6/26/2022
Today from Hiiraan Online:  _
Wararka Maanta- Isniin, Sept 10, 2012
Dabaaldagyo lagu soo dhawaynayo madaxweynaha cusub oo laga dareemay Muqdisho iyo Puntland oo u hambalyaysay
HOL.jpg

Isniin, September 10, 2012(HOL) - Kadib markii ay baarlamaanka Soomaaliya si aqlabiyad ah ugu codeeyeen madaxweynaha cusub ee Soomaaliya Xassan Sheekh Maxamuud ayaa magaalada Muqdisho laga maqlay sawaxanka rasaasta.

Qaar kamid ah dadweynaha ayaa kor u riday xabado ay ugu dabaal dagayaan doorashadii caawa soo gabagabooday ee lagu soo doortay madaxweynaha cusub ee Soomaaliya.

Inkastoo la xiray wadooyinka caasimada oo dhan oo jidgooyooyin ay dhigteen ciidamada ammaanka ayaa hadana dadweynuhu ay muujiyeen farxadooda ku aadan doorashada sida nabadgalyada ah uga dhacday magaalada Muqdisho.

Dadweynaha ayaa malaysan waayay khudbadii uu ku qiray in laga guulaystay madaxweynihii hore ee Soomaaliya Shariif Sheekh Axmed, taasoo aan looga baran hogaamiyayaasha Afrikaanka ah, keentayna inay walaaca ka saarto dadweynaha caasimada.

HOL9.jpg

Madaxweyne Sheekh Shariif oo si wayn loogu sacabiyay ayaa sheegay inuu u hambalyaynayo madaxweynaha cusub doorashaduna ay ahayd mid xaq iyo xalaal u dhacday.

Madaxweynaha dawlad goboleedka Soomaaliyeed ee Puntland C/raxmaan Sheekh Maxamed Faroole aayaa isna bogaadiyay madaxweynaha cusub, isagoo sheegay inuu yahay aqoonyahan dhalinyaro ah,ayna la shaqayn doonaan.

Doorashadii maanta ka dhacday Soomaaliya ayaa taariikhda gali doonta, iyadoo 43 sannadood kadib ay awooda dalka si nabad ah ula kala wareegeen labada madaxweyne, gudaha magaalada Muqdisho.

Waxaa lagu wadaa in maalmaha soo socda ay ka dhacdo Muqdisho xaflad lagu caleema saarayo madaxweynaha cusub sida uu shaaciyay gudoomiyaha baarlamaanka Maxamed Sheekh Cismaan Jawaarii.

Soomaaliya ayaa u muuqata inuu u bilowday bog cusub kadib markii meesha laga saaray madaxdii hogaaminaysay DKMG ahayd ee wakhtigeedii dhammaaday.

HOL12.jpg
HOL3.jpg
HOL4.jpg
HOL11.jpg
HOL2.jpg
HOL5.jpg
HOL6.jpg
HOL7.jpg
HOL8.jpg
HOL10.jpg

Axmed C/samad, Hiiraan Online
[email protected]
Muqdisho , Soomaaliya












Click here
9/10/2012 2:10 PM EST
Isniin, September 10, 2012(HOL): Waxaa si aqlabiyad leh ugu guuleystay madaxweynenimada Soomaaliya Xasan Shiikh Maxamuud oo wareeggii ugu dambeeyay ee doorashada madaxweynenimada uga adkaaday Madaxweynihii hore Shiikh Shariif Shiikh Axmed.

9/10/2012 7:50 AM EST
Isniin, September 10, 2012 (HOL) — Xildhibaannadii horay loogu diiday inay ka mid noqon doonaan baarlamaanka Soomaaliya oo ay ku jiraan hoggaamiye kooxeedyadii hore ee Soomaaliya ayaa la dhaariyay maanta si ay uga qaybgalaan doorashada madaxweynenimo ee Soomaaliya.

9/10/2012 7:35 AM EST
Isniin, September 10, 2012 (HOL) — Hay'adaha CPD iyo SOYDEN oo ka shaqeeya arrimaha horumarinta dhallinyarada ayaa soo gabgabeeyay tababar muddo sideed bilood socday oo lagu tababarayay dhallinyaro ay saameyn ku yeesheen colaadaha dalka ka jira.

9/10/2012 7:10 AM EST
Isniin, September 10, 2012 (HOL) — Musharaxa xisbiga madaxweyne ee xisbiga UDUB, ayaa sheegay inay ka qaybgali doonin doorashooyinka golaha deegaanka, isla markaana xusay inuu maxkamadda u gudbin doono dacwad ka dhan ah guddidda Diiwaangelinta ururadda.

9/10/2012 6:13 AM EST
Isniin, September 10, 2012 (HOL) — Murashaxiin ka mid ahaa kuwii u tartamaya xilka madaxnimo ee Soomaaliya ayaa ku dhawaaqay inay tanaasuleen, iyagoo aan sheegin sababaha ku kallifay inay tanaasul sameeyaan.

9/10/2012 5:30 AM EST
Isniin, September 10, 2012 (HOL) — Markab ay leeyihiin ciidamada NATO ee howlgalka la dagaalanka burcad-badeedda u jooga xeebaha dalka Soomaailya, gaar ahaan kuwa Puntland ayaa soo badbaadiyey koox tahriibeyaal ah oo isugu jira Soomaali iyo Itoobiyaan, kuwaas oo muddo dhowr beri ah badda saarnaa, kadib markii ay ciladi soo food saartay doon yar oo ay ku safrayeen.

9/10/2012 5:26 AM EST
Isniin, September 10, 2012 (HOL) — Iyadoo la filayo in maanta magaalada Muqdisho ay ka dhacdo doorashada madaxtinimo ee Soomaaliya oo ay u taaganyihiin ku dhowaad ilaa 25 musharax ayaa Soomaalida ku dhaqan dalka gudihiisa iyo dibadiisa waxa ay isha ku hayaan warbaahinta Soomaalida ee soo tabinaysa qaabka ay u dhaceyso doorashada.

9/10/2012 4:28 AM EST
Isniin, September 10, 2012(HOL): Waxaa la soo gebagebeeyay wareegga koowaad ee doorashada madaxweynenimada Soomaaliya oo maanta mudanayaasha baarlamaanka Soomaaliya ku kala dooranayeen musharraxiin isu soo taagay xilka madaxweynenimada Soomaaliya.

9/10/2012 3:16 AM EST
Isniin, September 10, 2012 (HOL) — Shacabka Soomaaliyeed ee ku nool gudaha iyo dibadda dalka ayaa rajo wanaagsan ka muujiyay doorashada maanta Muqdisho ka dhacaysa ee lagu soo dooranayo madaxweynaha hoggaamin doona dalka muddo dheer kaddib.

9/10/2012 2:54 AM EST
Isniin, September 10, 2012 (HOL) — Xildhibaannada baarlamaanka Soomaaliya ayaa maanta oo Isniin ah dooran doona madaxweynihii dalka hoggaamin lahaa afarta sano ee soo socota, iyadoo doorahadan ay noqonayso tii ugu horreysay oo dalka ka dhacda muddo afartameeyo sano ka badan.