3/28/2024
Today from Hiiraan Online:  _
Wararka Maanta- Isniin, Sept 10, 2012
Soomaalida ku nool caalamka dacalladiisa oo isha ku haya doorashada Madaxnimo ee Maanta ka dhacaysa Magaalada Muqdisho
Isniin, September 10, 2012 (HOL) — Iyadoo la filayo in maanta magaalada Muqdisho ay ka dhacdo doorashada madaxtinimo ee Soomaaliya oo ay u taaganyihiin ku dhowaad ilaa 25 musharax ayaa Soomaalida ku dhaqan dalka gudihiisa iyo dibadiisa waxa ay isha ku hayaan warbaahinta Soomaalida ee soo tabinaysa qaabka ay u dhaceyso doorashada.

Soomaalida ku dhaqan guud ahaan gobollada dalka Soomaaliya iyo daafaha caalamka ayaa maanta siweyn ula socda doorashada ka dhaceeyso magaalada Muqdisho, waxa ayna dadka Soomaaliyeed rajo wanaagsan ka muujinayaan mustaqbalka Soomaaliya, iyadoona ay sidookale isha ku hayaan cida loo dooran doono hogaanka dalka.

“Walaahi aad baan uga rajo qabnaa in wadanka uu ka dhici doono isbadal wanaagsan, hada waa uu muuqda, waxaan Alle ka rajeyneynaa in la doorto masuul daacad ah oo ka damqada dhibaatada ku habsatay umadda Soomaaliyeed,” sidaa waxa yiri Ibraahim Faarax oo kamid ah Soomaalida ku dhaqan magaalada Nairobi ee dalkooda uga soo cararay dagaallada.

Inta badan Soomaalida ku dhaqan caalamka ayaa rajo wanaagsan ka qaba in wadanka uu ka bixi doono dhibaatadii uu kusoo jiray sanadaha badan, wallow ay jirto cabsi ay dadka qaar ka muujinayaan dhibaatooyin ka dhasha doorashada maanta ka dhaceyso Muqdisho.

“Waa maalin taariikhi ah maanta, maxaa yeelay gudaha dalka ayay doorashadu ka dhaceysaa, waxaa  cad in la gaaray xilligii uu dalka ka dhici lahaa isbadal, waxaanna Alle ka rajeyneynaa in dalka Soomaaliya uu ka saaro burburka ay ku qaangaareen caruurteena,” sidaa waxa yiri Mohamed Ibraahim Ali oo kamid ah waxgaradka ku dhaqan magaalada Nairobi.

Magaalada Muqdisho oo ay maalmihii u danbeeyay ka socdeen ololeyaal ballaaran oo dhanka doorashada ah oo ay wadeen musharixiinta u taagan xilka madaxtinimo ee dalka Soomaaliya ayaa waxaa maanta la filayaa in ay ka dhacdo doorashada madaxtinimo ee dalka, iyadoona mudanayaasha baarlamanku ay dooran doonaan madaxweeynaha dalka Soomaaliya.

Doorashadani ayaa ah tii ugu horeeysay ee ka dhacda gudaha dalka tan iyo wixii ka danbeeyay burburkii dowladii hore ee Soomaaliya, waxaana guud ahaan umadda Soomaaliyeed ay ka dhursugayaan cida ay dooran doonaan xildhibaanada Soomaaliya.

Xasan Nuur, Hiiraan Online
[email protected]
Kismaayo, Soomaaliya











Click here
9/10/2012 6:47 PM EST
Kadib markii ay baarlamaanka Soomaaliya si aqlabiyad ah ugu codeeyeen madaxweynaha cusub ee Soomaaliya Xassan Sheekh Maxamuud ayaa magaalada Muqdisho laga maqlay sawaxanka rasaasta.

9/10/2012 2:10 PM EST
Isniin, September 10, 2012(HOL): Waxaa si aqlabiyad leh ugu guuleystay madaxweynenimada Soomaaliya Xasan Shiikh Maxamuud oo wareeggii ugu dambeeyay ee doorashada madaxweynenimada uga adkaaday Madaxweynihii hore Shiikh Shariif Shiikh Axmed.

9/10/2012 7:50 AM EST
Isniin, September 10, 2012 (HOL) — Xildhibaannadii horay loogu diiday inay ka mid noqon doonaan baarlamaanka Soomaaliya oo ay ku jiraan hoggaamiye kooxeedyadii hore ee Soomaaliya ayaa la dhaariyay maanta si ay uga qaybgalaan doorashada madaxweynenimo ee Soomaaliya.

9/10/2012 7:35 AM EST
Isniin, September 10, 2012 (HOL) — Hay'adaha CPD iyo SOYDEN oo ka shaqeeya arrimaha horumarinta dhallinyarada ayaa soo gabgabeeyay tababar muddo sideed bilood socday oo lagu tababarayay dhallinyaro ay saameyn ku yeesheen colaadaha dalka ka jira.

9/10/2012 7:10 AM EST
Isniin, September 10, 2012 (HOL) — Musharaxa xisbiga madaxweyne ee xisbiga UDUB, ayaa sheegay inay ka qaybgali doonin doorashooyinka golaha deegaanka, isla markaana xusay inuu maxkamadda u gudbin doono dacwad ka dhan ah guddidda Diiwaangelinta ururadda.

9/10/2012 6:13 AM EST
Isniin, September 10, 2012 (HOL) — Murashaxiin ka mid ahaa kuwii u tartamaya xilka madaxnimo ee Soomaaliya ayaa ku dhawaaqay inay tanaasuleen, iyagoo aan sheegin sababaha ku kallifay inay tanaasul sameeyaan.

9/10/2012 5:30 AM EST
Isniin, September 10, 2012 (HOL) — Markab ay leeyihiin ciidamada NATO ee howlgalka la dagaalanka burcad-badeedda u jooga xeebaha dalka Soomaailya, gaar ahaan kuwa Puntland ayaa soo badbaadiyey koox tahriibeyaal ah oo isugu jira Soomaali iyo Itoobiyaan, kuwaas oo muddo dhowr beri ah badda saarnaa, kadib markii ay ciladi soo food saartay doon yar oo ay ku safrayeen.

9/10/2012 4:28 AM EST
Isniin, September 10, 2012(HOL): Waxaa la soo gebagebeeyay wareegga koowaad ee doorashada madaxweynenimada Soomaaliya oo maanta mudanayaasha baarlamaanka Soomaaliya ku kala dooranayeen musharraxiin isu soo taagay xilka madaxweynenimada Soomaaliya.

9/10/2012 3:16 AM EST
Isniin, September 10, 2012 (HOL) — Shacabka Soomaaliyeed ee ku nool gudaha iyo dibadda dalka ayaa rajo wanaagsan ka muujiyay doorashada maanta Muqdisho ka dhacaysa ee lagu soo dooranayo madaxweynaha hoggaamin doona dalka muddo dheer kaddib.

9/10/2012 2:54 AM EST
Isniin, September 10, 2012 (HOL) — Xildhibaannada baarlamaanka Soomaaliya ayaa maanta oo Isniin ah dooran doona madaxweynihii dalka hoggaamin lahaa afarta sano ee soo socota, iyadoo doorahadan ay noqonayso tii ugu horreysay oo dalka ka dhacda muddo afartameeyo sano ka badan.