3/28/2024
Today from Hiiraan Online:  _
Wararka Maanta- Isniin, Jun 18, 2012
Hoggaamiyaha Guud ee Al-shabaab oo sheegay inay sii wadayaan dagaallada inta ay ka hirgelinayaan Soomaaliya Dowlad Islaami ah

Isniin, June 18, 2012 (HOL) — Hoggaamiyaha ugu sarreeya Xarakada Al-shabaab, Sheekh Mukhtaar C/raxmaan Abuu-Zubeyr oo cajalad maqal ah oo uu soo saaray ku sheegay inay dagaallada wadayaan inta ay Soomaaliya ka hirgelinayaan dowlad Islaami ah.

Abuu-Zubeyr wuxuu ku eedeeyay dalalka reer galbeedka ah inay dhibaatooyin ku hayaan Soomaaliya, isagoo sheegay inay duullaan kusoo qaadeen markii ay arkeen horumarka ka socda gobollada ay ka taliso Al-shabaab.

"Dalalka galbeedka oo uu Mareykanku ka mid yahay ayaa waxay billaabeen inay nagu soo duullaan markii ay arkeen inay sare u kaceen wax-soo-saarka beeraha, ganacsiga, nabadda, cadaaladda iyo garsoorka ayay kusoo duuleen, si ay meesha uga saaraan horumarkaas oo dhan," ayuu yiri Abuu-Zubeyr.

Hoggaamiyuhu wuxuu sheegay in iyaguna aysan ka laabanayn go'aankooda ah inay la dagaalamaan AMISOM iyo dalka Mareykanka oo uu ku sheegay inuu dabada ka riixayo, wuxuuna rajo-wanaagsan ka muujiyay inay guul-dareysan doonaan.

"Mareykanka markii uu ku fashilmay duullaankii 1993-kii, Itoobiya oo uu soo dirsadayna ay fashilantay, wayna guuldareysan doonaan mar kale, sidoo kalena AMISOM waxaa sugaysa guuldarro taas la mid ah," ayuu yiri Amiirka Al-shabaab.

Sidoo kale, hoggaamiyaha Al-shabaab oo dhawaan uu Mareykanku dul-dhigay lacag abaalmarin ah oo gaarysa toddoba milyan oo doollar ayaa wuxuu sheegay inuusan taas waxba u arag, isagoo ugu baaqay xoogagga Al-shabaab inaysan iskhilaafin, ayna adeecaan hoggaamiyahooda, adkeeyaanna walaalnimada dhexdooda ah si ay ugu guuleystaan hadafkooda.

Abuu-Zubeyr wuxuu cajaladiisa ku sheegay in dowlad Islaami ah oo laga dhaliyo Soomaaliya aysan ahayn mid fudud, balse la marayo imtixaan adag oo dadka lagu kala miirayo, wuxuuna sheegay in hadafkooda aysan marnaba ka leexanayn.

Ugu dambeyn, wuxuu ku eedeeyay dalalka reer galbeedka inay cunno-qabteyn ku hayaan dadka Soomaaliyeed ee gudaha iyo dibadda ku nool, isagoo tusaale u soo qaatay in xoolaha Soomaaliya la xayiray kaddib markii lagu sheegay jirrooyin aysan qabin, sidoo kalena dhawaan ay xayiraad kusoo rogeen xawaaladaha Soomaalida.

Madaxda Soomaalida ayuu ku eedeeyay inay adeeceen gaalada, isagoo sheegay in qofkii adeeca gaalada iyo fikradaha ay wataan uu yahay qof ka baxay diinta Islaamka, inkastoo uusan banneyn dilkooda.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/18/2012 12:29 PM EST
Isniin, June 18, 2012(HOL): Orodyahan Soomaaliyeed oo degan magaalada Nijmegen una orda dalka Holland ayaa ku guuleystey oradka 5000m ee dalka Holland oo lagu qabtey magaalada Amsterdam garoonkeeda Olympicsh Stadion taariikhdu marka aheyd 18 June 2012.

6/18/2012 8:35 AM EST
Isniin, June 18, 2012 (HOL) — Kulan looga hadlayay sidii haweenka Soomaaliyeed ay kaalintooda uga qaadan karaan siyaasadda iyo hoggaanka dalka ayaa wuxuu ka furmay maanta xerada Xalane oo ah saldhigga ugu weyn ee ciidamada AMISOM ay ku leeyihiin Soomaaliya.

6/18/2012 8:24 AM EST
Isniin, June 18, 2012 (HOL) — Ra'iisul wasaaraha DKMG ah ee Soomaaliya, Cabdiweli Maxamed Cali oo maanta kulan la yeeshay odayaasha-dhaqanka Soomaaliyeed ee ku shirsan Muqdisho ayaa wuxuu kaga dalbaday inay sida ugu dhaqsiyaha badan kusoo gudbiyaan liiska ergadii ansixinta dastuurka cusub ee Soomaaliya.

6/18/2012 7:54 AM EST
Isniin, June 18, 2012 (HOL) — Mas’uuliyiinta maamulka gobolka Hiiraan ayaa maanta magaalada Beledweyne ku qabtay baroordiiq loo dhigay sanad-guuradii sadaxaad ee kasoo wareegatay weerarkii Ismiidaaminta ahaa ee 18, June, sanadkii 2009 ka dhacay magaalada Beledweyne.

6/18/2012 7:51 AM EST
Isniin, June 18, 2012 (HOL) — Kalluumeeysatada ka jalaabata xeebaha gobolka Jubada hoose ayaa ka canabeysa shaqo la'aan soo foodsaartay kadib markii la gudo galay xilliga Badxiranka oo gobollada Jubooyinka looga yaqaan "Xilliga Kuusiga".

6/18/2012 7:26 AM EST
Isniin, June 18, 2012 (HOL) — Xisbiga xorriyadda iyo cadaaladda ee dalka Masar oo ay leeyihiin ururka Akhwaanul Muslimiin ayaa sheegay in hoggaamiyahooda uu guul ka gaaray doorashooyinkii madaxnimo ee labadii casho ee lasoo dhaafay ka dhacay dalkaas.

6/18/2012 4:22 AM EST
Isniin, June 18, 2012 (HOL) — Ugu yaraan saddex qof ayaa ku dhintay, tiro intaas ka badanna way ku dhaawacmeen qaraxyo siyaabo kala duwan uga dhacay shalay gallinkii dambe iyo xalay qaar ka mid ah degmooyinka gobolka Banaadir.

6/18/2012 4:13 AM EST
Isniin, June 18, 2012 (HOL) — Waxaa uga curtay dalka Koonfurta Afrika dilalka loo geysanayo Soomaalida ku noo dalkaas iyadoo toddobaadkan oo keliya lagu dilay dalkaas 14-qof, waxaana la isku raacay in dadkaas laga tooganayay laba meelood oo kala ah wadnaha iyo madaxa oo ah meelaha ugu halista badan jirka aadanaha.