3/28/2024
Today from Hiiraan Online:  _
Wararka Maanta- Talaado, Nov 27, 2012
Wasiirada Arimaha Dibedda ee Soomaaliya oo Nayroobi Kula Kullantay Dhiggeeda Dalka Kiinya (SAWIRO)

Talaado November 27, 2012 (HOL) Ra’iisul Wasaare ku Xigeenka ahna Wasiiradda Arimaha Dibedda ee Soomaaliya Marwo Fawsiya Yuussuf Xaaji Aadan ayaa magaalada Nayroobi kula kulantay Wasiirka Arimaha Dibedda Kenya Proff Samson Ongeri kaasi oo ay guddoonsiiisay dhambaal uu Madaxweyne Xassan Sheekh Maxamuud soo gaarsiiyay dhigiisa Dalka Kenya Mwai Kibaki.

Marwo Fawsiya oo Kenya soo gaartay  galabnimadii Isniinta ayaa waxaa uu dhigeeda Kenya ku qaabilay xafiiska wasaaradda arimaha dibedda ee Bartamaha magaalada Nayroobi, waxayna labada masuul kawada hadleen xiriirka labada dal, xoojinta hawlaha nabad ilaalinta ee  AMISOM iyo sidoo kale sidii ay Kiinya uga caawin lahayd Soomaaliya kobcinta aqoonta saraakiisha dowladda ee dhinaca Maamulka iyo maareynta Hay’adaha Dowladda.

Wasiirada oo uu kullankoodu kusoo dhamaaday isafagard ayaa arimihii ay ku heshiiyeen waxaa warbaahinta u akhriyay Proff. Sam Ongeri Wasiirka Arimaha Dibedda ee Kiinya oo sheegay in labada Dal ay si dhakhso ah usoo nooleynayaan guddi gaar ah oo ka shaqeynayay xiriirka iyo iskaashiga labada Dal.

Guddigan oo horey u jiray ayaa la sameeyaya bishii September sanadkii 2006,  si sare loogu qaado xiriirka iyo iskaashiga Kiinya iyo Soomaaliya si loo xoojiyo xiriirka labada dowladood, islamarkaana loo dhiiri-geliyo dhaqaalaha iyo ganacsiga gaarka loo leeyahay.

Sam Ongeri waxa uu sheegay in Kiinya ay Soomaaliya ka caawineyso dhinacyada tababarka iyo kobcinta aqoonta saraakiisha dowladda ee ka shaqeynaya qeybaha kala duwan ee Hay’adaha dowladda, islamarkaana ay wada-shaqeyn buuxda siinayaan dhamaan ururada ka shaqeynaya dhinaca Horumarinta Soomaaliya.

Labada wasiir waxay  isla garteen in sida ugu dhakhsaha badan loo sameeyo guddi khuburo ah kuwaasi oo kasoo shaqeeya sidii dib loogu soo qaabeyn lahaa qaab-dhismeedka iyo shaqada guddi iskudhaf ah ka shaqeeya danaha labada waddan.

Marwo Fawsiya ayaa sidoo kale la kullantay Ra’iisul wasaaraha Dalka Kiinya Raila Odinga, kaasi oo ku qaabilay xafiiskiisa waxayna labada masuul kawada hadleen isbadeladii ugu dambeeyay ee ka dhacay Soomaaliya, xiriirka labada Dal iyo sidii loo xoojin lahaa hanaanka nabad ilaalinta ee midawga Afrika ay kawadaan Soomaaliya kaasoo ay xukuumadda Nayroobi qeyb ka tahay.

Dhinaca kalana wasiiradda oo kulamadaasi kadib warbaahinta la hadashay ayaa sheegtay in madaxweeynaha dowladda Soomaaliya Mudane Xasan Sheekh Max'uud uu booqasho rasmi ah ku iman doono dalka Kenya, iyadoona intaa ku dartay in dowladda Kenya ay kawada hadleen arimo xasaasi ah, kuwaasoo aysan si rasmi ah saxaafadda ugu shaacin.

Cabdiqafaar Axmed Shire

Hiiraan Online

Nairobi, Kenya













Click here
11/27/2012 10:40 AM EST
Talaado, November 27, 2012 (HOL)- Hal qof ayaa ku dhintay laba kalena waa dhaawac ka dib markii ciidanka la socda sanaaduuqda degmadda Lughaya lageeyey ay rasaas ku fureen dadweyne ku soo ururay goobtii sanaduuqda ladhigay.

