6/24/2022
Today from Hiiraan Online:  _
Wararka Maanta- Talaado, Sept 11, 2012
Soomaalida ku Nool Magaalada Nairobi oo si diiran usoo dhaweeyay Madaxweynaha Cusub ee Soomaaliya (DAAWO VIDEO)

Talaado, September 11, 2012(HOL): Shacabka ku dhaqan xaafadda ay Soomaalidu ku badantahay ee Eastleigh ayaa si diiran usoo dhaweeyay madaxweeynaha cusub ee Jamhuuriyadda Federaalka Soomaaliya Mudane Xasan Sheekh Max'uud.

 

Dadkan ayaa sheegay in madaxweeynahani cusub uu yahay nin aqoonyahan ah islamarkaasina waxweyn ka badali kara marxaladda uu haatan ku suganyahay dalka, iyagoo sidoo kalena rajo wanaagsan ka muujiyay mustaqbalka Soomaaliya.

 

"Doorashada xalay dhacday ee baarlmanka Soomaaliyeed uu ku doortay Xasan Sheekh Max'uud si xalaal ah ayay u dhacday, hadaan nahay shacabka Soomaaliyeed ee ku dhaqan magaalada Nairobi aad ayaan usoo dhaweyneynaa," sida waxa jiri Salaad Sheekh Max'ed oo kamid ah ganacsatada xaafadda Eastleigh.

 

Sidoo kale dadweeynihii aynu la dhexmarnay mikrafoonka ayaa muujinayay sida ay ugu faraxasanyihiin madaxweeynaha cusub ee Jamhuuriayadda Federaalka Soomaaliya, waxa ayna dhamaantoodba rajo wanaagsan ka muujinayeen xaaladda dalka Soomaaliya iyo weliba in dalku ka gudbay marxaladii adkayd ee laga dhaxlay dagaalladii sokeeye iyo weliba maamul xumida.

 

Shacabka Soomaaliyeed ee ku dhaqan dalka gudihiisa iyo dibadiisa ayaa si wadajir ah waxa ay usoo dhaweeyeen doorashadii madaxtinimo ee uu ku guuleeystay Prof. Xasan Sheekh Max'uud oo isagu wareegii ugu danbeeyay ee codeynta doorashada uga guuleeystay Madaxweeynihii hore ee dowladda KMG Mudane Sheekh Shariif Sheekh Axmed.

 

Hadaba hoos ka daawo qaar kamid dadka ku dhaqan Magaalada Nairobi oo fikirkooda ka dhiibanaya sida ay u arkaan doorashadii ka dhacday magaalada Muqdisho.

 

Xasan Nuur, Hiiraan Online

[email protected]

Kismaayo, Soomaaliya













Click here
9/11/2012 5:39 PM EST
Talaado, September , 11, 2012 (HOL)-Madaxweynaha Somaliland Md: Axmed Maxamed Maxamuud Siillaanyo, ayaa u hambalyeeyey madaxweynaha cusub ee Soomaaliya Md: Xasan Sheekh Maxamuud, waxaanu sidoo kale hambalyo klae u diray madaxweynihii tartanka lagaga guulaystay ee Sheekh Shariif Sh. Axmed oo Aqlabay natiijaddii doorashadda ka soo baxday.

9/11/2012 5:36 PM EST
Talaado, September , 11, 2012 (HOL)-Dadweynaha Somaliland oo maalmihii u dambeeyey hadal hayey doorashaddii ka dhacaysay magaaladda Muqdisho ayaa mucjiso ku tilmaamay madaxweynaha cusub ee ka soo dhexbaxay musharaxiintii badnaa, iyago intooda badani u saadaalinayey musharaxiin kale inay u dhow yihiin inay tartanka ku guulaystaan.

9/11/2012 9:34 AM EST
Talaado, September, 11, 2012 (HOL)- Jaamacadda Geeska (International Horn University) ( IHU), ayaa waxa ka qalinjabiyey dufcadii 3aad oo kuuliyaddo kala duwan ka baxay, waxaana kuuliyadaha kala duwan ugu muhiimsanaa kuuliyadda quraanka kariimka ah oo markii ugu horaysay 49 arday ka qalinjabiyeen oo ka mid ah 130 ka arday ee jaamacadda ka baxay.

9/11/2012 7:20 AM EST
Talaado, September 11, 2012 (HOL) — Madaxweynihii hore ee Soomaaliya, Shariif Sheekh Axmed ayaa sheegay inuu aqbalay natiijadii doorashada madaxweynenimo ee Soomaaliya, taasoo looga guuleystay, wuxuuna xusay inuu la shaqeyn doono dowladda cusub ee la dhisayo.

9/11/2012 7:09 AM EST
Talaado, September 11, 2012 (HOL) — Dibadbax lagu taageerayo madaxweynaha cusub ee jamhuuriyadda federaalka Soomaaliya ayaa maanta ka dhacay degmada Balcad ee gobolka Shabeellada dhexe, iyadoo ay halkaas isugu soo baxeen kumannaan qof.

9/11/2012 7:06 AM EST
Talaado, September 11, 2012 (HOL) — Dagaal culus oo u dhexeeya ciidamada dowladda KMG, kuwa Raaskaambooni iyo Militariga Kenya oo isgarabsanaya iyo Xarakada Al-shabaab ayaa goordhow ka qarxay deegaan lagu magacaabo harboole oo hoostaga Degmada Afmadow ee gobolka jubada hoose.

9/11/2012 7:03 AM EST
Talaado, September 11, 2012 (HOL) — Laga soo bilaabo subaxnimadii hore ee maalintii shalay ilaa laga soo gaaro fiidnimadii xalay dadka ku dhaqan magaalada Baladweyne ee xarunta gobollka Hiiraan waxaa ay siweyn ugu mashquulsanaayeen la socoshada doorashadii ka dhacday magaalada Muqdisho, iyaga oo si toos ah ugala socday qalabka warbaahinta sida TV-da iyo Idaacadaha oo si toos ah u soo gudbinayay.

9/11/2012 4:07 AM EST
Talaado, September 11, 2012 (HOL) — Qaramada Midoobay, Marekanka iyo Midowga Afrika ayaa si isku mid ah u soo dhaweeyay doorashada madaxweynaha cusub ee Soomaaliya, Xasan Sheekh Maxamuud iyagoo ku tilmaamay doorashadiisa tallaabo horay loo qaaday.