12/5/2021
Today from Hiiraan Online:  _
Wararka Maanta- Talaado, Jun 19, 2012
Saxiixayaasha Roadmap-ka oo Magaalada Nairobi ku yeelanaya kulan ay uga hadlayaan wixii u qabsoomay

Talaado, June 19, 2012 (HOL) — Madaxda Soomaalida ayaa waxay ku qulqulayaan magaalada Nairobi ee dalka Kenya, halkaasoo lagu wado inuu maalinta Berri ah uga furmo shir ay uga hadlayaan waxyaabihii ka qabsoomay Roadmap-ka iyo sidoo kale heshiiskii ay bishii hore ku gaareen magaalada Addis Ababa ee dalka Itoobiya.

Kulankan ayaa waxaa ka qaybgalaya lixda xubnood ee loo yaqaan saxiixayaasha heshiiska tubta nabadda ee Roadmap, waxaana lagu wadaa in muddada uu socdo ay kaga hadlaan wixii u qabsoomay.

Madaxweynaha Puntland, C/raxmaan Sheekh Maxamed Faroole, guddoomiyaha baarlamaanka, Shariif Xasan Sheekh Aadan, ra'iisul wasaaraha Soomaaliya, C/weli Maxamed Cali, madaxweynaha Galmudug, Maxamed Axmed Caalin iyo xubno matalaya Ahlusunna ayaa ku sugan magaalada Nairobi, iyadoo lagu wado in caawa uu halkaas gaaro madaxweynaha Soomaaliya, Sheekh Shariif.

Saxiixayaasha heshiiska Raodmapka oo ah mid loogu talogalay inay Soomaaliya kaga baxdo xilliga KMG ah ayaa waxaa dhowr jeer oo hore soo dhexgalay khilaafyo ku saabsan habka loo fulinayo heshiiskan inkastoo ay heshiis ka gaareen.

Madaxda dowladda KMG Soomaaliya ayaa sheegay inay ka go'an tahay sidii ay ku meel-marin lahaayeen heshiiskan si Soomaaliya ay ugu gudbto dowlad dhameystiran, waxayna ka codsadeen dhinacayada kale inay iyaguna dadaal kaas la mid ah muujiyaan.

Qodobbada ugu waaweyn heshiiskan oo uu ka mid yahay hirgelinta dastuurka ayaa waxaa dhowr jeer ka dhashay muran, kaasoo dhaliyay in shir kale ay ku yeeshaan magaalada Addis Ababa, kaasoo lagu gaaray heshiis ah in qodobbo laga bedelo dastuurka.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/19/2012 8:33 AM EST
Talaado, June 19, 2012 (HOL) — Wasaaradda gaashaandhigga ee dalka Yemen ayaa sheegtay in ruuxii fuliyay qarax ismiidaamin ah oo lagu dilay taliyaha ciidamada Yemen ee Koonfurta Yemen uu ahaa Soomaali waxyaabaha qarxay isku soo xiray.

6/19/2012 7:58 AM EST
Talaado, June 19, 2012 (HOL) — Kaddib howlgal ay si wadajira ah uga sameeyeen saacadihii ugu dambeeyay qaybo ka mid ah xaafadaha magaalada Beledweyne ee gobolka Hiiraan ciidamada maamulka iyo kuwa gacanta siinaya ee Itoobiya ayay sheegeen inay kusoo qabqabteen walxaha qarxa iyo rag la tuhunsan yahay inay ka tirsan yihiin Al-shabaab.

6/19/2012 7:37 AM EST
Talaado, June 19, 2012 (HOL) — Ugu yaraan hal qof ayaa ku dhintay iska-horimaad ciidammo kawada tirsan dowladda KMG ah ku dhexmaray maanta degmada Hodan ee gobolka Banaadir, iyadoo sidoo kale maydka qof rayid ah laga helay xaafadda Wajeer ee degmada Kaaraan.

6/19/2012 7:14 AM EST
Talaado, June 19, 2012 (HOL) — Maxkamadda ciidamada DKMG Soomaaliya ayaa ku xukuntay dil toogasho ah askari ka tirsan ciidamada dowladda KMG ah, kaddib markii maxkamadeyntiisu ay ka dhacday degmada Afgooye ee gobolka Shabeellada hoose.

6/19/2012 4:51 AM EST
Talaado, June 19, 2012 (HOL) — Ciidamadda gaarka u Tobabaran ee la Dagaalanka Argagixisadda (RRU) ayaa habeen hore Galalafay Guri ku yaalla xaafadda Jig-jiga yar ee degmadda IbraahimKoodbuur, kuwaas oo Dadkii ku noollaa dhamaan dibadda uga soo saaray, isla markaana qol qol u baadhay.

6/19/2012 4:46 AM EST
Talaado, June 19, 2012 (HOL) — Wararka aynu ka heleyno gobolka Gedo ayaa sheegaya in shalay gelinkii danbe dagaal aad u culus oo la isku adeegsaday hubka noocyadiisa kala duwan uu ka qarxay deegaanka Tuulo Barwaaqo oo hoostaga degmada Garbahaareey ee gobolka Gedo.

6/19/2012 4:44 AM EST
Talaado, June 19, 2012 (HOL) — Golaha wasiirrada DKMG ah ee Soomaaliya oo ku yeeshay Muqdisho gallinkii dambe ee shalay kulan aan caadi ahayn ayaa waxay kasoo saareen qodobbo ay ka mid yihiin in maamullo loo sameeyay goobihii laga qabsaday Xarakada Al-shabaab.

6/19/2012 4:26 AM EST
Talaado, June 19, 2012 (HOL) — Madaxweynaha dalka Kenya, Mwai Kibaki ayaa u magacaabay wasiirka gaashaandhigga Kenya, Maxamed Yuusuf Xaaji inuu noqdo sii hayaha xilka wasaaradda ammaanka gudaha iyo xiriirka gobollada ee Kenya, kaddib markii wasiirkii hore ee wasaaraddan uu ku dhintay shil diyaaradeed.

6/19/2012 4:07 AM EST
Talaado, June 19, 2012 (HOL) — Wasiirka arrimaha gudaha iyo ammaanka Qaranka DKMG ah ee Soomaaliya, Cabdisamad Macallin Maxamuud oo ah madaxa guddiga ay u saartay dowladda Soomaaliya wadahadallada Somaliland lala yeelanayo ayaa rajo wanaagsan ka muujiyay waxyaabaha laga filayo inay shirkaas kasoo baxaan.

6/19/2012 3:59 AM EST
Talaado, June 19, 2012 (HOL) — Munaasibad lagu xusayey afartan guuradii ka soo wareegtay markii la qoray farta Soomaaliga ayaa xalay lagu qabtay magaalada Minneapolis ee gobolka Minnesota, taasi oo ay ka soo qeybgaleen dad weyne aad u fara badan oo ka kala yimid qeybaha Gobolka, iyadoo sidoo kalana ay goob-joog ka ahaayeen abwaano, hal-abuuro iyo qoraayaal caan ah oo Soomaaliyeed.