11/27/2012 8:38 AM EST
Talaado, November 27, 2012 (HOL) — Guddoomiyaha baarlamaanka Soomaaliya ahna ku simaha madaxweyanaha, Prof. Maxamed Cismaan Jawaari iyo ra'iisul wasaare, Cabdi Faarax Shir-doon (Saacid) ayaa maanta siyaabo kala duwan ula kulmay wafdi ka socday dalalka Yurub.

11/27/2012 7:29 AM EST
Talaado, November 27, 2012 (HOL) — Rag bastoolado ku hubeysan ayaa goor dhaw bartamaha magaalada Baladweyne ku toogtay guddoomiyihii gollaha odayaasha dhaqanka gobollka Hiiraan nabadoon Max’ed Shiikh Xusseen Maryacade.

11/27/2012 7:15 AM EST
Talaado, November 27, 2012 (HOL) — Ciidamada ammaanka dowladda Soomaaliya ayaa maanta ku guuleysatay inay toddoba isbaaro ka qaadaan degmooyin ka tirsan gobolka Banaadir, iyadoo sidoo kalena ay ciidamadu qabteen kooxihii isbaarooyinka ay u yaalleen degmooyinkaas iyo dabley kale.

11/27/2012 6:46 AM EST
Talaado, November 27, 2012 (HOL) — Afhayeenka ciidamada AMISOM, Col. Cali Aadan Xumud ayaa sheegay in ciidamada dalka Itoobiya ee ku sugan Baladweyne ay dib ugu laaban doonaan xuduudda ay Soomaaliya iyo Kenya wadaan markii ay ciidamada Jabuuti kala wareegaan howgalka.

11/27/2012 6:46 AM EST
Talaado, November 27, 2012 (HOL) — Tababar socon doona muddo lix maalmood ah oo sare loogu qaadayo aqoonta Injineerrada,Shaqaalaha Maamulka Mashaariicda (Procurment), iyo Shaqaalaha waaxyaha Hawlaha Guud iyo Qorshaynta degmooyinka gobolka Banaadir ayaa ka furmay maanta oo Talaado ah magaalada Muqdisho, waxaana tababarkan fulinaysa hay'adda shaqaalaha aduunka ee ILO.

11/27/2012 6:02 AM EST
Talaado, November 27, 2012 (HOL) — Horyaalkii 13-aad Kubadda Gacanta ayaa ka furmay garoonka 1da Luulyo (Ex-Lugino) ee Magaalada Muqdisho. Iyadoo ay kasoo qeyb-galeen furitaanka tartarkan mas`uuliyiin ka socotay wasaaradda Isboortiga, maamulka gobolka Banaadir, GOS iyo madaxda xiriirrada kala duwan.

11/27/2012 5:54 AM EST
Talaado, November 27, 2012 (HOL) — Booliiska Kenya ayaa sheegay inay qabteen ruuxa ay uga shakisan yihiin inuu ka dambeeyay dilkii saddex askari oo Kenyan ah toddobaadkii hore loogu geystay degmada Gaarisa ee gobolka Waqooyi-bari.

11/27/2012 5:49 AM EST
Talaado, November 27, 2012 (HOL) — Wefti u hogaaminay gudoomiye ku xigeenka 1aad ee urur siyaasadeedka XAQSOOR oo xalay maleeshiyo ka tirsan Khaatumo State ku afduubteen meel u dhow degmada xudun ee gobolka Sool, ayaa saacado ka dib xoriyadoodii dib loogu soo celiyey.

11/27/2012 3:23 AM EST
Talaado, November 27, 2012 (HOL) —Ciidamada dowladda Soomaaliya oo kaashanaya kuwa Raaskaamboni ayaa ka wada xaafadaha magaalada Kismaayo howlgallo baaritaanno ah, iyadoona howlgalladaasi lagu qabqabtay dad fara badan.

11/27/2012 12:45 AM EST
Talaado, November 27, 2012 (HOL) — Dowladda Uganda oo horraantii bishan ku goodisay inay ciidamadeeda Soomaaliya ku sugan kala baxayso haddii aan laga laaban eedeyn uu u soo jeediyay golaha ammaanka ee Qaramada Midoobay oo ah inay taageeraan jabahad ka dagalaanta dalka DR Congo ayaa sheegtay inay 2,000 oo askari oo dheeraad ah ay ku xoojinayso howgalka AMISOM ee Soomaaliya.