3/28/2024
Today from Hiiraan Online:  _
Wararka Maanta- Isniin, Nov 26, 2012
Dhaq-dhaqaaq Ciidan oo Xoog leh oo laga Dareemayo Gobollada Haylaan iyo Sanaag ee Puntland

Isniin, November 26, 2012 (HOL) — Dhaqdhaqaaq ciidan oo xoog leh ayaa laga dareemayaa gobollada Sanaag iyo Haylaan ee Puntland, kaddib markii uu soo dhowaadey xilligii la qaban lahaa doorashooyinka goleyaasha deegaanka ee ay ku loollami doonaan ururada siyaasadda ee Somaliland.

Ciidamo ka tirsan kuwa Somaliland islamarkaana wata gaadiid dagaal oo ay tiradoodu 20 kor u dhaafeyso ayaa lagu soo waramayaa inay soo gaareen tuulada (Boodda-cade) oo masaafo aan dheereyn ka durugsan degmada Dhahar ee xarunta gobolka Haylaan.

Waxayna wararku intaas ku darayaan in ciidamadani ay hordhac u yihiin wufuud dhowaan dhinaca Somaliland ka iman doonta oo kusoo wajahan degmooyinka: Dhahar, Badhan iyo Laas-qoray, islamarkaana ay xoojinayaan ammaanka si looga hortago wax walba oo caqabad ku noqon kara doorashooyinka Somaliland oo wakhtigii la qaban lahaa ay dhowr beri ka harsan yihiin.

Dhinaca kale waxaa degmada Dhahar ku sugan ciidamo uu wato wasiir ku-xigeenka amniga Puntland Cabdijamaal Cismaan Maxamed. Ciidamadan oo wata kolonyo gaadiidka dagaalka ah waxay fariisimo ka sameysteen gudaha iyo duleedka degmada Dhahar.

Ciidamo kale oo iyaguna ka tirsan Daraawiishta Puntland ayaa lagu soo waramayaa in ay u ruuqaansadeen dhinaca degmada Badhan ee xarunta gobolka Sanaag, waxaana jirta cabsi xooggan oo ay dadku ka qabaan in uu dagaal qarxo.

Gobollada Sanaag iyo Haylaan oo ka tirsan Puntland, haseyeeshee ay xukuumadda Somaliland sheegato in ay maamulkeeda hoos tagaan, waxaa xusid mudan in ay jiraan siyaasiyiin badan oo u dhashay kuwaasoo kala taageersan labada maamul.

Maxamed Salaad Xaaji Dirir, Hiiraan Online
[email protected]
Puntland, Soomaaliya













Click here
11/26/2012 12:15 PM EST
Isniin, November 26, 2012 (HOL) —Wafdigii uu hogaaminayay madaxweeynaha dowladda Federaalka Soomaaliya Mudane Xasan Sheekh Max’uud ayaa maanta gaaray dalka Jabuuti, iyadoona halkaasi ay si diiran ugu soo dhaweeyeen madaxda dalkaasi.

11/26/2012 8:36 AM EST
Isniin, November 26, 2012 (HOL) — Munaasabad uu xilka kula wareegayay guddoomiyihii cusub ee Jaaamacadda Soomaaliya ayaa maanta lagu qabtay xarunta Jaamacadaas ee magaalada Muqdisho.

11/26/2012 7:50 AM EST
Isniin, November 26, 2012 (HOL) — Xildhibaannada baarlamaanka Somalia ayaa maanta cod aqlabiyad ah ku ansixiyay miisaaniyadda uu baarlamaanku ku shaqeyn doono sannadka soo socda, iyadoo saxaafadda loo diiday inay goobjoog ka noqoto kulankan.

11/26/2012 7:24 AM EST
Isniin, November 26, 2012 (HOL) — Guddiga doorashooyinka Somaliland ayaa soo saaray amar lagu joojinayo isku socodka gaadiidka magaalooyinka dhexdiisa iyo goboladaba maalinta arbacada ee doorashada golaha deegaanku dhacayso, isla markaana aanay magaalooyinka wax gaadiid ahi soo gali doonin kana bixi doonin inta ay socoto codeyntu.

11/26/2012 7:18 AM EST
Isniin, November, 26, 2012 (HOL) – Munaasabad siweyn loo soo agaasimay oo lagu qabtay magaalada Baladweyne ayeey afar sano kadib gollaha odayaasha dhaqanka gobollka Hiiraan waxaa ay maanta gudoomiye cusub u doorteen Shiikh Max’ed Shiikh Xusseen Maryacade.

11/26/2012 7:14 AM EST
Isniin, November 26, 2012 (HOL) — Ururrada bulshada rayidka ah ee Soomaaliyeed ayaa maanta loo qabtay kulan ulan gaar ah oo ku saabsan sidii shacabka loogu dhiirrigelin lahaa inaysan qarsan xubnaha Al-Shabaab ee ku dhuumaaleysanaya xaafadaha Muqdisho iyo gobollada dalka.

11/26/2012 2:23 AM EST
Isniin, November 26, 2012 (HOL) — Israsaaseyn qaddar daqiiqado ah socotey ayaa xalay xaafadda Garsoor ee magaalada Gaalkacayo ku dhex martay ciidamo ka tirsan Booliska Puntland iyo dabley hubeysan oo aan ilaa iyo hadda haybtooda la aqoonsan.

11/26/2012 2:22 AM EST
Isniin, November 26, 2012 (HOL) — Waxaa shalay xarigga laga jaray xabsiga dhexe ee magaalada Qardho ee xarunta gobolka Karkaar oo ah kan ugu weyn guud ahaan deegaannada Puntland, isla markaana dhismihiisa la waday afartii sano ee lasoo dhaafay.

11/26/2012 2:11 AM EST
Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa safarkii ugu horreeyay maanta ugu ambabaxay dalalka Jabuuti, Itoobiya iyo Kenya oo daris la ah Soomaaliya, waxaana safarkiisa ku wehliya xubno ka tirsan dowladda.

11/26/2012 1:58 AM EST
Isniin, November 26, 2012 (HOL) — Kooxo hubeysan ayaa toogasho ku dilay saakay guddoomiyihii suuqa weyn ee Bakaaraha, Axmed Nuurre Owdiini iyo sarkaal ka tirsanaa ciidamada dowladda Soomaaliya oo lagu magacaabi jiray, Col. Axmed Cali Siyaad, iyadoo kooxaha dilka geystay ay u suurogashay inay goobta ka baxsadaan.

11/26/2012 1:36 AM EST
Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa sheegay in ciddii lagu helo kufsi lagu fulinayo dil toogasho, isagoo sidoo kalena sheegay inaysan jiri karin isbaarooyin lacago lagu qaadayo.