11/30/2021
Today from Hiiraan Online:  _
Wararka Maanta- Isniin, Jun 18, 2012
Kulan looga hadlayo sidii Haweenku ay kaalintooda uga qaadan lahaayeen Hoggaanka dalka oo Muqdisho ka furmay

Isniin, June 18, 2012 (HOL) — Kulan looga hadlayay sidii haweenka Soomaaliyeed ay kaalintooda uga qaadan karaan siyaasadda iyo hoggaanka dalka ayaa wuxuu ka furmay maanta xerada Xalane oo ah saldhigga ugu weyn ee ciidamada AMISOM ay ku leeyihiin Soomaaliya.

Waxaa si wadajir ah u soo qabanqaabiyay howshan wasaaradda haweenka iyo arrimaha qoyska ee DKMG Soomaaliya iyo xafiiska siyaasadda Qaramada Midoobay ee Soomaaliya UNPOS.

Ergayga gaarka ah ee xoghayaha guud ee Qaramada Midoobay u qaabilsan arrimaha Soomaaliya, dajire Augustine Mahiga ayaa oo kulanka hadal ku furay ayaa sheegay in looga hadlayo sidii haweenka Soomaaliyeed ay doorkooda uga qaadan lahaayeen hoggaanka dalka iyo siyaasadda.

"Haweenka Soomaaliyeed waxaan ku bogaadinayaa inay u istaagaan sidii ay qayb ugu noqon lahaayeen maamulada dalka ka jira, dowladda KMG ah iyo wax waliba oo quseeya hoggaan," ayuu yiri Mahiga oo sheegay inuu rajeynayo in haweenku ay ka helaan baarlamaanka cusub ee Soomaaliya tiradii horay loogu qoondeeyay ee ahayd 30%.

Wasiiradda haweenka iyo arrimaha qoyska, Maryan Aweys Jumma oo saxaafadda la hadashay ayaa sheegtay in ujeeddada kulanka uu yahay sidii haweenka loogu baraarujin lahaa inay xagsadaan qaybta ay ku leeyihiin hoggaanka dalka si ay uga muuqdaan dowladda cusub ee soo socota.

Ugu dambeyn, haweenkii kulankaas ka qaybgalayay qaarkood oo goobta ka hadlay ayaa sheegay inay diyaar u yihiin inay kaalintooda ka qaataan hoggaanka dalka, iyagoo sheegay in hoggaanka dalka ay u soo taagnaayeen intii uu dalku ku jiray gumeysiga.

Haweenka ayaa waxaa 30% laga siiyay baarlamaanka cusub ee soo socda, iyadoo ay dhawaanahan jireen kulammo ay haweenku ku yeelanayeen Muqdisho, kuwaasoo ay uga hadlayeen sidii ay lambarka laga siiyay baarlamaanka u buuxin lahaayeen.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/18/2012 12:29 PM EST
Isniin, June 18, 2012(HOL): Orodyahan Soomaaliyeed oo degan magaalada Nijmegen una orda dalka Holland ayaa ku guuleystey oradka 5000m ee dalka Holland oo lagu qabtey magaalada Amsterdam garoonkeeda Olympicsh Stadion taariikhdu marka aheyd 18 June 2012.

6/18/2012 8:24 AM EST
Isniin, June 18, 2012 (HOL) — Ra'iisul wasaaraha DKMG ah ee Soomaaliya, Cabdiweli Maxamed Cali oo maanta kulan la yeeshay odayaasha-dhaqanka Soomaaliyeed ee ku shirsan Muqdisho ayaa wuxuu kaga dalbaday inay sida ugu dhaqsiyaha badan kusoo gudbiyaan liiska ergadii ansixinta dastuurka cusub ee Soomaaliya.

6/18/2012 7:54 AM EST
Isniin, June 18, 2012 (HOL) — Mas’uuliyiinta maamulka gobolka Hiiraan ayaa maanta magaalada Beledweyne ku qabtay baroordiiq loo dhigay sanad-guuradii sadaxaad ee kasoo wareegatay weerarkii Ismiidaaminta ahaa ee 18, June, sanadkii 2009 ka dhacay magaalada Beledweyne.

6/18/2012 7:51 AM EST
Isniin, June 18, 2012 (HOL) — Kalluumeeysatada ka jalaabata xeebaha gobolka Jubada hoose ayaa ka canabeysa shaqo la'aan soo foodsaartay kadib markii la gudo galay xilliga Badxiranka oo gobollada Jubooyinka looga yaqaan "Xilliga Kuusiga".

6/18/2012 7:26 AM EST
Isniin, June 18, 2012 (HOL) — Xisbiga xorriyadda iyo cadaaladda ee dalka Masar oo ay leeyihiin ururka Akhwaanul Muslimiin ayaa sheegay in hoggaamiyahooda uu guul ka gaaray doorashooyinkii madaxnimo ee labadii casho ee lasoo dhaafay ka dhacay dalkaas.

6/18/2012 4:24 AM EST
Isniin, June 18, 2012 (HOL) — Hoggaamiyaha ugu sarreeya Xarakada Al-shabaab, Sheekh Mukhtaar C/raxmaan Abuu-Zubeyr oo cajalad maqal ah oo uu soo saaray ku sheegay inay dagaallada wadayaan inta ay Soomaaliya ka hirgelinayaan dowlad Islaami ah.

6/18/2012 4:22 AM EST
Isniin, June 18, 2012 (HOL) — Ugu yaraan saddex qof ayaa ku dhintay, tiro intaas ka badanna way ku dhaawacmeen qaraxyo siyaabo kala duwan uga dhacay shalay gallinkii dambe iyo xalay qaar ka mid ah degmooyinka gobolka Banaadir.

6/18/2012 4:13 AM EST
Isniin, June 18, 2012 (HOL) — Waxaa uga curtay dalka Koonfurta Afrika dilalka loo geysanayo Soomaalida ku noo dalkaas iyadoo toddobaadkan oo keliya lagu dilay dalkaas 14-qof, waxaana la isku raacay in dadkaas laga tooganayay laba meelood oo kala ah wadnaha iyo madaxa oo ah meelaha ugu halista badan jirka aadanaha.