12/5/2021
Today from Hiiraan Online:  _
Wararka Maanta- Talaado, Jun 19, 2012
Iskahorimaad khasaare geystay oo ciidammo kawada tirsan DKMG ah ku dhexmaray Muqdisho iyo Mayd la helay

Talaado, June 19, 2012 (HOL) — Ugu yaraan hal qof ayaa ku dhintay iska-horimaad ciidammo kawada tirsan dowladda KMG ah ku dhexmaray maanta degmada Hodan ee gobolka Banaadir, iyadoo sidoo kale maydka qof rayid ah laga helay xaafadda Wajeer ee degmada Kaaraan.

Taliyaha saldhigga booliiska degmada Hodan, G/sare Xasan Maxamed Abuukar oo la hadlay saxaafadda ayaa sheegay in ciidammo ka tirsan kuwa booliiska degmada iyo ciidammo kale oo ku labisan tuute uu dhexmarya iska-horimaadka ayna gacanta ku dhigeen mid ka mid ah ciidamadaas.

"Saakay ayaa waxaa naloo soo sheegay rag ku labisan tuute oo gaadiidka lacago aan sharci ahayn ka qaadaya, markii ay arkeen ciidammo aan goobta u dirnay ayay rasaas ku billaabeen, waxaana noo suurogashauy inaan qabanno mid ka mid ah oo aan u gudbinayno maxkamadda ciidamada," ayuu yiri taliyaha saldhigga degmada Hodan.

Goobjoogayaal ayaa sheegay in iskahorimaadka oo ka dhacay agagaarka warshadda caanaha uu u dhexeeyay ciidammo milateri ah oo halkaas saldhig ku leh iyo askar booliis ah, ayna arkeen maydka haweeney shacab ah oo rasaastu ay ugu tagtay gurigeeda.

Dhanka kale, maydka nin la sheegay inuu muddo dheer dalka ka maqnaa ayaa laga helay saakay guri ku yaalla xaafadda Wajeer ee degmada Kaaraan, iyadoo dadka ku sugan xaafaddaas ay sheegeen in ninkan lagu dilay gurigiisa dhexdiisa.

"Walaaloow saakay ayaa la arkay maydka ninkan, waxaana toorreey laga geliyay surka, runtiina cabsi weyn ayay arrintan nagu beertay," ayuu yiri mid ka mid ah dadka deegaanka oo ka warbixinayay maydka qofka rayidka ah ee la helay.

Maamulka degmada Kaaraan ayaan ka hadlin maydka ruuxan rayidka ah ee laga helay degmadaas, iyadoo ruuxa la dilay la sheegay inuu muddo sannado ah ku maqnaa dalka Yemen uuna dhowr cisho ka hor kusoo laabtay Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/19/2012 8:33 AM EST
Talaado, June 19, 2012 (HOL) — Wasaaradda gaashaandhigga ee dalka Yemen ayaa sheegtay in ruuxii fuliyay qarax ismiidaamin ah oo lagu dilay taliyaha ciidamada Yemen ee Koonfurta Yemen uu ahaa Soomaali waxyaabaha qarxay isku soo xiray.

6/19/2012 8:16 AM EST
Talaado, June 19, 2012 (HOL) — Madaxda Soomaalida ayaa waxay ku qulqulayaan magaalada Nairobi ee dalka Kenya, halkaasoo lagu wado inuu maalinta Berri ah uga furmo shir ay uga hadlayaan waxyaabihii ka qabsoomay Roadmap-ka iyo sidoo kale heshiiskii ay bishii hore ku gaareen magaalada Addis Ababa ee dalka Itoobiya.

6/19/2012 7:58 AM EST
Talaado, June 19, 2012 (HOL) — Kaddib howlgal ay si wadajira ah uga sameeyeen saacadihii ugu dambeeyay qaybo ka mid ah xaafadaha magaalada Beledweyne ee gobolka Hiiraan ciidamada maamulka iyo kuwa gacanta siinaya ee Itoobiya ayay sheegeen inay kusoo qabqabteen walxaha qarxa iyo rag la tuhunsan yahay inay ka tirsan yihiin Al-shabaab.

6/19/2012 7:14 AM EST
Talaado, June 19, 2012 (HOL) — Maxkamadda ciidamada DKMG Soomaaliya ayaa ku xukuntay dil toogasho ah askari ka tirsan ciidamada dowladda KMG ah, kaddib markii maxkamadeyntiisu ay ka dhacday degmada Afgooye ee gobolka Shabeellada hoose.

6/19/2012 4:51 AM EST
Talaado, June 19, 2012 (HOL) — Ciidamadda gaarka u Tobabaran ee la Dagaalanka Argagixisadda (RRU) ayaa habeen hore Galalafay Guri ku yaalla xaafadda Jig-jiga yar ee degmadda IbraahimKoodbuur, kuwaas oo Dadkii ku noollaa dhamaan dibadda uga soo saaray, isla markaana qol qol u baadhay.

6/19/2012 4:46 AM EST
Talaado, June 19, 2012 (HOL) — Wararka aynu ka heleyno gobolka Gedo ayaa sheegaya in shalay gelinkii danbe dagaal aad u culus oo la isku adeegsaday hubka noocyadiisa kala duwan uu ka qarxay deegaanka Tuulo Barwaaqo oo hoostaga degmada Garbahaareey ee gobolka Gedo.

6/19/2012 4:44 AM EST
Talaado, June 19, 2012 (HOL) — Golaha wasiirrada DKMG ah ee Soomaaliya oo ku yeeshay Muqdisho gallinkii dambe ee shalay kulan aan caadi ahayn ayaa waxay kasoo saareen qodobbo ay ka mid yihiin in maamullo loo sameeyay goobihii laga qabsaday Xarakada Al-shabaab.

6/19/2012 4:26 AM EST
Talaado, June 19, 2012 (HOL) — Madaxweynaha dalka Kenya, Mwai Kibaki ayaa u magacaabay wasiirka gaashaandhigga Kenya, Maxamed Yuusuf Xaaji inuu noqdo sii hayaha xilka wasaaradda ammaanka gudaha iyo xiriirka gobollada ee Kenya, kaddib markii wasiirkii hore ee wasaaraddan uu ku dhintay shil diyaaradeed.

6/19/2012 4:07 AM EST
Talaado, June 19, 2012 (HOL) — Wasiirka arrimaha gudaha iyo ammaanka Qaranka DKMG ah ee Soomaaliya, Cabdisamad Macallin Maxamuud oo ah madaxa guddiga ay u saartay dowladda Soomaaliya wadahadallada Somaliland lala yeelanayo ayaa rajo wanaagsan ka muujiyay waxyaabaha laga filayo inay shirkaas kasoo baxaan.

6/19/2012 3:59 AM EST
Talaado, June 19, 2012 (HOL) — Munaasibad lagu xusayey afartan guuradii ka soo wareegtay markii la qoray farta Soomaaliga ayaa xalay lagu qabtay magaalada Minneapolis ee gobolka Minnesota, taasi oo ay ka soo qeybgaleen dad weyne aad u fara badan oo ka kala yimid qeybaha Gobolka, iyadoo sidoo kalana ay goob-joog ka ahaayeen abwaano, hal-abuuro iyo qoraayaal caan ah oo Soomaaliyeed.