11/30/2021
Today from Hiiraan Online:  _
Wararka Maanta- Axad, Jun 17, 2012
Maamulka Gobolka Banaadir oo maanta kulan laqaatay Agaasime yaasha idaacadaha Muqdisho ka howlgala

Xafiiska Warfaafinta maamulka Gobolka Banaadir
Mogadishu-Somalia.

17, June  2012, Axad War-saxaafaddeedka maamulka gobolka Banaadir, Maamulka gobolka Banaadir ayaa maanta kulan ku aadan ilaallinta shuruucda Saxaafadda gobolka la qaaday masuuliyiinta Idaacaddaha ka howlgal gala gobolka Banaadir, iyadoo gabagabada kulankaasina lagu kala saxiixday heshiis ay kuwada shaqeynayaan warbaahinta iyo maamulka gobolka.

Kulan waxaa shir guddoominayey ku xiggeenka G/gobolka dhinaca maamulka iyo  Maaliyadda mudane iimaan Nuur iikar, waxaa sidoo kale madasha ku sugnaa Afhayeenka G/Banaadir Mudane Maxamed Yuusuf Cismaan iyo xog-hayaha guddoomiyaha G/ Banaadir, mudane C/laahi Maxamuud Cali, kulanka waxa uu ka dhacay xarunta gobolka Banaadir, waxaa ka soo qeyb galaya masuuliyiinta 16, Idaacaddood,  iyadoo intii uu socdayna kulankamasuuliyiinta Idaacaddaha Muqdisho iyo madaxda maamulka ay is weedaarsadeen ooraah ku aadan dhabbaha lagu xoojin karo wada shaqeynta ka dhaxeysa.

Madaxda Idaacaddihii kulan ka soo qeyb gashay, waxa ay u mahad celiyeen Afhayeenka G/ Banaadir, isla markaana waxa ay  arrin wanaagsan ku tilmaameen, in markii ugu horeysay ay kulan yeeshaan maamulka gobolka, iyagoo ballan qaaday in ay si joogta ah ulla shaqeyn doonaan maamulka G/Banaadir.



Afhayeenka G/Banaadir mudane Maxamed Yuusuf Cismaan ayaa dhinaciisa ka hadlay waxyaabaha looga baahan yahay masuuliyiinta warbaahinta, waxa uuna tilmaamay in waajib uu ka saaran yahay illaalinta danta shacabka Soomaaliyeed ee ku nool caasimadda dalka ee Muqdisho, waxa uuna ballan qaaday in ay xoojin doonaan wada shaqeynta iyo xuquuqda Xuriyatul Qowlka, maadaama warbaahinta gobolka Banaadir ka howlgasha amnigooda uu waajib ka saaran yahay maamulka gobolka Banaadir.

Sidoo kale afhayeenka ayaa masuuliyiinta Idaacaddaha ku war wargaliyey in ay ka soo qeyb galaan Siminaar uu dhawaan qaban doono maamulka gobolka Banaadir, kaasi oo magac darray Tiiraanyo bixinta Saxaafadda, dhinaca masuuliyiinta Idaacaddaha ayaa aqbalay ka soo qeyb galka Siminaarkiisi oo socon doono muddo Afar maalmood ah.

Gabagabada kulanka waxaa ka haddalka qaatay mudan iimaan Nuur iikar ku xiggeenka duqa magaalada Muqdisho ee dhinaca maamulka iyo Maaliyadda, waxa uuna sheegay in uu  ku faraxsan yahay kulanka ay la qaateen masuuliyiinta warbaahinnada Muqdisho, isla markaana hadda wixii ka dambeeya ay sii xoojinayaan horumarrinta warbaahinta, isagoo intaa raaciyey in ay ka wada shaqeeyaan adeegga Bulshada, isla markaana ay la jaanqaadaan isbaddelka ka jira caasimadda dalka ee Muqdisho.

