Wararka Maanta: Isniin, Sept 10, 2012-Ciidamada NATO ee ku sugan xeebaha Somalia oo Tahriibayaal ay soo Badbaadiyeen kusoo Wareejiyay Puntland

Ciidamada NATO ee ku sugan xeebaha Somalia oo Tahriibayaal ay soo Badbaadiyeen kusoo Wareejiyay Puntland

Isniin, September 10, 2012 (HOL) — Markab ay leeyihiin ciidamada NATO ee howlgalka la dagaalanka burcad-badeedda u jooga xeebaha dalka Soomaailya, gaar ahaan kuwa Puntland ayaa soo badbaadiyey koox tahriibeyaal ah oo isugu jira Soomaali iyo Itoobiyaan, kuwaas oo muddo dhowr beri ah badda saarnaa, kadib markii ay ciladi soo food saartay doon yar oo ay ku safrayeen.

Dadkan oo ay tiradoodu tahay 68 qof, islamarkaana ay diif aad u xoogani ka muuqatey ayaa waxaa gudaha dekedda kula wareegey taliska Booliska ee gobolka Bari, iyagoo intaas kadibna saxaafadda uga warbixiyey qaabka uu howlgalkii lagu soo badbaadiyey ku dhacay iyo weliba sida arintooda laga yeelayo.

Taliye ku-xigeenka qaybta Booliska gobolka Bari Axmed Yuusuf Muuse (Jaqanaf) ayaa sheegay in dadkan oo markoodii hore ka baxay deegaanka (Buruc iyo Bacaad) oo qiyaastii 10km magaalada Boosaaso dhinaca bariga kaga beegan ay muddo 4 beri ah badda saarnaayeen, lagana soo helay meel u dhow magaalada Cadan ee dalka Yemen.

Wuxuuna intaas ku daray in daryeel wanaagsan oo quudin iyo mid caafimaad isugu jira loo fidin doono, islamarkaana loo diyaariyey goobo ay ku nastaan inta ay kasoo kabsanayaan dhibaatadii soo gaartay mudadii ay badda dul sabeynayeen.

Sidoo kale waxaa xabsiga loo taxaabay 4 nin oo dadkaas kamid ah, kadib markii ay Boolisku ogaadeen in ay yihiin kuwii doonta wadey ee wax tahriibinayey, waxaana la sheegay in dhowaan maxkamad lasoo taagi doono.

Ciidamada NATO ayaa dhinaca kale howlo caafimaad oo baaritaan iyo daaweyn isugu jira ka fuliyey degmooyin ka tirsan gobolka Bari, waxayna noqonaysaa markii ugu horeysey ee ay dhinaca beriga soo gaaraan.

Ololahan caafimaad oo ay ka faa'iideysteen dad ay tiradoodu 100 kor u dhaafeyso ayaa sida uu sheegay agaasimaha guud ee howlgalada la dagaalanka Burcad-badeeda Puntland wuxuu yimid kadib markii ay is afgarad arintaas la xiriira wada gareen Puntland iyo hogaanka ciidamada NATO.

Safarada tahriibta oo ah kuwo ay khatar badani ku dheehan tahay, islamarkaana ay dowladda Puntland dadaal badan u gashay sidii ay u joojin lahayd ayaa u muuqda kuwo sidii aad ah hoos ugu dhacay intii lagu guda jirey sanadkan 2012.

Maxamed Salaad Xaaji Dirir, Hiiraan Online
[email protected]
Puntland, Soomaaliya

Dabaaldagyo lagu soo dhawaynayo madaxweynaha cusub oo laga dareemay Muqdisho iyo Puntland oo u hambalyaysay

9/10/2012 6:47 PM EST

Kadib markii ay baarlamaanka Soomaaliya si aqlabiyad ah ugu codeeyeen madaxweynaha cusub ee Soomaaliya Xassan Sheekh Maxamuud ayaa magaalada Muqdisho laga maqlay sawaxanka rasaasta.

Xasan Shiikh Maxamuud oo ku guuleystay doorashadii Madaxweynenimada Soomaaliya

9/10/2012 2:10 PM EST

Isniin, September 10, 2012(HOL): Waxaa si aqlabiyad leh ugu guuleystay madaxweynenimada Soomaaliya Xasan Shiikh Maxamuud oo wareeggii ugu dambeeyay ee doorashada madaxweynenimada uga adkaaday Madaxweynihii hore Shiikh Shariif Shiikh Axmed.

Xildhibaannadii horay loogu diiday inay Baarlamaanka ka mid noqdaan oo Maanta la dhaariyay si ay doorashada uga Qaybgalaan

9/10/2012 7:50 AM EST

Isniin, September 10, 2012 (HOL) — Xildhibaannadii horay loogu diiday inay ka mid noqon doonaan baarlamaanka Soomaaliya oo ay ku jiraan hoggaamiye kooxeedyadii hore ee Soomaaliya ayaa la dhaariyay maanta si ay uga qaybgalaan doorashada madaxweynenimo ee Soomaaliya.

Hay'adaha CPD iyo SOYDEN oo soo gabgabeeyay Barnaamij Tababarro lagu siinayay Dhalinyaro isugu jiray Gabdho iyo Wiilal

9/10/2012 7:35 AM EST

Isniin, September 10, 2012 (HOL) — Hay'adaha CPD iyo SOYDEN oo ka shaqeeya arrimaha horumarinta dhallinyarada ayaa soo gabgabeeyay tababar muddo sideed bilood socday oo lagu tababarayay dhallinyaro ay saameyn ku yeesheen colaadaha dalka ka jira.

