11/30/2021
Today from Hiiraan Online:  _
Wararka Maanta- Isniin, Jun 18, 2012
Orodyahan Soomaaliyeed oo ku guuleystay Orodka 5000m (SAWIRRO)


Isniin, June 18, 2012(HOL): Orodyahan Soomaaliyeed oo degan magaalada Nijmegen una orda dalka Holland ayaa ku guuleystey oradka 5000m ee dalka Holland oo lagu qabtey  magaalada Amsterdam garoonkeeda Olympicsh Stadion taariikhdu marka aheyd 18 June 2012.

Guusha uu ka keenay oradka NK Athletiek 2012 . finalka 5000m  Orodyahan Cabdi Nageeye ayaa ah mid muujineysa in Yurub iyo meelaha ay Soomaalida u soo baxeen ee qurbaha laga heli karo orodyahanno Soomaaliyeed oo awood u leh inay guulo la taaban karo ka keenaan oroddada caalamka haddii Eebe idmo.


Orodka 5000m ee uu ku guuleystay Orodyahan Cabdi Negeeye waxaa ay dadka Soomaaliyeed ku xusuusan karaan Orodyahan MO Farah oo u orda dalka Britain, kaasi oo guulo ka soo hooyay tartammo uu ka qeybgalay, waxaaney taasi marag muujin u tahay in dadka Soomaaliyeed meel kasta oo ay joogaan ay weli ka muuqdaan fagaarayaasha caalamka iyo kuwa heer gobol.

Taariikh hore oo Orodka dhankiisa ah haddii aynu soo qaadanana  sanadkii 1987-kii ayay Soomaaliya noqotay horyaalka Orodka 1500 m, waxaana orodkaas oo lagu qabtay magaalada Rome-Italy  ku guuleystay orodyahan Cabdi Bile Cabdi, isagoo noqday qofkii ugu horreeyay oo Soomaali ah oo natiijadaas guusha weyn xambaarsan keenay. Sidoo kalena Cabdi Bile mar kale ayuu sanadkii 1989-kii noqday horyaalnimada orodka adduunka ee 1500 m, wuxuuna orodkan dambe ka dhacay Barcelona-Spain.



Yusuf Yusuf
SSPA MEDIA
Amsterdam, Holland













Click here
6/18/2012 8:35 AM EST
Isniin, June 18, 2012 (HOL) — Kulan looga hadlayay sidii haweenka Soomaaliyeed ay kaalintooda uga qaadan karaan siyaasadda iyo hoggaanka dalka ayaa wuxuu ka furmay maanta xerada Xalane oo ah saldhigga ugu weyn ee ciidamada AMISOM ay ku leeyihiin Soomaaliya.

6/18/2012 8:24 AM EST
Isniin, June 18, 2012 (HOL) — Ra'iisul wasaaraha DKMG ah ee Soomaaliya, Cabdiweli Maxamed Cali oo maanta kulan la yeeshay odayaasha-dhaqanka Soomaaliyeed ee ku shirsan Muqdisho ayaa wuxuu kaga dalbaday inay sida ugu dhaqsiyaha badan kusoo gudbiyaan liiska ergadii ansixinta dastuurka cusub ee Soomaaliya.

6/18/2012 7:54 AM EST
Isniin, June 18, 2012 (HOL) — Mas’uuliyiinta maamulka gobolka Hiiraan ayaa maanta magaalada Beledweyne ku qabtay baroordiiq loo dhigay sanad-guuradii sadaxaad ee kasoo wareegatay weerarkii Ismiidaaminta ahaa ee 18, June, sanadkii 2009 ka dhacay magaalada Beledweyne.

6/18/2012 7:51 AM EST
Isniin, June 18, 2012 (HOL) — Kalluumeeysatada ka jalaabata xeebaha gobolka Jubada hoose ayaa ka canabeysa shaqo la'aan soo foodsaartay kadib markii la gudo galay xilliga Badxiranka oo gobollada Jubooyinka looga yaqaan "Xilliga Kuusiga".

6/18/2012 7:26 AM EST
Isniin, June 18, 2012 (HOL) — Xisbiga xorriyadda iyo cadaaladda ee dalka Masar oo ay leeyihiin ururka Akhwaanul Muslimiin ayaa sheegay in hoggaamiyahooda uu guul ka gaaray doorashooyinkii madaxnimo ee labadii casho ee lasoo dhaafay ka dhacay dalkaas.

6/18/2012 4:24 AM EST
Isniin, June 18, 2012 (HOL) — Hoggaamiyaha ugu sarreeya Xarakada Al-shabaab, Sheekh Mukhtaar C/raxmaan Abuu-Zubeyr oo cajalad maqal ah oo uu soo saaray ku sheegay inay dagaallada wadayaan inta ay Soomaaliya ka hirgelinayaan dowlad Islaami ah.

6/18/2012 4:22 AM EST
Isniin, June 18, 2012 (HOL) — Ugu yaraan saddex qof ayaa ku dhintay, tiro intaas ka badanna way ku dhaawacmeen qaraxyo siyaabo kala duwan uga dhacay shalay gallinkii dambe iyo xalay qaar ka mid ah degmooyinka gobolka Banaadir.

6/18/2012 4:13 AM EST
Isniin, June 18, 2012 (HOL) — Waxaa uga curtay dalka Koonfurta Afrika dilalka loo geysanayo Soomaalida ku noo dalkaas iyadoo toddobaadkan oo keliya lagu dilay dalkaas 14-qof, waxaana la isku raacay in dadkaas laga tooganayay laba meelood oo kala ah wadnaha iyo madaxa oo ah meelaha ugu halista badan jirka aadanaha.