Xafiiska Warfaafinta maamulka Gobolka Banaadir
Mogadishu-Somalia.
[email protected]













Click here
6/17/2012 9:44 AM EST
Axad, June 17, 2012 (HOL) — Tartankan oo ahaa mid loogu magac-daray isbedelka dhallinyarda (Youth for Change) ayna fulinaysay ha'yadda CPD (Center for Peace & Democracy) ayaa lagu qabtay magaalada Muqdisho, kaasoo ay ku tartameen 60-arday.

6/17/2012 8:34 AM EST
Axad, June 17, 2012 (HOL) — Madaxweynaha Soomaaliya, Shariif Sheekh Axmed ayaa wareegtu uu maanta soo saaray ku laalay ama ku diiday qodobbo ka mid ah axdiga KMG ah ee Soomaaliya, kuwasaoo lagu sheegay inay ka horimaanayaan fulinta heshiiska Roadmap-ka.

6/17/2012 8:32 AM EST
Axad, June 17, 2012 (HOL) — Maamulka Ahlusunna Waljameeca ayaa markii ugu horreysay guddoomiye u magacaabay gobolka Galgaduud ee baratmaha dalka Sooamaliya oo ah saldhigga ugu weyn ee ay Soomaaliya ku leeyihiin.

6/17/2012 7:28 AM EST
Axad, June 17, 2012 (HOL) — Wasiirka arrimaha dibadda ee Somaliland, Maxamed Cabdullaahi Cumar ayaa sheegay in wadahadallada dhexmaraya DKMG Soomaaliya iyo Somaliland ay maalinta Arbacada ah ka furmayaan magaalada London ee dalka Britain.

6/17/2012 7:03 AM EST
Axad, June 17, 2012 (HOL) — Qarax loo adeegsaday gaari waxyaabaha qaraxa ay ka buuxaan ayaa goor-dhaweyd ka dhacay suuqa labaad ee Muqdisho ugu weyn ee Suuq Bacaad oo ku yaalla degmada Yaaqshiid ee gobolka Banaadir.

6/17/2012 3:30 AM EST
Axad, June 17, 2012 (HOL) — Weerarkii Ismiidaaminta ahaa ee shalay oo Sabti ahayd ka dhacay degmada Afgooye ee gobolka Shabeellada hoose oo 30-km u jirta Muqdisho ayaa waxaa la sheegayaa inay ku dhinteen saddex qof oo mid ka mid ah uu ahaa ruuxii weerarka fuliyay, sidoo kalena ay ku dhaawacmeen saddex qof oo shacab ah.

6/17/2012 3:30 AM EST
Axad, June 17, 2012 (HOL) — Munaasibadii lagu caleemasaarayey Murshid Cabdi Baaruud oo loo magacaabay gudoomiyaha gudiga xiriirka dadka Muhaajiriinta ee xisbiga Jamhuuriga ee gobolka Minnesota, ayaa waxaa ka soo qaybgalay qaar ka mid ah madaxda ugu saraysa xisbigaasi sida xubnaha ka tirsan aqalka sare ee baarlamaanka iyo kan odayaasha iyo waliba wakiilada goleyaasha gobolka, waxaa sidoo kale munaasibada ka soo qaybgalay dad iyaguna ka socday bulshooyinka soo galootiga ah ee ku dhaqan gobolkaan Minnesota, gaar ahaan dadka u dhashay wadamada ku yaala bariga Afrika sida, Soomaaliya iyo Kenya iyo waliba qoomiyada laatiinooska loo yaqaano.

6/17/2012 3:28 AM EST
Axad, June 17, 2012 (HOL) — Ciidamada AMISOM ayaa Muqdisho ka billaabay dhisme ay sheegeen in lagu dhaqan-celinayo dhallinyarada kasoo goosta Al-shabaab, iyadoo sidoo kalena wada dayactirka xarunta golaha shacabka ee Muqdisho.