabsadaan magaalada ugu weyn ee ku hartay gacanta Al-shabaab.

"Ciidamada Kenya waxay u muuqdaan kuwo horumar weyn ka sameeyay dagaalka ay kula jiraan Al-shabaab, waxaana rumeysannahay in haddii magaalada Kismaayo ay qabsadaan ay tahay guul weyn oo ay gaareen ciidamada AMISOM," ayuu yiri Carson.

Sidoo kale, mas'uulkan u hadlay Mareykanka wuxuu sheegay in dagaallada ay Kenya ku doonayso inay ku qabsato Kismaayo ay qayb ka yihiin horumarka ay AMISOM ka sameysaynayso Soomaaliya, kuwaasoo lagu riixayo Al-shabaab.

"Waxaan aragnaa in magaalada Muqdisho oo ah caasimadda Soomaaliya ay gacanta ugu jirto dowladda Soomaaliya, laguna dhisayo baarlamaan uu dalku yeelanayo, sidoo kalena lagu soo doortay madaxda dalka, tanina waxay ka mid tahay guulaha ay gaareen ciidamaa AMISOM," ayuu Carson hadalkiisa ku daray.

Hadalka kasoo baxay sarkaalkan ayaa wuxuu kusoo beegmayaa iyadoo Al-shabaab ay sheegayso inay difaacanayso magaalada Kismaayo oo ah magaalada ugu weyn Koonfurta Soomaaliya oo ay gacanta ku hayaan, waxayna sheegeen inay dagaalami doonaan inta ay ka dhimanayaan.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/21/2012 8:50 AM EST
Kooxo bastoolado ku hubaysan ayaa toogtay wariye Xassan Yuusuf Absuge oo kamid ahaa warfidiyeenka ka hawlgala magaalada Muqdisho.

9/21/2012 6:16 AM EST
Jimco, September 21, 2012(HOL): Xarunta Dr. Ismaaciil Jimcaale Cosoble ee xuquuqda aadanaha ayaa cambaareyn kulul dusha uga tuurtay ciddii ka dambeysay qaraxii lagu halaagmay ee shalay ka dhacay Magaalada Muqdisho, waxaana warsaxaafadeed ka soo baxay xarunta oo la soo gaariiyay HOL uu u qornaa sidan:

9/21/2012 4:46 AM EST
Jimco, September 21, 2012 (HOL) — Warieyaashii ku dhintay Qaraxyadii shalay ka dhacay Muqdisho ayaa lagu wadaa in maanta lagu aaso Muqdisho, iyadoo tani ay ka dhigayso tirada wariyeyaasha lagu dilay sannadkan Soomaaliya 12-wariye oo intooda badan ku dhintay Muqdisho.

9/21/2012 4:15 AM EST
Jimco, September 21, 2012 (HOL) — Madaxweynaha Soomaaliya, Xasan Sheekh Maxamuud ayaa si adag u cambaareeyay weerarradii Ismiidaaminta ahaa ee xalay ka dhacay maqaayad shaaha lagu cabo oo ku dhow madaxtooyada Soomaaliya ee Muqdisho, wuxuuna ku tilmaamay kuwo fulaynimo ah oo lagu dilay dad aan waxba galabsan.

9/21/2012 4:13 AM EST
Jimco, September 21, 2012 (HOL) — Tirada dadkii ku dhintay qaraxyadii xalay ka dhacay Muqdisho ayaa aad u sii kordhay, iyadoo tiradu ay haadda marayso 22-qof oo shacab u badnaa, iyadoo aysan weli ka hadlin weerarkan Xarakada Al-shabaab oo ay dowladdu ku eedeysay.

9/21/2012 4:12 AM EST
Jimco, September 21, 2012 (HOL) — Alle ha u naxariistee fannaankii weynaa ee Faysal Cumar Mushteek ayaa xalay goor dambe ku geeriyooday jidka isku xidha Magaalada Hargeysa iyo Berbera dhexdoodda oo la doonayey in dhakhtar dibadeed loo diro.