12/5/2021
Today from Hiiraan Online:  _
Wararka Maanta- Talaado, Jun 19, 2012
Maxkamadda Ciidamada DKMG ah ee Soomaaliya oo xukun dil ah ku ridday Askari dil iyo dhaawacyo u geystay Haween Soomaaliyeed

Talaado, June 19, 2012 (HOL) — Maxkamadda ciidamada DKMG Soomaaliya ayaa ku xukuntay dil toogasho ah askari ka tirsan ciidamada dowladda KMG ah, kaddib markii maxkamadeyntiisu ay ka dhacday degmada Afgooye ee gobolka Shabeellada hoose.

Xukunkan Askariga oo dhacay Axaddii lasoo dhaafay ayaa waxaa loo haystay dilka haweeney Soomaaliyeed oo lagu magacaabi jiray, Saynab Faarax Takar iyo sidoo kale dhaawaca laba kale oo la socday gaari rakaab.

"Kaddib markii ay ku makhtaari kaceen Maxamuud Xuseen Maalin oo ka mid ah askarta dowladda KMG ah inuu toogtay Saynab; laba haween ah oo kalena uu dhaawacay, waxay maxkamadda ciidamadu ku xukuntay dil toogasho ah," ayuu yiri guddoomiyaha maxkamadda ciidamada DKMG Soomaaliya G/sare Xasan Maxamed Xuseen (Muun-gaab).

Haweeneyda la dilay iyo labada kale ee la dhaawacay ayaa waxay la socdeen gaari kasoo ambabaxay degmada Afgooye gallinkii dambe ee Jimcaha, iyadoo xukunkan uu noqonayo kii ugu horreeyay oo lagu rido askarta dowladda ee ku sugan degmada Afgooye.

Guddoomiyaha maxkamadda ciidamada dowladda KMG ah ayaa sheegay in xukunka uu u cuskaday shareecada islaamka iyo shuruucda kale ee dalka u dagsan, isagoo uga digay ciidamada dowladda inay ku kacaan falal ay ku dhibaateynayaan dadka shacabka ah.

"Askariga la xukumay maalmaha soo socda ayaa xukunka lagu fulin doonaa, askari walba oo falkan oo kale ku kacana waxaa la horkeeni doonaa sharciga," ayuu yiri G/sare Muun-gaab oo saxaafadda la hadlayay.

Askari kale oo lagu eedeeyay inuu dhibaateeyay dadka ku nool degmada Afgooye ayaa isagana lasii daayay, kaddib markii maxkamaddu ay sheegtay in lagu waayay dambiyadii loo haystay.

"Ciidamadeennu waxay doonayaan inay xaqiijiyaan ammaanka shacabka ku nool degmada Afgooye, xukuumadduna waxay si dhaqso ah oo adag ay ula dhaqmi doonaa askarta aan howlahooda kasoo bixin," ayuu yiri wasiirka gaashaandhigga DKMG ah ee Soomaaliya, Xuseen Carab Ciise.

Degmada Afgooye ee gobolka Shabeellada Hoose ayaa waxaa gacanta ku haya cidamada DKMG ah iyo kuwa AMISOM oo dhammaadkii bishii hore dagaal uga qabsaday xoogaggii Al-shabaab oo muddo sannado ah ka talinaysay.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/19/2012 8:33 AM EST
Talaado, June 19, 2012 (HOL) — Wasaaradda gaashaandhigga ee dalka Yemen ayaa sheegtay in ruuxii fuliyay qarax ismiidaamin ah oo lagu dilay taliyaha ciidamada Yemen ee Koonfurta Yemen uu ahaa Soomaali waxyaabaha qarxay isku soo xiray.

6/19/2012 8:16 AM EST
Talaado, June 19, 2012 (HOL) — Madaxda Soomaalida ayaa waxay ku qulqulayaan magaalada Nairobi ee dalka Kenya, halkaasoo lagu wado inuu maalinta Berri ah uga furmo shir ay uga hadlayaan waxyaabihii ka qabsoomay Roadmap-ka iyo sidoo kale heshiiskii ay bishii hore ku gaareen magaalada Addis Ababa ee dalka Itoobiya.

