3/28/2024
Today from Hiiraan Online:  _
Wararka Maanta- Isniin, Jun 4 , 2012
Kooxo hubeysan oo dilal iyo dhaawacyo u geystay Rakaab la socday Gaari Xamuul oo ay ku Weerareen Gobolka Mudug

Isniin, June 04, 2012 (HOL) — Ugu yaraan afar qof ayaa ku dhintay tiro intaas ka badanna way ku dhaawacmeen kaddib weerar ay kooxo hubeysan ku qaadeen gaari ka amababaxay Gaalkacyo oo ku socday deegaanno kale oo gobolka Mudug ka tirsan.

Weerarkan oo dhacay xalay ayaa waxay kooxaha hubeysan ku weerareen gaariga deegaan lagu magaaabo Abaareey oo 15-km degmada Gaalkcyo kaga beegan dhinaca waqooyi.

"Afar qof oo rakaabkii ka tirsan ayaa ku dhaawacmay, tiro intaas ka badanna waxaa soo gaaray dhaawacyo," ayuu yiri mid ka mid ah shaqaalaha isbitaalka Gaalkacyo oo la keenay dhaawacyadii ka dhashay weeraraas.

Kooxaha hubeysan ayaa la sheegay inay rakaabkii gaariga la socday ee badbaaday iyo kuwii dhaawcmayna ay ka qaateen wixii ay wateen, dabadeedna baxsadeen, iyadoo saraakiisha maamulka Puntland ay sheegeen inay socdaan baaritaanno lagu raadinayo kooxihii weerarkaas geystay.

Ma jirto cid sheegatay inay mas'uul ka tahay weerarka, waxaana dadkii gaariga la socday ee ka badbaaday weerarkaas loo qaaday deegaannadii ay ku socdeen, iyadoo weerarkan uu imaanayo xilli dhawaanahan laga naxday weerarrada lagu qaadayo gaadiidka rakaabka wada.

Gobolka Mudug oo ku yaalla bartamaha Soomaaliya ayaa waxaa tan iyo sannadkii hore ka dhacayay falal ammaan-darro oo qaarkood lagu waxyeelleeyay dad rakaab ah oo la socday gaadiid isaga goosha deegaannada gobolkaas.

Waxgaradka gobolka Mudug ayaa sheegay in burcadda weerarrada noocan oo kale ah u geysta gaadiidka ay inta badan yihiin kuwo doonaya inay dadka rakaabka ah ka qaataan waxyaabaha ay wataan, sida lacagta iyo alaabooyinka kale.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/4/2012 7:19 AM EST
Isniin, June 04, 2012 (HOL) — Ururka Raaskaambooni ee ka barbar dagaalama ciidamada dowladda KMG ee Jubooyinka ayaa maanta maamul cusub kaga dhawaaqay degmada Afmadow ee gobolka Jubada Hoose, iyadoona la sheegay in maamulkani uu noqon doono mid KMG ah.

6/4/2012 7:12 AM EST
Isniin, June 04, 2012 (HOL) — Booliiska dalka Uganda ayaa sheegay inay gacanta ku dhigeen laba dagaalyahan oo ajnabi ah; kuwaasoo magcayadooda lagu sheegay, Axmed Khaalid oo 33-jir ah loona yaqaaan Martin Muller iyo Emrah Erdogan oo 24-jir ah loona yaqaan Alias Imraan Al-Kurdi.

6/4/2012 6:26 AM EST
Isniin, June 04, 2012 (HOL) — Iyadoo dhawaan ciidamada DKMG, kuwa Kenya iyo xoogagga Raaskambooni oo is-garabsanaya ay la wareegeen degmada Afmadow ee gobolka Jubada Hoose ayaa waxa dhaqdhaqaaqyo ciidan iyo abaabullo dagaal laga dareemayaa magaalada Kismaayo ee xarunta gobolka Jubada Hoose.

6/4/2012 3:36 AM EST
Isniin, June 04, 2012 (HOL) — Ra'iisul wasaaraha Soomaaliya, C/weli Maxamed Cali oo u warramayay wakaaladda wararka Turkiga ee Anatolia isagoo dalkaas ku sugan ayaa sheegay in Turkiga iyo Soomaaliya ay yihiin laba dal oo shirko ah oo ay ka dhexeeyaan dano muhiim ah.

6/4/2012 3:15 AM EST
Isniin, June 04, 2012 (HOL) — Maxkamadda ciidamada xoogga DKMG Soomaaliya ayaa Axaddii shalay xafiis ka furatay deegaanka Ceelasha-biyaha ee duleedka Muqdisho, iyadoo ciidamada dowladda looga digay inay dadka shacab ah ee ku nool inta u dhexeysa Muqdisho iyo Afgooye ay dhibaateeyaan.

6/4/2012 3:05 AM EST
Isniin, June 04, 2012 (HOL) — Xarakada Al-shabaab oo dagaal kula jirta DKMG ah ayaa kasoo horjeesatay qodobbadii kasoo baxay shirkii magaalada Istanbuul lagu qabtay ee looga hadlayay arrimaha Soomaaliya, iyagoo ku tilmaamay qodobbadaas shir-qool loo maleegayo Soomaalida.

6/4/2012 2:43 AM EST
Isniin, June 04, 2012 (HOL) — Saraakiisha hay’adaha Turkiga ee Muqdisho ka howl-gala ayaa sheegay inay kaalinta hore kaga jiraan dadaallada ay dowladda Turkigu ku doonayso inay ku samatabixiso magaalada Muqdisho oo muddo dheer dagaallo sokeeye kusoo jirtay, xilli ay hay’adaha UN-ku fariisimo ka sameysteen dalka Kenya oo ay daris yihiin Soomaaliya.

6/4/2012 2:39 AM EST
Isniin, June 04, 2012 (HOL) — Maxkamadda magaaladda Hargeysa ayaa xukuno kala duwan ku ridday shalay oo Axad ahayd masuuliyiin lagu eedeeyey inay lunsadeen deeq mucaawimo oo ku socotay dad masaakiin ah.

6/4/2012 2:38 AM EST
Isniin, June 04, 2012 (HOL) — Dagaallo culus oo dagaalyahannada Ahlusunna iyo kuwa Xarakada Al-shabaab ku dhexmaray deegaanno hoos taga degmada Ceelbuur ee gobolka Galgaduud ayaa waxaa guulo ka sheegatay Ahlusunna.