Xisbiga UDUB oo Qaadacday ka qayb-galka Doorashada golaha Deegaanka, sheegayna inay Maxkamada dacwad u gudbinayaan

9/10/2012 7:10 AM EST

Isniin, September 10, 2012 (HOL) — Musharaxa xisbiga madaxweyne ee xisbiga UDUB, ayaa sheegay inay ka qaybgali doonin doorashooyinka golaha deegaanka, isla markaana xusay inuu maxkamadda u gudbin doono dacwad ka dhan ah guddidda Diiwaangelinta ururadda.

Murashaxiin ka Tanaasulay ka Qaybgalka Doorashada Madaxweynenimo ee Somalia intii aysan doorashadu billaaban

9/10/2012 6:13 AM EST

Isniin, September 10, 2012 (HOL) — Murashaxiin ka mid ahaa kuwii u tartamaya xilka madaxnimo ee Soomaaliya ayaa ku dhawaaqay inay tanaasuleen, iyagoo aan sheegin sababaha ku kallifay inay tanaasul sameeyaan.

Soomaalida ku nool caalamka dacalladiisa oo isha ku haya doorashada Madaxnimo ee Maanta ka dhacaysa Magaalada Muqdisho

9/10/2012 5:26 AM EST

Isniin, September 10, 2012 (HOL) — Iyadoo la filayo in maanta magaalada Muqdisho ay ka dhacdo doorashada madaxtinimo ee Soomaaliya oo ay u taaganyihiin ku dhowaad ilaa 25 musharax ayaa Soomaalida ku dhaqan dalka gudihiisa iyo dibadiisa waxa ay isha ku hayaan warbaahinta Soomaalida ee soo tabinaysa qaabka ay u dhaceyso doorashada.

Natiijada wareeggii koowaad iyo wareegga labaad oo soo gabagaboobay (C/weli Gaas iyo C/qaadir Cosoble) oo iska casilay wareega seddexaad

9/10/2012 4:28 AM EST

Isniin, September 10, 2012(HOL): Waxaa la soo gebagebeeyay wareegga koowaad ee doorashada madaxweynenimada Soomaaliya oo maanta mudanayaasha baarlamaanka Soomaaliya ku kala dooranayeen musharraxiin isu soo taagay xilka madaxweynenimada Soomaaliya.

Shacabka Soomaaliyeed oo Doorashada Maanta dhacaysa ku tilmaamay mid Taariikhi ah Rajo wanaagsanna muujiyay

9/10/2012 3:16 AM EST

Isniin, September 10, 2012 (HOL) — Shacabka Soomaaliyeed ee ku nool gudaha iyo dibadda dalka ayaa rajo wanaagsan ka muujiyay doorashada maanta Muqdisho ka dhacaysa ee lagu soo dooranayo madaxweynaha hoggaamin doona dalka muddo dheer kaddib.

Xildhibaannada Baarlamaanka Soomaaliya oo maanta dooranaya Madaxweyne Afarta sano ee soo socota hoggaamiya dalka

9/10/2012 2:54 AM EST

Isniin, September 10, 2012 (HOL) — Xildhibaannada baarlamaanka Soomaaliya ayaa maanta oo Isniin ah dooran doona madaxweynihii dalka hoggaamin lahaa afarta sano ee soo socota, iyadoo doorahadan ay noqonayso tii ugu horreysay oo dalka ka dhacda muddo afartameeyo sano ka badan.

Somali News

Hassan Shiekh Mahamud: Personal Profile -HOL

9/10/2012 10:10 PM EST

Name : Hassan Shiekh Mahamud Date of Birth : Nov. 29, 1955 Place of Birth : Jalalaqsi, Somalia Marital Status : Married with Children...

AU Deputy Special Representative congratulates newly elected Somali president -AMISOM

9/10/2012 8:50 PM EST

Mogadishu‐September 10th, 2012; The Deputy Special Representative of the Chairperson of the African Union Commission (DSRCC) for Somalia, Honorable Wafula Wamunyinyi has congratulated His Excellency

Somalis celebrate as new president elected -Toronto Star

9/10/2012 8:25 PM EST

Somalia has a new president after the country’s members of parliament failed to support incumbent Sheikh Sharif Sheikh Ahmed, whose leadership had been mired in accusations of corruption, but who nevertheless was widely predicted to win Monday’s vote.

Somalia’s Most Qualified Parliament -UNPOS

9/10/2012 3:30 AM EST

Mogadishu - There is an air of excitement as we draw closer to one of the most important dates in the history of Somali politics. Despite the many challenges leading up to the end of the transitional period, there is great pleasure in knowing that the legislative arm of Somalia’s new government sits many of the country’s most highly qualified people

Kenya taken to task over Kismayu civilian deaths -Daily Nation

9/10/2012 2:35 AM EST

New York - The United Nations has reiterated its concerns about reports of civilian deaths in the Somalia port city of Kismayu said to have been caused by shells fired from a Kenyan warship.

Amid fraud fears, Somalia to elect new president -Reuters

9/10/2012 12:18 AM EST

MOGADISHU (Reuters) - Members of parliament in Somalia will vote for a new president on Monday in the first vote of its kind in decades amid fears that the historic election will be rigged and do little to alter the political landscape.