6/19/2012 7:58 AM EST
Talaado, June 19, 2012 (HOL) — Kaddib howlgal ay si wadajira ah uga sameeyeen saacadihii ugu dambeeyay qaybo ka mid ah xaafadaha magaalada Beledweyne ee gobolka Hiiraan ciidamada maamulka iyo kuwa gacanta siinaya ee Itoobiya ayay sheegeen inay kusoo qabqabteen walxaha qarxa iyo rag la tuhunsan yahay inay ka tirsan yihiin Al-shabaab.

6/19/2012 7:37 AM EST
Talaado, June 19, 2012 (HOL) — Ugu yaraan hal qof ayaa ku dhintay iska-horimaad ciidammo kawada tirsan dowladda KMG ah ku dhexmaray maanta degmada Hodan ee gobolka Banaadir, iyadoo sidoo kale maydka qof rayid ah laga helay xaafadda Wajeer ee degmada Kaaraan.

6/19/2012 4:51 AM EST
Talaado, June 19, 2012 (HOL) — Ciidamadda gaarka u Tobabaran ee la Dagaalanka Argagixisadda (RRU) ayaa habeen hore Galalafay Guri ku yaalla xaafadda Jig-jiga yar ee degmadda IbraahimKoodbuur, kuwaas oo Dadkii ku noollaa dhamaan dibadda uga soo saaray, isla markaana qol qol u baadhay.

6/19/2012 4:46 AM EST
Talaado, June 19, 2012 (HOL) — Wararka aynu ka heleyno gobolka Gedo ayaa sheegaya in shalay gelinkii danbe dagaal aad u culus oo la isku adeegsaday hubka noocyadiisa kala duwan uu ka qarxay deegaanka Tuulo Barwaaqo oo hoostaga degmada Garbahaareey ee gobolka Gedo.

6/19/2012 4:44 AM EST
Talaado, June 19, 2012 (HOL) — Golaha wasiirrada DKMG ah ee Soomaaliya oo ku yeeshay Muqdisho gallinkii dambe ee shalay kulan aan caadi ahayn ayaa waxay kasoo saareen qodobbo ay ka mid yihiin in maamullo loo sameeyay goobihii laga qabsaday Xarakada Al-shabaab.

6/19/2012 4:26 AM EST
Talaado, June 19, 2012 (HOL) — Madaxweynaha dalka Kenya, Mwai Kibaki ayaa u magacaabay wasiirka gaashaandhigga Kenya, Maxamed Yuusuf Xaaji inuu noqdo sii hayaha xilka wasaaradda ammaanka gudaha iyo xiriirka gobollada ee Kenya, kaddib markii wasiirkii hore ee wasaaraddan uu ku dhintay shil diyaaradeed.

6/19/2012 4:07 AM EST
Talaado, June 19, 2012 (HOL) — Wasiirka arrimaha gudaha iyo ammaanka Qaranka DKMG ah ee Soomaaliya, Cabdisamad Macallin Maxamuud oo ah madaxa guddiga ay u saartay dowladda Soomaaliya wadahadallada Somaliland lala yeelanayo ayaa rajo wanaagsan ka muujiyay waxyaabaha laga filayo inay shirkaas kasoo baxaan.

6/19/2012 3:59 AM EST
Talaado, June 19, 2012 (HOL) — Munaasibad lagu xusayey afartan guuradii ka soo wareegtay markii la qoray farta Soomaaliga ayaa xalay lagu qabtay magaalada Minneapolis ee gobolka Minnesota, taasi oo ay ka soo qeybgaleen dad weyne aad u fara badan oo ka kala yimid qeybaha Gobolka, iyadoo sidoo kalana ay goob-joog ka ahaayeen abwaano, hal-abuuro iyo qoraayaal caan ah oo Soomaaliyeed.